loss making companies: ખોટની ખાઈમાં ડૂબેલી આ કંપનીઓના શેર એક જ વર્ષમાં 1800% સુધી ઉછળ્યાં – money-spinners-2021-seven-loss-making-firms-rally-up-to-1800

[ad_1]

હાઈલાઈટ્સ:

ટાટા ટેલિસર્વિસિસ (મહારાષ્ટ્ર) એ છેલ્લે માર્ચ 2019 ક્વાર્ટરમાં ચોખ્ખો નફો નોંધાવ્યો હતો
દેવામાં ડુબેલી હોવા છતાં પાર્શ્વનાથ ડેવલપર્સનો શેર એક જ વર્ષમાં 346.46 ટકા ઉંચકાયો
ઋણ ચુકવવામાં નિષ્ફળ રહેલી સિન્ટેક્સ ઇન્ડસ્ટ્રીઝનો શેર પણ ચાલુ વર્ષમાં 227 ટકા વધ્યો

2021નું વર્ષ સમાપ્ત થવાની તૈયારીમાં છે ત્યારે એવી કેટલીક કંપનીઓ તરફ નજર જાય છે જે ભારે ખોટ કરતી હોવા છતાં રોકાણકારોને ભારે વળતર આપ્યું છે. તેમાંથી એક કંપનીએ તો એક વર્ષની અંદર 1800 ટકા સુધી જંગી વળતર આપ્યું છે.

અહીં એવા સાત શેરોની વાત કરી છે જેમાં સારા એવા પ્રમાણમાં ટ્રેડિંગ પણ થાય છે અને ઊંચું રિટર્ન પણ આપ્યું છે.

આ સાત કંપનીઓ એવી છે જેમણે છેલ્લા પાંચ ક્વાર્ટરથી ઓછામાં ઓછા 50 કરોડ રૂપિયાની ખોટ નોંધાવી છે.

પ્રથમ કંપની છે ટાટા ટેલિસર્વિસિસ (મહારાષ્ટ્ર). આ કંપનીનો શેર ચાલુ વર્ષમાં 1839.77 ટકા વધ્યો છે. આ કંપનીએ માર્ચ 2019 ક્વાર્ટરમાં ચોખ્ખો નફો નોંધાવ્યો હતો. ત્યાર પછી દરેક ક્વાર્ટરમાં તેણે ખોટ કરી છે. 2021ના પ્રથમ પાંચ મહિના સુધી તે એક રેન્જમાં ટ્રેન્ડ થતો હતો. પરંતુ ટાટા સન્સે ટેલિકોમ કંપનીને ટાટા ટેલિ બિઝનેસ સર્વિસિસ તરીકે રિવાઈવ કરવાનો નિર્ણય લેતા જ તેમાં તેજી આવી છે.

આવો જ એક બીજો શેર છે પાર્શ્વનાથ ડેવલપર્સ. આ શેર એક જ વર્ષમાં 346.46 ટકા વધ્યો છે. આ ડેવલપરે છેલ્લે જૂન 2016 ક્વાર્ટરમાં નફો નોંધાવ્યો હતો. ત્યાર બાદ દરેક ક્વાર્ટરમાં તેણે ખોટ કરી છે. બ્રોકરેજ યુએલજેકેએ 9 ડિસેમ્બરની નોટમાં જણાવ્યું હતું કે કંપની પાસે લગભગ સાતથી 10 હજાર કરોડની લેન્ડ બેન્ક છે. તે પોતાની જમીનના વેચાણ, જોઈન્ટ ડેવલપમેન્ટ એગ્રીમેન્ટ અને જોઈન્ટ વેન્ચર દ્વારા દેવું ઉતારવાની યોજના ધરાવે છે. તેનાથી તેનું ક્રેડિટ રેટિંગ સુધરશે.

સિન્ટેક્સ ઇન્ડસ્ટ્રીઝનો શેર પણ ચાલુ વર્ષમાં 227 ટકા વધ્યો છે. સપ્ટેમ્બરમાં આ શેરમાં રેલીની શરૂઆત થઈ હતી. સિન્ટેક્સ બેન્કોને તેનું દેવું ચુકવવામાં નિષ્ફળ રહી ત્યાર બાદ NCLTએ સિન્ટેક્સ સામે ઇનસોલ્વન્સી અરજી ગ્રાહ્ય રાખી હતી. ત્યાર બાદ રિલાયન્સ ઇન્ડસ્ટ્રીઝે ACREની સાથે મળીને આ દેવાળું ફૂંકનાર કંપનીને ખરીદવામાં રસ દેખાડ્યો હતો જેના કારણે શેરમાં તેજી આવી હતી.

અન્ય ચાર શેરોની વાત કરીએ તો તેમાં એમટીએનએલ, જ્યોતિ સ્ટ્રક્ચર્સ, જીટીએલ ઇન્ફ્રાસ્ટ્રક્ચર અને નાગાર્જુના ફર્ટિલાઈઝરનો સમાવેશ થાય છે જેણે અનેક ક્વાર્ટરથી ખોટ કરી હોવા છતાં તેના શેરમાં 120થી 160 ટકા સુધીનો વધારો થયો છે. સરકાર એમટીએનએલની એસેટને મોનેટાઈઝ કરવા માંગે છે તેથી તેના શેરમાં તીવ્ર ઉછાળો આવ્યો હતો.

ખોટ ખાઈ રહેલી જ્યોતિ સ્ટ્રક્ચર્સ અને જીટીએલ ઇન્ફ્રાસ્ટ્રક્ચરના શેરમાં પણ એક વર્ષમાં અનુક્રમે 167 ટકા અને 137 ટકાનો વધારો થયો છે.

NFCLનો શેર 2021ના પ્રથમ હાફમાં વધ્યો હતો. ત્યાર બાદ સેકન્ડ હાફમાં તેમાં સેલિંગ પ્રેશર આવ્યું હતું. આમ છતાં ચાલુ વર્ષમાં આ શેરે પણ 121 ટકા વળતર આપ્યું છે. કંપનીએ બેન્કો પાસેથી 1675 કરોડની લોન લીધી હતી અને ધિરાણકારો તેને એનસીએલટીમાં ઢસડી ગયા હતા.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.

[ad_2]

Source link