[ad_1]
હાઈલાઈટ્સ:
- પોલીસને 18 વર્ષીય યુવતીની ડાયરી મળી હતી પરંતુ તેમાંથી એક પાનું ગુમ હતું.
- પીડિતાની ડાયરીના ગુમ પાનાનો ફોટોગ્રાફ પોલીસને મળ્યો છે.
- હાલ પોલીસ 54 રિક્ષાચાલકોની પૂછપરછ કરી છે.
વડોદરા ગેંગ રેપમાં નવો ખુલાસોઃ યુવતીએ મેસેજમાં કહ્યું હતું, મારૂ કિડનેપ થયું છે, મને મારી નાખશે, પ્લીઝ બચાવી લો
પોલીસને ડાયરીના ગુમ થયેલા પાનાનો ફોટો વડોદરાની ઈન્સ્ટીટ્યૂટમાં કામ કરતાં મહિલા કર્મચારીના મોબાઈલ ફોનમાંથી મળી આવ્યો છે. મૃતક યુવતી પણ આ જ ઈન્સ્ટીટ્યૂટમાં ઈન્ટર્ન હતી. આ મહિલા કર્મચારી ઉપરાંત તેમના કેટલાક સહકર્મીઓ, પીડિતાના રૂમમેટ અને તેણીના ભાઈના મોબાઈલો પણ પોલીસે ફોરેન્સિક તપાસ માટે મોકલ્યા છે.
અગાઉ પોલીસને પીડિતાની ડાયરી મળી આવી હતી જેમાં તેણે પોતાના પર દુષ્કર્મ થયું હોવાનો ઉલ્લેખ કર્યો હતો. વડોદરાના વેક્સીન ઈન્સ્ટીટ્યૂટ ગ્રાઉન્ડમાં એક રિક્ષાચાલક અને તેના સાગરીતે બળાત્કાર કર્યો હોવાનું પીડિતાએ ડાયરીમાં લખ્યું હતું. જોકે, તેની ડાયરીના કેટલાક પાનાં રહસ્યમય રીતે ગુમ હતા.
પ્રાથમિક તપાસમાં સામે આવ્યું હતું કે, ઈન્સ્ટીટ્યૂટના મેન્ટર પીડિતાની ડાયરીના કેટલાક પેજના ફોટોગ્રાફ્સ પોતાના સિનિયરને મોકલ્યા હતા. સૂત્રોનું માનીએ તો, પૂછપરછ દરમિયાન મેન્ટરે પોલીસને જણાવ્યું કે, દુષ્કર્મની ઘટના બની ત્યારે સ્ટાફના ઘણાં સભ્યો જમ્મુ-કાશ્મીર ટ્રીપ માટે ગયા હતા. મેન્ટરે આ અંગેની જાણકારી તેના સિનિયરને આપતાં તેમણે ડાયરીના પાનાં અને પીડિતાની ઈજાની તસવીરો તેમને મોકલી હતી.
મેન્ટરે એક મહિલા કર્મચારીને આ તસવીરો મોકલી હતી અને તેમણે સિનિયરોને ફોરવર્ડ કરી હતી. બાદમાં સિનિયરોની સૂચનાથી આ ફોટોગ્રાફ્સ ડિલિટ કરી નાખવામાં આવ્યા હતા, તેમ મેન્ટરે જણાવ્યું. પોલીસે તાત્કાલિક અન્ય એક મહિલા કર્મચારીને બોલાવ્યા અને તેમના મોબાઈલમાંથી તેમને ડાયરીના ફાટેલા પાનાંનો ફોટોગ્રાફ મળી આવ્યો હતો, તેમ સૂત્રોએ જણાવ્યું. આ કર્મચારીનો મોબાઈલ પોલીસે જપ્ત કર્યો છે.
તલાક આપતા પહેલાં પતિએ કહ્યું-‘તું કાળી છે, મારા કોઈ કામની નથી’, પછી ભરાઈ ગયો
પોલીસને એ પણ જાણવા મળ્યું છે કે, ઈન્સ્ટીટ્યૂટ ચાર છોકરીઓના ગ્રુપ વચ્ચે માત્ર એક મોબાઈલ રાખવાની પરવાનગી આપે છે. પીડિતા અને તેના રૂમમેટ્સ વચ્ચે જે મોબાઈલ હતો તે પણ પોલીસે જપ્ત કર્યો છે. તપાસ દરમિયાન બહાર આવ્યું છે કે, પીડિતા પાસે પોતાનો મોબાઈલ નહોતો. ઘરેથી પીડિતા મરોલી જવાનું કહીને નીકળી ત્યારે પોતાના ભાઈનો મોબાઈલ લઈને ગઈ હતી.
દરમિયાન, પોલીસે 54 રિક્ષાચાલકોની પૂછપરછ કરી રહી છે. આ તમામના મોબાઈલ ઘટના બની એ દિવસે તે જ વિસ્તારમાં ટ્રેસ થયા હતા. આ સિવાય પીડિતા વડોદરામાં જે વિસ્તારમાં રહેતી હતી ત્યાંના દૂધવાળા, શાકવાળા અને અન્ય ફેરિયા-વેપારીઓની પૂછપરછ પોલીસ કરી રહી છે.
[ad_2]
Source link
Leave a Reply