ahmedabad city: પાલડી કાંક્રજ ગામમાં દારુના કટિંગ વખતે પોલીસની એન્ટ્રી, ₹17.50 લાખનો જથ્થો પકડાયો – state monitoring cell raid during liquor cutting at paldi kankrej village in ahmedabad

[ad_1]

હાઈલાઈટ્સ:

31મી ડિસેમ્બર માટેની તૈયારીઓ કરવામાં આવી રહી હતી અને પોલીસ ત્રાટકી
અમદાવાદમાં પાલડી કાંક્રજ ગામથી દારુનો ₹17.50 લાખનો જથ્થો કબજે કરાયો
દારુના જથ્થા સાથે 8 પકડાયા અને ₹40.20 લાખનો કુલ મુદ્દામાલ કબજે કર્યો

અમદાવાદઃ ભલે ગુજરાતમાં દારુબંધી હોય આમ છતાં છાસવારે દારુ પકડાવાના અને નશામાં રહેલા લોકો ફરતા હોવાના કિસ્સા સામે આવતા જ રહે છે. આવામાં પશ્ચિમ સંસ્કૃતિ પ્રમાણે શહેરમાં તહેવારોની ઉજવણી થઈ રહી છે તેવામાં હવે 31 ડિસેમ્બરનું પણ અનેરું મહત્વ માનવામાં આવે છે. જોકે, આ સમયે યુવાનોમાં નશાની એક ખોટી આદત પડી રહી છે. આ આદતનો લાભ લેવા અને કમાઈ લેવા માટે અન્ય રાજ્યમાંથી 31 ડિસેમ્બર પહેલા મોટા પ્રમાણમાં દારુ ઘૂસાડવામાં આવતો હોય છે. આવી જ એક ઘટના પર પોલીસે રેડ પાડીને રૂપિયા 17.50 લાખનો દારુ કબજે કર્યો છે.

આ ઘટના અમદાવાદ શહેરને અડીને આવેલા પાલડી કાંક્રજ ગામમાં તીર્થ ઈન્ડસ્ટ્રિયલ એસ્ટેટ સામે ઝાડવામાં દારુનું કટિંગ પાચાલી રહ્યું હતું અને આજ દરમિયાન પોલીસે દરોડા પાડ્યા હતા. પોલીસે દરોડા પાડીને ઊંચી કિંમતના દારુ સાથે 8 લોકોને પકડીને કાર્યવાહી કરી છે. આ દારુનો જથ્થો શામળાજી બોર્ડરથી હિંમતનગર થઈને ગુજરાતમાં ઘૂસાડવામાં આવ્યો હોવાનું તપાસ દરમિયાન જાણવા મળ્યું છે. દારુનો બ્લેકમાં ધંધો કરતા લોકો કરતા પોલીસ વધારે શાણી નીકળી હતી અને આ દારુના જથ્થા પર સતત વોચ રાખવામાં આવી રહી હતી.

31stની ઉજવણી પહેલાં પોલીસને મોટી સફળતા, ડ્રગ્સ સાથે 6 શખ્સ ઝડપાયા
જે સમયે દારુનો જથ્થો કટીંગવાળી જગ્યા પર પહોચ્યો કે તરત પોલીસ પણ જઈ પહોંચી હતી અને રેડ પાડી હતી, જેમાં દારુના રૂપિયા 17.50 લાખના માલ સહિત અન્ય મુદ્દામાલ મળીને રૂપિયા 40 લાખનો સામાન કબજે કરવામાં આવ્યો છે. રાજ્યની અને અમદાવાદની પોલીસ દ્વારા ખૂણેખૂણે ટીમો ગોઠવીને વોચ રાખવામાં આવી રહી છે અને સતત મોનિટરિંગ કરીને શંકાસ્પદ લાગતા વાહનોની તપાસ પણ કરવામાં આવી રહી છે.

આ દરમિયાન સ્ટેટ મોનિટરિંગ સેલના નાયબ પોલીસ અધિક્ષકને બાતમી મળી હતી કે એક બંધ બોડીનું કન્ટેનર ગેરકાયદેસર રીતે દારુનો જથ્થો ભરીને શામળાજીથી હિંમતનગર થઈને અમદાવાદ આવી રહ્યું છે. આ માહિતી પ્રમાણે મોનિટરિંગ સેલ દ્વારા વોચ ગોઠવવામાં આવી હતી. જેમાં વાહન કટિંગવાળી જગ્યા પર પહોંચ્યા પછી કટિંગની પ્રક્રિયા શરુ થતાની સાથે જ પોલીસે રેડ પાડીને ભારતીય બનાવટનો વિદેશી દારુની બોટલો ઝડપી લીધી છે.

ગુજરાતમાં કોરોના વિસ્ફોટ જેવી સ્થિતિ, બુધવારે 500થી વધુ કેસ નોંધાતા ફફડાટ
આ રેડ દરમિયાન પોલીસે ઝડપેલા લોકોમાં જય શાહ (રહે. વાસણા), વિજયસિંહ ચૌહાણ (રહે. કાંક્રજ), એજાજ શેખ (રહે. પીરાણા), ઈશાક શેખ (રહે. પીરાણા), રામક્રિષ્ણ પાઠક (રહે. કાંક્રજ), શૈલેષ શાહુ (રહે. કાંક્રજ), અનિલ શાહુ (રહે. કાંક્રજ) અને બબલુ યાદવ (રહે. ઉત્તરપ્રદેશ)નો સમાવેશ થાય છે. આ રેડ સાથે પોલીસે ₹17.50 લાખનો દારુનો જથ્થો, ₹19.50 લાખના ચાર વાહનો, ₹92 હજારના મોબાઈલ ફોન, ₹1.88 લાખના 1488 પોલિસ્ટર યાર્નના રોલ મળીને 40.20 લાખનો કુલ મુદ્દામાલ કબજે લેવામાં આવ્યો છે.