Two minor girls raped in Rajkot: રાજકોટમાં દુષ્કર્મની બે ઘટના સામે આવી, મિત્રતા કરીને બનાવી હવસનો શિકાર – two minor girls allegedly raped in rajkot distrcit

[ad_1]

રાજકોટ: રાજકોટ જિલ્લાના ઉપલેટા શહેરમાં 22 વર્ષીય યુવકે ત્રણ મહિના પહેલા 12 વર્ષની બાળકી સાથે મિત્રતા કરી હતી અને બાદમાં તેની સાથે બળાત્કાર ગુજાર્યો હતો. પોલીસના જણાવ્યા અનુસાર, આરોપી મુકેશે તેની સાથે મિત્રતા કરવાનો પ્રયાસ કરતાં છોકરીનો સ્કૂલ અને તેના ટ્યુશન ક્લાસમાં પીછો કરવાનું શરૂ કર્યું. આખરે જ્યારે તેમની વચ્ચે મિત્રતા થઈ ત્યારે બુધવારે સાંજે જ્યારે તેણી તેના ટ્યુશન ક્લાસમાં જતી હતી ત્યારે તે છોકરીને એક અલગ જગ્યાએ લઈ ગયો હતો જ્યાં તેણે તેના પર કથિત રીતે બળાત્કાર કર્યો હતો.

સગીર મોડી રાત્રે 9 વાગ્યે ઘરે પરત ફર્યા બાદ આ ઘટના પ્રકાશમાં આવી હતી. જ્યારે તેણીના પરિવારજનોએ પૂછ્યું કે તેણી આટલી મોડી કેમ આવી, ત્યારે છોકરીએ તેની સાથે થયેલા દુષ્કર્મ અંગે ખુલાસો કર્યો હતો. ત્યારબાદ પરિવાર તેને પોલીસ સ્ટેશન લઈ ગઈ જ્યાં મોડી રાત્રે ફરિયાદ નોંધવામાં આવી હતી.

આવી જ બીજી ઘટનામાં રાજકોટમાં આઠ વર્ષની બાળકી પર 16 વર્ષના છોકરા દ્વારા બળાત્કાર ગુજારવામાં આવ્યો હતો. પ્રાપ્ત માહિતી અનુસાર કુવાડવા રોડ પોલીસ સ્ટેશનમાં નોંધાયેલી ફરિયાદ મુજબ નવાગામ વિસ્તારમાં રહેતી છોકરી આઠ દિવસ પહેલા તેના ઘર નજીકની દુકાનમાંથી ડીટરજન્ટ પાવડર ખરીદવા ગઈ હતી. દુકાન બંધ હોવાથી સગીર યુવતી નજીકમાં આવેલા દુકાનદારના ઘરે ગઈ હતી જ્યાં તે તેના 16 વર્ષના પુત્રને મળી હતી.

છોકરો છોકરીને ડિટર્જન્ટ પાવડર આપવાના બહાને પાછળની બાજુથી દુકાનની અંદર લઈ ગયો અને તેણે કથિત રીતે તેના કપડાં ફાડી નાખ્યા અને દુકાનની અંદર તેના પર બળાત્કાર કર્યો હતો. ઘટના બાદ છોકરી આઘાતમાં સરી પડી અને અસાધારણ વર્તન કરવા લાગી હતી.

જ્યારે છોકરીની માતાએ તેણીના વલણમાં અચાનક બદલાવ પાછળના કારણો વિશે પૂછ્યું, ત્યારે સગીર ભાંગી પડી અને તેણીએ માતાને તેની સાથે થયેલા રેપ વિશે ખુલાસો કર્યો હતો. ફરિયાદના આધારે પોલીસે સગીર આરોપીની ધરપકડ કરીને કાયદેસરની કાર્યવાહી હાથ ધરી છે.

[ad_2]

Source link