સુરત: ડી.જે ના તાલે ઝૂમી રહેલા લોકોના કોરોના ગાઇડલાઇનના ભંગ કરવાના પ્રકરણમાં ત્રણ વિરૂધ્ધ ફરીયાદ

[ad_1]

વિડીયોમાં લોકો ઝુમતા નજરે પડી રહ્યા છે, ઇવેન્ટ આયોજકે કહ્યું મહિલાઓએ ઘરે તૈયાર કરેલી વસ્તુના વેચાણ માટે એક્ઝિબિશનનું આયોજન કર્યુ હતું

સુરત, તા. 26 ડિસેમ્બર 2021 રવિવાર

કોરોનાના વધી રહેલા સંક્રમણ વચ્ચે ઉધના-મગદલ્લા રોડના પાર્ટી પ્લોટમાં આયોજીત પાર્ટીમાં ડી.જે. ના તાલે લોકો ઝુમી રહ્યા હોવાનો વાયરલ થયેલા વિડીયોમાં ઉમરા પોલીસે ઇવેન્ટ આયોજક સહિત ત્રણ વિરૂધ્ધ ગુનો નોંધી કાયદેરની કાર્યવાહી હાથ ધરી છે.

ઉધના-મગદલ્લા રોડ સ્થિત ડી.એમ.ડી પાર્ટી પ્લોટમાં ડી. જે પાર્ટીના આયોજન અને તેમાં કોરોના ગાઇડલાઇનના ધજગરા ઉડતા હોવાનો વિડીયો સોશ્યિલ મિડીયામાં વાયરલ થયો હતો. જેને પગલે દોડતી થયેલી ઉમરા પોલીસે ડી.એમ.ડી પાર્ટી પ્લોટમાં મહિલાઓ દ્વારા પોતાના ઘરે તૈયાર કરવામાં આવેલી વસ્તુઓના વેચાણ માટે ધીફ્લી એક્ઝિબીશનનું આયોજન કરવામાં આવ્યું હતું. જેમાં 400થી વધુ લોકો એક્ઠા થયા હતા અને તેમણે માસ્ક પહેર્યા ન હતા અને સોશ્યિલ ડિસ્ટન્સ પણ નહીં જાળવી કોરોના ગાઇડલાઇનનો ભંગ કર્યો હતો. જેને પગલે પોલીસ એક્ઝિબીશનનું આયોજન કરનાર ઇવેન્ટ મેનેજર હિતુલ પ્રકાશ જોષી (ઉ.વ. 20 રહે. બી 115, નીલકંઠ સોસાયટી, સુમુલ ડેરી રોડ), કશીશ સીમર સોમાની (ઉ.વ.22 રહે. એ 16, ગોકુલ રો હાઉસ, સરગમ શોપીંગ સેન્ટરની પાછળ, પાર્લેપોઇન્ટ) અને ટ્યુશન કલાસીસના સંચાલક દિપક અશોક અગ્રવાલ (ઉ.વ. 39 રહે. 303, ભગવતી દર્શન એપાર્ટમેન્ટ, ઉમા ભવનની સામે, ભટાર) વિરૂધ્ધ પોલીસ કમિશનરના જાહેરનામા ભંગનો ગુનો નોંધી કાયદેસરની કાર્યવાહી હાથ ધરી છે.

[ad_2]

Source link