[ad_1]
હાઈલાઈટ્સ:
- પાછલા એક વર્ષમાં લોકોમાં અંગદાન બાબતે ઘણી જાગૃતિ આવી છે.
- નેશનલ લેવલ પર રમવા માટે દિવસ રાત મહેનત કરતો હતો દક્ષ ભાટિયા.
- પોતાના દીકરાને જીવંત રાખવા માટે પિતાએ લીધો અંગદાનનો નિર્ણય.
ડોક્ટર્સના જણાવ્યા અનુસાર, અકસ્માત એટલો ગંભીર બતો કે તેના માતા-પિતા પોતાનો દીકરાનો ચહેરો પણ નહોતા જોઈ શક્યા. તેને જ્યારે હોસ્પિટલમાં લાવવામાં આવ્યો તો તબીબોએ તેને બ્રેઈન ડેડ જાહેર કર્યો. સ્થાનિક સામાજિક કાર્યકર્તાઓએ તેના દક્ષના પિતા સમીર ભાટિયાનો સંપર્ક કર્યો અને તેમને અંગદાન કરવા માટે સમજાવ્યા. સમીર ભાટિયા અંગદાન માટે તૈયાર થઈ ગયા. તેઓ ઈચ્છતા હતા કે તેમના દીકરાને કારણે અન્ય લોકોને નવું જીવન મળે અને આ પ્રકારે તેઓ હંમેશા માટે પોતાના દીકરાને જીવંત રાખવા માંગતા હતા.
અમદાવાદની વધુ બે સ્કૂલોના ત્રણ વિદ્યાર્થીઓ કોરોના સંક્રમિત, વાલીઓમાં ચિંતા
27મી ડિસેમ્બરના રોજ દક્ષ ભાટિયાના શરીરને મેહસાણાથી અમદાવાદ લાવવામાં આવ્યું. તેની બે કિડની અને લિવર ટુંક જ સમયમાં IKRDC ખાતે અન્ય દર્દીમાં ટ્રાન્સપ્લાન્ટ કરવામાં આવશે. સિવિલ હોસ્પિટલના મેડિકલ સુપ્રીટન્ડન્ટ ડોક્ટર રાકેશ જોશી કહે છે કે, આ પહેલીવાર એવુ બન્યું છે જ્યારે કેમ્પસની બહારથી દર્દીને આ પ્રકારે લાવવામાં આવ્યો હોય. સ્ટેટ ઓર્ગન એન્ડ ટિશ્યુ ટ્રાન્સપ્લાન્ટ ડિપાર્ટમેન્ટના અધિકારીઓએ જણાવ્યું કે, 2021 કોરોના મહામારીનું વર્ષ હોવા છતાં અંગદાન બાબતે લોકોની જાગૃતિ ઘણી વધી છે. અમુક એનજીઓ અને સંસ્થાઓ આ માટે ઘણી મહેનત કરી રહ્યા છે. સુરત અને અમદાવાદમાં મોટી સંખ્યામાં લોકો અંગદાનનો વિકલ્પ અપનાવે છે.
ગુજરાતઃ સીસીટીવી લગાવવા અને ડેટા લેવા અંગે નવા કાયદા પર ચાલી રહ્યો છે વિચાર
અમદાવાદની સિવિલ હોસ્પિટલમાં પાછલા એક વર્ષમાં 26 શબ દાનમાં આપવામાં આવ્યા છે. આ સિવાય 43 કિડની, 24 લિવર, 10 ફેફસા, 5 હૃદય, 5 પેનક્રિયા, 2 હાથનું દાન કરવામાં આવ્યું છે. સિવિલ હોસ્પિટલમાં થયેલા આ અંગદાનને કારણે 75 દર્દીઓને નવું જીવન મળ્યું છે. અત્યારે ઘણી સંસ્થાઓ અને હોસ્પિટલો દ્વારા અંગદાન એ જ મહાદાનના સુત્રને લોકો સુધી પહોંચાડવાનું કામ કરવામાં આવી રહ્યું છે.
[ad_2]
Source link
