હરિયાણા વિધાનસભા ચૂંટણી પરિણામ 2024: કોંગ્રેસે હરિયાણાના મુસ્લિમ પ્રભુત્વવાળા વિસ્તારોમાં ક્લીન સ્વીપ કર્યું છે. નૂહ, ફિરોઝપુર ઝિરકા અને પુનાનામાં કોંગ્રેસના ઉમેદવારો જંગી મતોથી આગળ છે. કોંગ્રેસના ઉમેદવાર આફતાબ અહેમદ નુહ બેઠક પરથી 46,963 મતોથી જીત્યા છે. તેમને 91,833 મત મળ્યા. આફતાબ અહેમદે INLDના તાહિર હુસૈનને 44,870 મતોથી હરાવ્યા. આ સીટ પર બીજેપીના સંજય સિંહ 15,902 વોટ મેળવીને ત્રીજા ક્રમે રહ્યા હતા.
કોંગ્રેસના મોહમ્મદ ઇલ્યાસ પુનહાના સીટથી 15 રાઉન્ડની મતગણતરી બાદ 31,916 વોટથી આગળ છે. બીજા સ્થાને અપક્ષ રહીશ ખાનને 53384 મત મળ્યા હતા. જ્યારે ભાજપના મોહમ્મદ એજાઝ ખાનને 5072 મત મળ્યા હતા. ચૂંટણી પંચના જણાવ્યા અનુસાર આ બેઠક પર 15 રાઉન્ડની મતગણતરી થવાની હતી. અને કોંગ્રેસના ઉમેદવાર મોહમ્મદ ઇલ્યાસની જીત નિશ્ચિત માનવામાં આવે છે.
ફિરોઝપુર ઝિરકા સીટ પર કોંગ્રેસના મમ્મન ખાન 98441 મતોથી આગળ છે. તેમને બીજેપી નેતા નસીમ અહેમદની સરખામણીમાં 32056 વોટ મળ્યા છે. આ સીટ પર INLDના મોહમ્મદ હબીબને 15638 વોટ મળ્યા છે. આ બેઠક પર 20 રાઉન્ડની મતગણતરી થવાની હતી, 20મા રાઉન્ડ પછી મમ્મન ખાન 98,441થી વધુ મતોની લીડ ધરાવે છે.
હરિયાણામાં કોંગ્રેસે અત્યાર સુધી પાંચ સીટો જીતી છે, જ્યારે તે 33 સીટો પર આગળ ચાલી રહી છે. ભાજપે 3 સીટો જીતી છે અને 44 સીટો પર આગળ ચાલી રહી છે. INLD એક સીટ પર આગળ છે, જ્યારે BSP પણ એક સીટ પર આગળ છે. 3 બેઠકો પર અપક્ષો આગળ ચાલી રહ્યા છે.
Leave a Reply