[ad_1]
હાઈલાઈટ્સ:
- છેલ્લા 14 વર્ષના દેખાવ પરથી કહી શકાય કે સેન્સેક્સમાં સરેરાશ 40 ટકા સુધી ચઢાવઉતાર આવે છે
- 2022માં એલઆઈસીનો આઇપીઓ અને આગામી બજેટમાં સરકારની જાહેરાતો પર નજર રહેશે
- આગામી વર્ષમાં ટેલિકોમ સેક્ટર તેનો પ્રાઈસિંગ પાવર દર્શાવે તેવી શક્યતા
અત્યારની બજારની સ્થિતિ વિશે તેમણે કહ્યું કે માર્કેટ હંમેશાથી વોલેટાઈલ રહ્યું છે. છેલ્લા 14 વર્ષમાં આપણે જોયું કે સેન્સેક્સમાં જે ચઢાવ ઉતાર આવે છે તે સરેરાશ 40 ટકા સુધીના હોય છે. તેથી હાઈ અને લો સપાટી વચ્ચેનો તફાવત 40 ટકા હોય તો બજાર આ રીતે જ દિશા બદલે છે. કોઈ પણ સમયે બજારની વધઘટ પાછળ એક કારણ હોય છે.
આપણે 2022માં પ્રવેશી રહ્યા છીએ ત્યારે એલઆઈસીનો આઇપીઓ સૌથી મહત્ત્વનો રહેશે. ત્યાર પછી આગામી બજેટમાં સરકાર કેવી જાહેરાતો કરે છે અને યુપીની ચૂંટણીમાં શું થાય છે તે જોવાનું રહેશે.
2020માં જે થયું હતું તે રીતે બજાર વોલેટાઈલ થાય તે બહુ સ્વભાવિક છે. 2020માં પણ કોવિડના આગમન બાદ પેનિકની સ્થિતિ હતી. આ સપાટી પરથી આપણે 2020માં જ 87 ટકા સુધી ઉછાળો જોયો હતો. માર્કેટમાં કેટલીક તક હંમેશા ઉપલબ્ધ રહેશે તેથી આપણે સ્ટોક સ્પેસિફિક બનવું જોઈએ તેમ સુનિલ શાહ જણાવે છે.
2022માં કયા સેક્ટર પાસે પ્રાઈસિંગ પાવર હશે તેનો વિચાર કરવામાં આવે તો તે ટેલિકોમ સેક્ટર હશે. ટેલિકોમ કંપનીઓએ તાજેતરમાં ટેરિફમાં વધારો કર્યો છે અને તેમણે પોતાનો બજાર હિસ્સો જાળવી રાખ્યો છે.
ટેલિકોમ આપણા જીવનનો અનિવાર્ય હિસ્સો છે. તેથી 2022માં ટેલિકોમ ટેરિફમાં હજુ વધારો થઈ શકે છે.
ત્યાર પછી બીજું સેક્ટર આઇટી છે જેમાં તેજી જોવા મળી શકે છે. આઇટી અત્યારે બિઝનેસ કર્વમાં આગળ વધી રહ્યું છે. આર્ટિફિશિયલ ઇન્ટેલિજન્સ અને સાઇબર સિક્યોરિટીની નવી પ્રોડક્ટ આપણા જીવનમાં અનિવાર્ય બનવાની છે. તેથી આઇટી સેક્ટરના નફામાં તીવ્ર વધારો થશે અને તેનું માર્જિન પણ વિસ્તરશે.
કેમિકલ સેક્ટરની વાત કરીએ તો 2018-19માં તમામ કેમિકલ કંપનીઓની સંયુક્ત માર્કેટ કેપ એક લાખ કરોડથી પણ ઓછી હશે અને હવે તેની માર્કેટ કેપ ચાર લાખ કરોડનો આંકડો વટાવી ગઈ છે. તેમાં પણ આગળ જતા કંપનીઓનો પ્રાઈસિંગ પાવર મહત્વની ભૂમિકા ભજવશે.
[ad_2]
Source link
Leave a Reply