sona comstar: તાજેતરમાં લિસ્ટ થયેલા Sona BLWના શેરને બ્રોકરેજ ફર્મ કોટકે ‘સેલ’ રેટિંગ કેમ આપ્યું? – broking firm kotat gives sell rating to sona blw pricision

[ad_1]

હાઈલાઈટ્સ:

સોના કોમસ્ટાર દેશની સૌથી મોટી ઓટો પાર્ટસ બનાવતી કંપનીમાંથી એક છે.
બ્રોકરેજ ફર્મ કોટક ઈન્સ્ટિટ્યૂશનલ ઈક્વિટીઝે તેનું રેટિંગ ‘એડ’માંથી બદલીને ‘સેલ’ કરી દીધું છે.
બ્રોકરેજ ફર્મનું કહેવું છે કે, કંપનીમાં ગ્રોથની જે શક્યતા દેખાય છે, તેટલો તેના શેરનો ભાવ પહેલેથી જ પહોંચી ગયો છે.

નવી દિલ્હી: દેશની સૌથી મોટો ઓટો પાર્ટસ કંપની સોના બીએલડબલ્યુ પ્રિસિઝન (સોના કોમસ્ટાર)નું રેટિંગ કોટક ઈન્સ્ટિટ્યૂશનલ ઈક્વિટીઝે ‘એડ’માંથી બદલીને ‘સેલ’ કરી દીધું છે. બ્રોકરેઝ ફર્મનું માનવું છે કે, ઓટો ઈન્ડસ્ટ્રીઝને લગતી કંપનીઓના શેરમાં ટૂંકગાળાના મજબૂત ગ્રોથ જેટલી તક હતી તે ભાવે શેર પહેલેથી પહોંચી ચૂક્યા છે.

બ્રોકિંગ ફર્મ આ સ્ક્રીપ્ટનું મૂલ્ય નાણાકીય વર્ષ 2024માં શેર દીઠ અંદાજિત કમાણીના 63 ગણા કરે છે, જે ઘણું વઘારે હોવાનું તેનું માનવું છે.

સોના બીએલડબલ્યુ પ્રિસિઝન હાઈલી એન્જિનિયર્ડ ક્રિટિકલ ઓટોમોટિવ સિસ્ટમ્સ અને કોમ્પોનન્ટ્સ જેમકે ડિફરન્શિયલ એસેમ્બલી, ડિફરન્શિયલ ગિયર્સ, કન્વેન્શનલ અને માઈક્રો-હાઈબ્રિડ સ્ટાર્ટર મોટર્સ, બીએસજી સિસ્ટમ્સ, ઈવી ટ્રેક્શન મોટર્સ અન મોટર કન્ટ્રોલ યુનિટ્સની ડિઝાઈનિંગ, મેન્યુફેક્ચરિંગ અને સપ્લાયનું કામ કરે છે.

કોટકે જણાવ્યું કે, તેનું વિશ્લેષણ દર્શાવે છે કે, ગ્લોબલ ડિફરન્શિયલ બેટરી ઈલેક્ટ્રિક વ્હીકલ (બીઈવી) સેગમેન્ટમાં સોના કોમસ્ટાર 40 ટકા બજાર હિસ્સો અને સ્થાનિક ટુ-વ્હીલર ઈવી ટ્રેક્શન મોટર સેગમેન્ટમાં 25 ટકા બજાર હિસ્સો પ્રાપ્ત કરી શકે છે, પરંતુ તે મેળવવું કંપની માટે પડકારજનક છે.
SBIનો શેર નવા વર્ષમાં ક્યાં સુધી પહોંચી શકે? 2022માં કયા શેર્સ કરાવી શકે છે કમાણી?
રૂ. 650ના અપરિવર્તિત લક્ષ્યનું સૂચન કરતા તેણે કહ્યું કે, ‘ઓરિજનલ ઈક્વિપમેન્ટ મેકર્સ ઈલેક્ટ્રિક વ્હીકલ્સની એકંદર કિંમત ઘટાડવા પર ધ્યાન કેન્દ્રિત કરે છે, 24-25 ટકા ઈબીઆઈટી માર્જિન જાળવવું એ કંપની માટે મુશ્કેલ કાર્ય હશે.’

કોટકે જણાવ્યું કે, કંપની વૈશ્વિક પીવી બીઈવી ડિફરન્શિયલ એસેમ્બલી માર્કેટ માટે ઉત્તર અમેરિકામાં તેમજ ચોક્કસ ચાઈનીઝ OEMsમાં પ્રવેશ કરવામાં સક્ષમ છે, પરંતુ કંપની હજુ સુધી યુરોપીયન, જાપાનીઝ અને કોરિયન ઓઈએમના ઓર્ડર મેળવી શકી નથી.

ફર્મે કહ્યું કે, ‘તાજેતરમાં યુરોપીયન OEMs, ખાસ કરીને ફોક્સવેગન ગ્રુપ, પ્રોડક્ટ લોન્ચના સંદર્ભમાં આક્રમક બન્યા છે. જેના કારણે વૈશ્વિક બીઈવી સેગમેન્ટમાં યુરોપીયન OEMsનો હિસ્સો 2020માં વધીને 24 ટકા થયો છે, જે 2017માં 13 ટકા હતો. યુરોપીયન તેમજ જાપાનીઝ ઓઈએમ પાસે તેમના સિલેક્ટેડ સપ્લાયર્સ છે, સોના કોમસ્ટાર માટે આ OEMs પાસેથી વોલેટનો વધુ હિસ્સો મેળવવો પડકારજનક રહેશે.’

બ્રોકરેજ ફર્મે ઉમેર્યું કે, કિંમત નક્કી કરવાનો ફાયદો તેમજ ટેકનિકલ ક્ષમતાઓ હોવા છતાં સોના કોમસ્ટારને વૈશ્વિક પીવી ડિફરન્શિયલ એસેમ્બલી માર્કેટમાં 40 ટકા બજાર હિસ્સો મેળવો મુશ્કેલ બનશે.

તેનું કહેવું છે કે, શેરની હાલની કિંમત સ્થાનિક ઈવી ટુ-વ્હીલર ટ્રેક્શન મોટર સેગમેન્ટમાં 25 ટકા બજાર હિસ્સો ઊભો કરી રહી છે.
ટૂંકાગાળામાં તગડી કમાણી કરવા Tech Mahindra સહિત આ 7 સ્ટોક પર દાવ લગાવી શકાય
કોટકે કહ્યું કે, ‘ઈવી ટુ-વ્હીલર સ્પેસ ઝડપથી સ્વીકાર્ય થવાી ટોચ પર છે અને ટ્રેક્શન મોટર હાયર કન્ટ્રેન્ટ પ્રોડક્ટ (રૂ. 8,000થી રૂ. 15,000) હોવાના કારણે આ સેગમેન્ટમાં સ્પર્ધા તીવ્ર રહેવાની શક્યતા છે. સોના કોમસ્ટાર, વેરોક એન્જિનિયરિંગ, મિન્ડા ઈન્ડસ્ટ્રીઝ અને લુકાસ ટીવીએસ જેવા સ્થાનિક ખેલાડીઓ ઉપરાંત ગ્લોબલ એમએનસીઝ જેમકે માહલે ઓટો, એસઈજી ઓટોમોટિવ, શેફર એજી, બોસ્ચ, નિડેક કોર્પોરેશન પણ અહીં સ્પર્ધા કરશે.’ 25 ટકા બજાર હિસ્સો અને નફો જાળવવો કંપની માટે પડકારજનક રહેશે, તેમ આ ફર્મે જણાવ્યું હતું.

બ્રોકરેજ ફર્મ કોટકને અપેક્ષા વ્યક્ત કરી કે, વૈશ્વિક સ્તરે બીઈવી મિક્સમાં વધારો થવાને કારણે ડિફરનશિયલ એસેમ્બલી સેગમેન્ટમાં સારી એવી વૃદ્ધિ, ઈન્ડસ્ટ્રીમાં કન્સોલિડેશનને કારણે માઈક્રો હાઈબ્રિડ સ્ટાર્ટર મોટર્સ સેગમેન્ટમાં બજાર હિસ્સો મળવો અને ડોમેસ્ટિક ટુ-વ્હીલ ઈવી ટ્રેક્શન મોટર સેગમેન્ટમાં નોંધપાત્ર ગ્રોથને પગલે મધ્યમ ગાળામાં કંપનીની આવકમાં સારો એવો વધારો થઈ શકે છે.

ફર્મે આ કંપનીના શેરનો ટાર્ગેટ ગુરુવારના રૂ. 783.55ના ઈન્ટ્રાડે ભાવ કરતા 17 ટકા ઓછો આપ્યો છે. હાલમાં તેનો ભાવ રૂ. 291ના ઈશ્યૂ પ્રાઈસ કરતા 169 ટકા ઉપર છે. સોના કોમસ્ટારનો આઈપીઓ 14 જૂન, 2021એ ખુલ્યો હતો અને 16 જૂને બંધ થયો હતો. 24 જૂન, 2021એ કંપનીનો શેર બજારમાં લિસ્ટેટ થયો હતો.

સપ્ટેમ્બર ક્વાર્ટરમાં કંપનીએ તેના કન્સોલિડેટેડ નેટ પ્રોફિસમાં 22.24 ટકાનો વધારો નોંધાવ્યો હતો. સપ્ટેમ્બર ક્વાર્ટરમાં કંપનીને રૂ. 88.2 કરોડનો કન્સોલિડેટેડ નેટ પ્રોફિટ થયો છે.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.

આ 5 બેન્કના શેર્સ 1 વર્ષમાં આપી શકે છે સારું એવું વળતર