stock trading ideas: આગામી અઠવાડિયે શેરબજારમાં ટ્રેડિંગ, એક્સપર્ટ શું સલાહ આપી રહ્યા છે? – stock trading ideas for upcoming week by share market expert kunal bothra

[ad_1]

હાઈલાઈટ્સ:

અરબિંદો ફાર્મા, ગ્લેનમાર્ક ફાર્મા, ડિવિઝ લેબ્સ જેવા શેરો આગામી દિવસોમાં શાનદાર રિટર્ન આપી શકે છે.
બાયોકોન, નેટકો ફાર્મા જેવા શેર મોટી ફાર્મા કંપનીઓના શેરોની સરખામણીમાં વધારે આકર્ષક દેખાઈ રહ્યા છે.
આગામી 2 અઠવાડિયા સુધી ફાર્મા શેર સારું પ્રદર્શન કરી શકે છે.

નવી દિલ્હી: જો તમે પણ આગામી અઠવાડિયામાં શેરોમાં પૈસાનું રોકાણ કરીને સારી કમાણી કરવા માગો છો તો જાણો શેરબજારના એક્સપર્ટ કુણાલ બોથરા શું સલાહ આપી રહ્યા છે. શેરબજારના એક્સપર્ટ કુણાલ બોથરાનું કહેવું છે કે શેરબજાર માટે અત્યારે કપરો સમય ચાલી રહ્યો છે. અત્યારે શેરબજારના કારોબારીઓમાં થોડી નિરાશાનો માહોલ છે. આ શેરબજારનું નેચરલ કરેક્શન છે જે છેલ્લા થોડા મહિનાઓથી ડ્યુ હતું. હવે ઈન્ડેક્સ નંબરમાં કરેક્શન જોવા મળી રહ્યું છે.
આ સપ્તાહે આવી રહ્યા છે બે આઈપીઓ, એક તો ખૂલ્યા પહેલા જ ગ્રે માર્કેટમાં છવાયો!
અત્યારે શેરબજારમાં કારોબાર કરીને નફો કમાવવા માટે ઘણાં પેરામીટર છે જેને ટ્રાય કરી શકાય છે. હાલ શેરબજાર જે રીતે નબળું પડ્યું છે તેનો ફાયદો ઉઠાવવાના પ્રયાસ કરવા જોઈએ. આ સાથે એ મુદ્દે પણ ધ્યાન રાખતા રહેવું જોઈએ કે ક્યાં સુધી શેરબજાર આ રીતે નબળું રહી શકે છે. બેંક નિફ્ટી પોતાના 200 દિવસના મૂવિંગ એવરેજ પાસે કારોબાર કરી રહ્યું છે. જો નિફ્ટી બેંક નિફ્ટી 200-250 અંક અને કરેક્શન કરે છે તો આ ગત 8-9 મહિનાની સરેરાશ પાસે પહોંચી જશે. આ બેંક નિફ્ટી ઈન્ડેક્સ માટે ખૂબ મહત્વપૂર્ણ સપોર્ટ માની શકાય છે.

કયા શેરોથી મળશે રિટર્ન?

એક્સપર્ટ કુણાલ બોથરાના જણાવ્યા મુજબ, છેલ્લા સતત 5 અઠવાડિયાથી ફાર્મા શેર નબળા જોવા મળી રહ્યા છે. શુક્રવારે ઘણી ફાર્મા કંપનીઓના શેરોમાં સારી એવી તેજી જોવા મળી છે. ફાર્મા સેક્ટરમાં હવે બ્રેકઆઉટ જોઈ શકાય છે. આગામી 2 અઠવાડિયા સુધી ફાર્મા શેર સારું પ્રદર્શન કરી શકે છે. જો તમે શેરોમાં રોકાણ કરીને નફો કમાવવા માગો છો તો સન ફાર્મા અને ડૉ રેડ્ડીઝ લેબ જેવા શેરોની જગ્યાએ ટિયર ટૂ ફાર્મા કંપનીઓના શેરોમાં રોકાણ કરી શકો છો. અરબિંદો ફાર્મા, ગ્લેનમાર્ક ફાર્મા, ડિવિઝ લેબ્સ જેવા શેરો આગામી દિવસોમાં શાનદાર રિટર્ન આપી શકે છે.

શું ખરીદો અને શું વેચશો?

એક્સપર્ટ કુણાલ બોથરા જણાવે છે કે, બાયોકોન, નેટકો ફાર્મા જેવા શેર મોટી ફાર્મા કંપનીઓના શેરોની સરખામણીમાં વધારે આકર્ષક દેખાઈ રહ્યા છે. જેથી આગામી દિવસોમાં શાનદાર કમાણી કરી શકાય છે. જો તમે આગામી કેટલાંક અઠવાડિયામાં શેરોમાંથી કમાણી કરવા માગો છો તો અત્યારના લેવલ પર બાયોકૉનના શેર ખરીદી શકો છો. આગાની કેટલાંક દિવસોમાં બાયોકૉનના શેર ₹400ના ટારગેટને સ્પર્શી શકે છે. આ રીતે એક્સપર્ટ કુણાલ બોથરાની સલાહ છે કે જો તમારી પાસે મણપ્પુરમ ફાઈનાન્સના શેર છે તો તમે તે વેચી શકો છો. ચાર્ટ પર ફાઈનાન્સ કંપનીઓના શેરો નબળા જોવા મળી રહ્યા છે.

[ad_2]

Source link