weather forecast for gujarat: ગુજરાતમાં બે દિવસ કમોસમી વરસાદ થવાની હવામાન વિભાગની આગાહી – weather forecast for gujarat, unseasonal rainfall forecast for two days

[ad_1]

હાઈલાઈટ્સ:

ગુજરાતમાં ફરી એકવાર કમોસમી વરસાદ થવાની હવામાન વિભાગની આગાહી
રાજ્યના કયા ભાગોમાં વરસાદ થશે તે અંગે હવામાન વિભાગ દ્વારા જણાવાયું છે
વરસાદની સાથે ગુજરાતના તાપમાનમાં ઘટાડો થવાની સંભાવના દેખાઈ રહી છે

અમદાવાદઃ રાજ્યમાં એક તરફ કોરોનાના કેસો વધતા ચિંતા પ્રવર્તી રહી છે. ત્યારે બીજી તરફ રાજ્ય પર ફરી એકવાર કમોસમી વરસાદનું સંકટ ઘેરાયું છે. વરસાદની સાથે-સાથે ફરી એકવાર ઠંડીનું જોર વધી શકે છે. હવામાન વિભાગ દ્વારા રાજ્યમાં બે દિવસ કમોસમી વરસાદ થવાની સંભાવના વ્યક્ત કરવામાં આવી છે. આ સિવાય ધૂમ્મસવાળું હવામાન રહેવાની પણ આગાહી કરવામાં આવી છે. આજના તાપમાનમાં કોઈ મોટો ઘટાડો નથી નોંધાયો. સૌથી નીચું ઘણા શહેરોનું તાપમાન 15 ડિગ્રી નોંધાયું છે.

જેમાં ઉત્તર ગુજરાતના બનાસકાંઠા, સાબરકાંઠા, મહેસાણા, પાટણ અનેન કચ્છ સહિત દાહોદ, પંચમહાલ, મહિસાગર અને અરવલ્લીમાં વરસાદ થવાની આગાહી વ્યક્ત કરવામાં આવી છે. સ્થાનિક હવામાન વિભાગ દ્વારા હળવો કમોસમી વરસાદ રહેવાની સંભાવના વ્યક્ત કરાઈ છે. ચાલુ વર્ષે કમોસમી વરસાદ રાજ્યનો પીછો નથી છોડી રહ્યો, આ અગાઉ પાછલા બે મહિનાઓમાં પણ સાઈક્લોનિક સર્ક્યુલેશનના લીધે હવામાનમાં પલ્ટો આવ્યો હતો અને રાજ્યના સૌરાષ્ટ્ર સહિતના ભાગોમાં વરસાદ નોંધાયો હતો.

રાજ્યમાં આજે તથા આવતીકાલે વરસાદ રહેવાની સંભાવના છે જેમાં બનાસકાંઠા, સાબરકાંઠા, મહેસાણા, પાટણ અને કચ્છમાં વરસાદ થવાની આગાહી વ્યક્ત કરવામાં આવી છે. જ્યારે આવતીકાલે એટલે કે મંગળવારે દાહોદ, પંચમહાલ, અરવલ્લી, મહિસાગરમાં વરસાદ થવાની સંભાવના છે. આ પછી 29 તારીખથી રાજ્યમાં હવામાન સાફ રહેવાનું હવામાન વિભાગ દ્વારા જણાવવામાં આવી રહ્યું છે.

કચ્છ સહિત રાજકોટ, પોરબંદરમાં ભારે ધૂમ્મસ છવાશે તેવી આગાહી વ્યક્ત કરાઈ છે. રવિવારે રાત્રે રાજ્યના શહેરોમાં લઘુત્તમ તાપમાનમાં કોઈ મોટો ફરક નોંધાયો નથી. અમદાવાદ સહિત મહુવા, કેસોદ, ડીસા, બરોડામાં સૌથી નીચું 15 ડિગ્રી સેલ્સિયસ તાપમાન નોંધાયું હતું. જ્યારે મહત્તમ 30 ડિગ્રી તાપમાન સાથે રાજકોટ, મહુવા, વડોદરા અને સુરત ગરમ રહ્યા હતા.

રાજ્યમાં હવામાન વિભાગ દ્વારા વરસાદની આગાહી કરવામાં આવી છે ત્યારે ઉત્તર ગુજરાતના ખેડૂત મિત્રો શિયાળુ પાકને લઈને ચિંતિત થયા છે.

[ad_2]

Source link