Chandkheda police: પત્નીએ સિઝેરિયન ડિલિવરીથી બાળકને આપ્યો જન્મ, પતિએ ઝઘડો કરીને તરછોડી દીધી – ahmedabad woman gave to a child through caesarean husband and in laws abandoned her

[ad_1]

હાઈલાઈટ્સ:

સિઝેરિયન ડિલિવરીથી બાળકને જન્મ આપતાં પકિએ પત્ની સાથે કર્યો ઝઘડો
પાંચ વર્ષના લગ્નજીવનમાં પતિએ અનેકવાર મહિલાનું શોષણ કર્યું અને માર માર્યો
પોતાના પૈસે પતિ બ્રાન્ડેડ અને મોંઘા કપડાં ખરીદતો હોવાનો મહિલાનો આરોપ

અમદાવાદઃ ચાંદખેડા વિસ્તારમાં રહેતા 34 વર્ષીય મહિલા, કે જેઓ મહેમદાબાદમાં મહેસૂલ તલાટી તરીકે કામ કરે છે તેમણે શનિવારે પોલીસ સમક્ષ પતિ વિરુદ્ધ ફરિયાદ નોંધાવી હતી. મહિલાએ ફરિયાદમાં જણાવ્યું હતું કે, લગ્નજીવનના પાંચ વર્ષ દરમિયાન તેમનો પતિ કે જે ડેન્ટિસ્ટ છે, તેણે તેમના પર ઘણીવાર હાથ ઉપાડ્યો હતો.

વેપારીની આંખમાં મરચું ફેંકી ત્રણ શખ્સોએ ચલાવી ₹ 15 લાખની લૂંટ, મોપેડ પર થયા ફરાર
મહિલાએ ચાંદખેડા પોલીસ સમક્ષ નોંધાવેલી ફરિયાદમાં આક્ષેપ કર્યો હતો કે, એક વર્ષ પહેલા સિઝેરિયનથી બાળકને જન્મ આપતાં પતિ તેમજ સાસુ-સસરાએ તેમની સાથે ઝઘડો કર્યો હતો, માર માર્યો હતો અને ઘરમાંથી બહાર કાઢી મૂક્યા હતા. કારણ કે, સાસરિયાં પૈસા બચાવવા માટે નોર્મલ ડિલિવરી થાય તેમ ઈચ્છતાં હતા.

ફરિયાદમાં મહિલાએ કહ્યું હતું કે, ડિસેમ્બર, 2017થી તેઓ અમદાવાદના દસક્રોઈ તાલુકામાં પતિ તેમજ પરિવારના સભ્યો સાથે રહેતા હતા. લગ્નના તરત બાદ, કામ પર જાય તે પહેલા અને પરત આવ્યા બાદ તેઓ ઘરનું દરેક કામ કરે તેમ પતિ અને સાસુ-સસરા ઈચ્છતા હતા.

અમદાવાદમાં સ્વરુપવાન યુવતીની ફ્રેન્ડ રિક્વેસ્ટ એક્સેપ્ટ કરી વેપારી લાંબા ફસાયા
તેમણે આરોપ લગાવ્યો હતો કે, તેમનો પતિ બ્રાન્ડેડ અને મોંઘા કપડા અને ઘડિયાળ પહેરતો હતો, આ માટે તે પૈસા તેમની પાસેથી લેતો હતો. જ્યારે તેમણે વાંધો ઉઠાવ્યો ત્યારે માર માર્યો હતો, તેમ ફરિયાદમાં કહ્યું હતું. તેમણે તેમ પણ કહ્યું હતું કે, તેમનો પતિ દારૂનો વ્યસની હતો અને નાની-નાની વાતમાં મારતો હતો. જો તેઓ કોઈ વસ્તુ આપવાની આનાકાની કરે તો સાસરિયાં પણ માર મારતા હતા.

ફરિયાદીએ કહ્યું હતું કે, તેમણે 16 નવેમ્બર, 2019માં બાળકને જન્મ આપ્યો હતો. તેમને સિઝેરિયન ડિલિવરી કરાવવાની ફરજ પડતાં પતિ અને સાસરિયાંએ ઝઘડો કર્યો હતો તેમજ તેમને તરછોડી દીધા હતા. ફરિયાદીએ તેમના પતિનું અન્ય મહિલા સાથે લફરું ચાલી રહ્યું હોવાનો પણ આરોપ મૂક્યો હતો.

જે બાદ તેમણે પોલીસનો સંપર્ક કર્યો હતો અને પતિ તેમજ પરિવારના ત્રણ સભ્યો સામે ઘરેલુ હિંસા અને દહેજ શોષણની ફરિયાદ કરી હતી.

[ad_2]

Source link