[ad_1]
હાઈલાઈટ્સ:
- શહેરના ડિંડોલી વિસ્તારમાં રહેતી કોલેજ ગર્લનું 22 નવેમ્બરની રોજ શંકાસ્પદ મોત થયું હતું
- મામલાની ગંભીરતાને લઈ શહેર પોલીસ કમિશનરે કેસની તપાસ ક્રાઈમ બ્રાન્ચને સોંપી હતી
- વિધર્મી યુવક દીકરીને સતત હેરાન કરતો હતો, તેણે ઝેર આપ્યું હોવાનો પરિવારનો આક્ષેપ
ઉલ્લેખનીય છે કે, 22 નવેમ્બરની સાંજે યુવતી એક યુવતક સાથે કોફી પીવા ગઈ હતી અને બંને બંધ કેબિનમાં બેઠા હતા. જોકે, મેનેજરે બે કલાકથી વધુ સમય સુધી કેબિનમાંથી કોઈ હિલચાલ જોવા ન મળતાં તેણે તપાસ કરતાં બંને બેભાન હાલતમાં પડેલા જોવા મળ્યા હતા. જેથી તેણે તરત જ એમ્બ્યુલન્સ બોલાવી અને બંનેને હોસ્પિટલમાં લઈ જવામાં આવ્યા હતા. જ્યાં ફરજ પરના તબીબોએ યુવતીને મૃત જાહેર કરી હતી. પરંતુ તેણીના મૃત્યુની જાણ થતાં જ છોકરો હોસ્પિટલમાંથી ભાગી ગયો હતો.
દરમિયાન સાંજે યુવતીના પરિવારજનોને આ ઘટનાની જાણ થતાં તેઓ હોસ્પિટલે દોડી આવ્યા હતા. ખટોદરા પોલીસે પણ હોસ્પિટલે પહોંચી અકસ્માત મોત નોંધી તપાસ શરૂ કરી હતી. પ્રાપ્ત માહિતી અનુસાર મૃતક યુવતી ઉડિયા સમુદાયની છે અને તેની માતા શિક્ષિકા છે જ્યારે પિતા નિવૃત્ત છે. પરિવારનો આરોપ છે કે અન્ય ધર્મના યુવકે અમારી દીકરીને ઝેર આપ્યું હતું અને મીડિયાને પણ જણાવ્યું હતું કે તે તેમની પુત્રીને હેરાન કરી રહ્યો હતો.
ગંભીર આરોપોને ધ્યાનમાં રાખીને કેસ બીજા દિવસે શહેર ક્રાઈમ બ્રાન્ચને સોંપવામાં આવ્યો હતો અને ક્રાઈમ બ્રાન્ચે યુવકને શોધવા માટે કોફી શોપ અને નજીકના વિસ્તારોના સીસીટીવી ફૂટેજ પણ મેળવી લીધા હતા. પોલીસે બાદમાં યુવકનું નિવેદન નોંધ્યું હતું. પ્રાથમિક પોસ્ટમોર્ટમ રિપોર્ટમાં જાણવા મળ્યું હતું કે યુવતીનું કાર્ડિયક અરેસ્ટને કારણે તેનું મોત થયું હતું. જો કે, તેણીનું હૃદય અચાનક કામ કરવાનું બંધ કરવા પાછળનું કારણ શું હતું તેની વિગતો આજ સુધી જાણી શકાઈ નથી.
[ad_2]
Source link
Leave a Reply