Gold Prize Today :સપ્તાહના પ્રથમ ટ્રેડિંગ દિવસે સોમવારે સોનું અને ચાંદી ખરીદનારાઓ માટે રાહતના સમાચાર છે. એમસીએક્સ પર બંને ધાતુના ભાવમાં ઘટાડો જોવા મળી રહ્યો છે. લખાઈ રહ્યું છે ત્યારે સોનાની કિંમત 0.24 ટકા ઘટીને 87,778 રૂપિયા પ્રતિ 10 ગ્રામ જ્યારે ચાંદીની કિંમત 0.31 ટકા ઘટીને 100,428 રૂપિયા પ્રતિ કિલો થઈ ગઈ છે.
બુધવારે 99.9 ટકા શુદ્ધતાનું સોનું 88,850 રૂપિયા પ્રતિ 10 ગ્રામ પર બંધ થયું હતું. 99.5 ટકા શુદ્ધતાનું સોનું રૂ. 600 વધીને રૂ. 89,050 પ્રતિ 10 ગ્રામની ઊંચી સપાટીએ પહોંચ્યું હતું. અગાઉ તે 88,450 રૂપિયા પ્રતિ 10 ગ્રામ પર બંધ હતો.
ગુરુવારે સોનાનો ભાવ.
ગુરુવારે રાષ્ટ્રીય રાજધાનીના બુલિયન માર્કેટમાં સોનાની કિંમત રૂ. 600 વધીને રૂ. 89,450 પ્રતિ 10 ગ્રામની સર્વકાલીન ઊંચી સપાટીએ પહોંચી હતી. સ્થાનિક વેપારીઓએ આ માહિતી આપી છે. શુક્રવારે હોળીના કારણે બજારો બંધ રહી હતી.
Leave a Reply