rajkot police: જાહેરમાં જ આરોપીને ઢોર માર મારતી પોલીસ કસ્ટડીમાં શું કરતી હશે? – gujarat hc ask that what would the police be doing in custody while beating the accused in public?

[ad_1]

Tejas Jingar | I am Gujarat | Updated: Dec 22, 2021, 10:17 AM

આ પ્રકારની કામગીરી કરતી પોલીસ સામે શું પગલા ભરવા તે અંગે 24મીએ લેવાઈ શકે છે નિર્ણય

હાઈલાઈટ્સ:

ગુજરાત હાઈકોર્ટના ગુજરાત પોલીસની કાર્યવાહી સામે વેધક સવાલ
આરોપીને જાહેરમાં મારીને સરઘસ કાઢવા અંગે કોર્ટે ગંભીર નોંધ લીધી
વર્ષ 2017માં રાજકોટમાં બનેલી ઘટના અંગે હાઈકોર્ટમાં કરાઈ રજૂઆત

અમદાવાદઃ રાજકોટમાં બનેલી હિસ્ટ્રિશિટર આરોપીને પોલીસ દ્વારા જાહેરમાં ઢોર માર મારવાની ઘટના સામે હાઈકોર્ટે લાલ આંખ કરી છે. કોર્ટે આ અંગે ગંભીર નોંધ લઈને પોલીસ પાસે જવાબ માગ્યો છે. આરોપીને માર મારીને સરઘસ કાઢવા અંગે હાઈકોર્ટના ચીફ જસ્ટિસ અરવિંદ કુમાર અને જસ્ટિસ એ. જે. શાસ્ત્રીની ખંડપીઠે વેધક સવાલ કર્યો છે કે, જો પોલીસ આરોપીને જાહેરમાં ઢોર માર મારતી હોય હોય તો કસ્ટડીમાં શું કરતી હશે? આમ તો પોલીસ કોઈને રીઢો ગુનેગાર બનાવવાની જાણે પ્રેરણા આપે છે. પોલીસની રજૂઆતને અમે આશ્વસ્ત સત્ય માની લઈએ તો પણ શું જાહેરમાં કોઈ વ્યક્તિને માર મારવાનો પરવાનો પોલીસને મળી જાય છે ખરો? હવે આ કેસની વધુ સુનાવણી આગામી 24 ડિસેમ્બરના રોજ હાથ ધરવામાં આવશે.

કાતિલ ઠંડીનો ચમકારોઃ ગાંધીનગરમાં રેકોર્ડ બ્રેક તાપમાન, પારો 6.5 ડિગ્રીએ પહોંચ્યો
આ કેસમાં જવાબદાર પોલીસ દ્વારા પોતાના બચાવમાં એવી દલીલ રજૂ કરવામાં આવી હતી કે, “આવા મોટા આરોપીઓની રજૂઆત પર પોલીસના કર્મચારી કે અધિકારીઓ પર ચાર્જ ફ્રેમ કરવામાં આવશે તો તેમની કાર્કિર્દી પર ખોટી અસર પડશે.” જે અંગે ખંડપીઠ દ્વારા ટકોર કરવામાં આવી કે, આવી તો ઘણી ઘટના બનતી હશે પણ તમે પકડાતા નહીં હોવ, હવે પકડાઈ ગયા છો. અમે ચાર્જ ફ્રેમ માટે 24મી તારીખે છીએ તમે તૈયાર રહો. તમારી વચ્ચે વાટાઘાટ થાય છે કે નહીં તે અમને જણાવો.

પોલીસની કામગીરી અને તેમાં પણ જાહેરમાં આરોપીને માર મારવાની ઘટનામાં હવે પોલીસ સામે કાર્યવાહી થઈ શકે છે. પોલીસ દ્વારા હવે 24મી તારીખે કોર્ટમાં શું રજૂઆત કરવામાં આવે છે તે મહત્વનું સાબિત થશે.

હોટલમાંથી બહાર આવ્યા અને શાહિદે તરત જ એક્ટ્રેસનું મોઢું જોઈને ભૂલ સુધારી

વર્ષ 2017માં રાજકોટ ભક્તિનગર પોલીસ સ્ટેશનમાં અરજદાર આરોપીની ધરપકડ કરી હતી તે મુદ્દે હાઈકોર્ટમાં ગેરકાયદેસર ધરપકડ હોવાનું અને કસ્ટડીમાં ટોર્ચર કરવાનો દાવો કરવામાં આવ્યો છે. અરજદાર તરફથી હાજર થયેલા વકીલ બીકે બાસુએ બંગાળના 1997ના કેસેન ધ્યાનમાં લેવા અંગે રજૂઆત કરી હતી. આ કેસમાં સુપ્રીમ કોર્ટે કોઈ આરોપીની ધરપકડ થયા બાદ કેવી કાર્યવાહી થવી જોઈએ તે અંગે ગાઈડલાઈન જારી કરી હતી. જે કેસે ટાંકીને રાજકોટમાં બનેલી ઘટના અયોગ્ય હોવાનું ટાંકવામાં આવ્યું છે.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : gujarat hc ask that what would the police be doing in custody while beating the accused in public?
Gujarati News from I Am Gujarat, TIL Network

[ad_2]

Source link