Samsung Galaxy A26 5G : Samsung Galaxy A06 તાજેતરમાં ભારતમાં લોન્ચ કરવામાં આવ્યો છે. આ વર્ષે લોન્ચ થનારો સેમસંગનો આ સૌથી સસ્તો 5G સ્માર્ટફોન છે. કંપની હવે Galaxy A સીરીઝમાં વધુ એક પાવરફુલ ફોન લોન્ચ કરવા જઈ રહી છે. આ ફોનનું સપોર્ટ પેજ લાઈવ થઈ ગયું છે, જે દર્શાવે છે કે ફોનનું લોન્ચિંગ ખૂબ જ નજીક છે. આ પહેલા સેમસંગનો આ મિડ-બજેટ સ્માર્ટફોન BIS, TUV Rhineland અને Bluetooth SIG સહિત ઘણી સર્ટિફિકેશન સાઇટ્સ પર જોવા મળ્યો છે.
ટૂંક સમયમાં લોન્ચ કરવામાં આવશે
હાલમાં, સેમસંગના સપોર્ટ પેજ પર આ ફોન વિશે વધુ માહિતી શેર કરવામાં આવી નથી. આ ફોનની સાથે સેમસંગ વધુ બે ફોન Galaxy A36 અને Galaxy A56 પણ લોન્ચ કરી શકે છે. રિપોર્ટ અનુસાર, આ સ્માર્ટફોન આવતા મહિને એટલે કે માર્ચમાં લોન્ચ થઈ શકે છે. તેનું પાછલું મૉડલ Galaxy A25 5G ડિસેમ્બર 2023માં લૉન્ચ થયું હતું.
Samsung Galaxy A26 5G ના ફીચર્સ
સેમસંગના સપોર્ટ પેજ પર, આ ફોન મોડેલ નંબર SM-A26B/DS સાથે સૂચિબદ્ધ છે. આ સેમસંગ ફોન બ્લૂટૂથ SIG સાઇટ પર આ મોડેલ નંબર સાથે સૂચિબદ્ધ હતો. તાજેતરમાં લીક થયેલી માહિતી અનુસાર, આ ફોન 6.64 ઇંચ અથવા 6.7 ઇંચની ડિસ્પ્લે સાથે આવી શકે છે. તેનું ડિસ્પ્લે FHD+ એટલે કે ફુલ HD પ્લસ રિઝોલ્યુશનમાં મળી શકે છે. ઉપરાંત, આ ફોનનું ડિસ્પ્લે 120Hz હાઈ રિફ્રેશ રેટ ફીચરને સપોર્ટ કરશે.
Samsung Galaxy A સીરીઝના આ આવનારા ફોનમાં કંપનીનું ઇન-હાઉસ Exynos 1280 પ્રોસેસર મળી શકે છે, જે Exynos 2400eની સમકક્ષ ચિપસેટ છે. આ ફોનમાં વોટરડ્રોપ નોચ ડિઝાઇન સાથેનું ડિસ્પ્લે મળી શકે છે. આ સિવાય ફોનમાં 8GB રેમ અને 256GB સ્ટોરેજનો સપોર્ટ હશે. આ ફોનમાં 5,000mAhની પાવરફુલ બેટરી સાથે 25W યુએસબી ટાઈપ ચાર્જિંગ ફીચર હોઈ શકે છે.
આ સ્માર્ટફોન ટ્રિપલ રિયર કેમેરા સાથે આવશે. તેમાં 50MPનો મુખ્ય કેમેરો મળી શકે છે. આ સિવાય 5MPના વધુ બે કેમેરા મળી શકે છે. આ ફોન Android 15 પર આધારિત OneUI 7 પર કામ કરશે.
Leave a Reply