tourists stranded in sikkim: સિક્કિમમાં બરફવર્ષાનો કહેરઃ હજારથી વધુ પ્રવાસીઓ ફસાયા, સેનાએ શરૂ કર્યું રેસ્ક્યૂ ઓપરેશન – more than thousand tourists stranded in sikkim due to heavy snowfall, army started rescue operation

[ad_1]

હાઈલાઈટ્સ:

સિક્કિમમાં ભારે હિમવર્ષાને કારણે હજારથી વધુ પ્રવાસીઓ ફસાયા
ભારતીય સેના દ્વારા ફસાયેલાં પ્રવાસીઓનું રેસ્ક્યૂ ઓપરેશન શરૂ કરાયું
સોમવાર સુધી રેસ્ક્યૂ ઓપરેશન ચાલુ રહેશે, પ્રવાસીઓને ગંગટોક લઈ જવાયા

ક્રિસમસ અને ન્યૂ યરના સેલિબ્રેશન માટે મોટી સંખ્યામાં પ્રવાસીઓ સિક્કિમ પહોંચ્યા છે. પણ સિક્કિમમાં હાલ ભારે બરફવર્ષાને કારણે જનજીવન અસ્તવ્યસ્ત થઈ ચૂક્યું છે. બીજી બાજુ સિક્કિમના ચાંગૂ તળાવ પાસે એક હજારથી પણ વધારે પ્રવાસીઓ ફસાઈ ગયા છે. અને હવે તેઓને બચાવવા માટે સેનાએ રેસ્ક્યૂ ઓપરેશન શરૂ કરી દેવામાં આવ્યું છે.

સિક્કિમની ચાંગૂ લેક પાસે હજારથી પણ વધારે પ્રવાસીઓ ફસાયા

ચીનની સીમા પાસે સિક્કિમની ચાંગૂ લેક પાસે અંદાજે 1027 પ્રવાસીઓ ફસાઈ ગયા છે. રવિવારે આ જાણકારી અધિકારીઓ દ્વારા આપવામાં આવી હતી. તેઓએ જણાવ્યું હતું કે, ભારે બરફવર્ષાને કારણે શનિવારે જવાહરલાલ નહેરુ રોડ બંધ કરી દેવામાં આવ્યો હતો, જેનાથી હજારો પ્રવાસીઓ ચાંગૂ લેક પાસે ફસાઈ ગયા હતા.

પ્રવાસીઓને 40 કિમી દૂર ગંગટોક પહોંચાડવામાં આવી રહ્યા છે

અધિકારીઓએ જણાવ્યું હતું કે, સેના તેઓને બચાવવા માટે રાત્રિના સમયે પોતાની શિબિરોમાં રહેવા માટે જગ્યા આપી રહી છે. તેઓએ જણાવ્યું હતું કે, રવિવારની સવારે મોસમમાં મામુલી સુધારો થયો હતો. પ્રવાસીઓને નાના-નાના સમૂહોમાં વેચવામાં આવ્યા છે અને સેનાના જવાન તેઓને લગભગ 40 કિમી દૂર ગંગટોક પહોંચાડવા માટે મદદ કરી રહ્યા છે. તેમજ અધિકારીઓએ વધુમાં ઉમેર્યું હતું કે, છેલ્લી ખબર મળવા સુધી બચાવ અભિયાન ચાલુ જ હતું.

ક્રિસમસની રજાઓ હોવાથી મોટી સંખ્યામાં પ્રવાસીઓ આવ્યા હતા

આ ઉપરાંત અધિકારીઓએ જણાવ્યું કે, સોમવાર સુધી પ્રવાસીઓને બચાવવા માટેનું રેસ્ક્યૂ ઓપરેશન ચાલુ રહેવાની સંભાવના છે, કેમ કે મોટી સંખ્યામાં પ્રવાસીઓ ક્રિસમસની રજાઓ ગાળવા માટે ચીનને લગતી ભારતીય સીમાની નજીક સોંગમો કે ચાંગૂ લેક ફરવા માટે આવ્યા હતા. તેઓએ જણાવ્યું કે, ફસાયેલાં પ્રવાસીઓમાં 250 લોકો કોલકાતા સહિત પશ્ચિમ બંગાળના વિવિધ જિલ્લાઓના રહેવાસી છે.

સિક્કિમ ચેકપોસ્ટના ઈન્સ્પેક્ટર જનરલ ઓફ પોલીસ સોનમ ભુટિયાએ જણાવ્યું હતું કે, ફાસઈ ગયેલાં મોટા ભાગના પ્રવાસીઓને રેસ્ક્યૂ કરી લેવામાં આવ્યા છે, અને હવે માત્ર 100 જેટલાં પ્રવાસીઓને ગંગટોક લાવવાના બાકી છે. અને ભારે બરફવર્ષાને કારણે વાહનો હજુ પણ ફસાયેલાં જ છે.

[ad_2]

Source link