Politics News : કોંગ્રેસે શુક્રવારે કહ્યું કે તે ટૂંક સમયમાં જ સંસદમાં પસાર થયેલા ‘વક્ફ (સુધારા) બિલ, 2025’ની બંધારણીયતાને સુપ્રીમ કોર્ટમાં પડકારશે. રાજ્યસભાએ ગુરુવારે ‘વક્ફ (સુધારા) બિલ, 2025ને મંજૂરી આપી હતી, જેમાં વક્ફ બોર્ડમાં પારદર્શિતા વધારવા સહિતની ઘણી મહત્વપૂર્ણ જોગવાઈઓ છે. આ સાથે આ બિલ સંસદમાં પસાર થઈ ગયું.
મોદી સરકારના તમામ હુમલાઓનો વિરોધ કરશે- કોંગ્રેસ
લોકસભાએ બુધવારે રાત્રે લગભગ 2 વાગ્યે આ બિલ પાસ કરી દીધું હતું. કોંગ્રેસના એક વરિષ્ઠ નેતાએ સોશિયલ મીડિયા પ્લેટફોર્મ X પર લખ્યું, ‘કોંગ્રેસ બહુ જલ્દી વકફ (સુધારા) બિલની બંધારણીયતાને સુપ્રીમ કોર્ટમાં પડકારશે. અમે ભારતના બંધારણમાં સમાવિષ્ટ સિદ્ધાંતો, જોગવાઈઓ અને પરંપરાઓ પર મોદી સરકારના તમામ હુમલાઓનો વિરોધ કરવાનું ચાલુ રાખીશું.
CAA અને RTI કેસ પણ સુપ્રીમ કોર્ટમાં
આ સાથે, કોંગ્રેસ નેતાએ કહ્યું કે કોંગ્રેસે ‘નાગરિકતા (સુધારા) અધિનિયમ (CAA) 2019’ ને પડકાર્યો છે જેના પર સુપ્રીમ કોર્ટમાં સુનાવણી ચાલી રહી છે. તેમણે કહ્યું કે કોંગ્રેસે RTI એક્ટ, 2005માં 2019ના સુધારાને પણ પડકાર્યો હતો, જેની સુનાવણી સુપ્રીમ કોર્ટમાં ચાલી રહી છે.
પ્લેસિસ ઓફ વર્શીપ એક્ટનો મામલો પણ કોર્ટમાં છે.
કોંગ્રેસ નેતાએ કહ્યું, ‘કોંગ્રેસે ચૂંટણી આચાર નિયમો (2024)માં સુધારાની માન્યતાને પડકારી હતી અને તેની સુનાવણી સુપ્રીમ કોર્ટમાં ચાલી રહી છે.’ જયરામ રમેશે કહ્યું, ‘પ્લેસ ઑફ વર્શિપ એક્ટ, 1991ની મૂળ ભાવના જાળવી રાખવા અંગેની કોંગ્રેસની અરજી પર સુપ્રીમ કોર્ટમાં સુનાવણી ચાલી રહી છે.’
Leave a Reply