Gold Silver Price : સોમવાર, 3 માર્ચ, 2025, અઠવાડિયાના પ્રથમ ટ્રેડિંગ દિવસે, સોના અને ચાંદીના ભાવમાં ફરી એકવાર વધારો જોવા મળી રહ્યો છે. MCX પર, સોનાનો ભાવ 0.45 ટકાના વધારા સાથે 84,602 રૂપિયા પ્રતિ 10 ગ્રામ પર ટ્રેડ થઈ રહ્યો છે જ્યારે ચાંદીનો ભાવ 0.55 ટકાના વધારા સાથે 94,850 રૂપિયા પ્રતિ કિલો પર ટ્રેડ થઈ રહ્યો છે.
શુક્રવારે બુલિયન માર્કેટમાં સોનાનો ભાવ.
શુક્રવારે રાષ્ટ્રીય રાજધાનીના બુલિયન માર્કેટમાં સોનાની કિંમત 500 રૂપિયા ઘટીને બે સપ્તાહની નીચી સપાટી 87,700 રૂપિયા પ્રતિ 10 ગ્રામ પર પહોંચી ગઈ હતી. અખિત ભારતીય સરાફા સંઘે આ માહિતી આપી હતી. છેલ્લા ટ્રેડિંગ સેશનમાં 99.9 ટકા શુદ્ધતાનું સોનું 88,200 રૂપિયા પ્રતિ 10 ગ્રામ પર બંધ થયું હતું.
આ વર્ષે અત્યાર સુધીમાં સોનાની કિંમત 8,310 રૂપિયા અથવા 10.5 ટકા વધીને 87,700 રૂપિયા પ્રતિ 10 ગ્રામ થઈ ગઈ છે, જ્યારે 1 જાન્યુઆરીએ સોનાનો ભાવ 79,390 રૂપિયા પ્રતિ 10 ગ્રામ હતો. 99.5 ટકા શુદ્ધતાના સોનાની કિંમત 500 રૂપિયા ઘટીને 87,300 રૂપિયા પ્રતિ 10 ગ્રામ થઈ ગઈ છે. તેની અગાઉની બંધ કિંમત 87,800 રૂપિયા પ્રતિ 10 ગ્રામ હતી.
આ વર્ષે અત્યાર સુધીમાં સોનું 8,894 રૂપિયા મોંઘુ થયું છે.
આ વર્ષે એટલે કે 1 જાન્યુઆરીથી અત્યાર સુધીમાં 24 કેરેટ સોનાના 10 ગ્રામની કિંમત 8,894 રૂપિયા વધીને 76,162 રૂપિયાથી 85,056 રૂપિયા થઈ ગઈ છે. તે જ સમયે, ચાંદીની કિંમત પણ 7,463 રૂપિયા પ્રતિ કિલોગ્રામ 86,017 રૂપિયાથી વધીને 93,480 રૂપિયા થઈ ગઈ છે. જ્યારે ગયા વર્ષે એટલે કે 2024માં સોનું 12,810 રૂપિયા મોંઘું થયું હતું.
Leave a Reply