માંડવીમાં બની સૌથી લાંબી લાકડાની બોટ, ખાડી દેશના શાહી પરિવારે આપ્યો હતો ઓર્ડર – longest wooden boat ready to be shipped on mandvi beach

[ad_1]

હાઈલાઈટ્સ:

માંડવીમાં તૈયાર કરવામાં આવી 207 ફૂટ લાંબી વિશાળકાય બોટ.
આ બોટનો ઓર્ડર ખાડી દેશના એક શાહી પરિવારે આપ્યો હતો.
બોટ તૈયાર કરવામાં લગભગ 10 કરોડ રુપિયાનો ખર્ચ થયો છે.

રાજકોટ- માંડવીના દરિયાકિનારે એક લાકડાની બોટ 207 ફૂટની લંબાઈ અને A380 એરબસ સાથે તૈયાર થઈને ઉભી છે. આ બોટ કદાચ અત્યાર સુધી બનાવવામાં આવેલી તમામ બોટમાં સૌથી લાંબી હશે. કહેવામાં આવે છે કે માંડવીમાં પાછલા 400 વર્ષથી હાથથી વહાણ તૈયાર કરવામાં આવે છે અને માંડવીમાં તૈયાર કરવામાં આવેલા વહાણના વખાણ પણ થતા હોય છે. અને હવે આ જ માંડવીમાં સૌથી લાંબી બોટ તૈયાર કરવામાં આવી છે, જેની કિંમત 10 કરોડ રુપિયા છે.

એસ્ટ્રલ અને રત્નમણિ મેટલ્સ પર I-T વિભાગનો સપાટો, કુલ 40 સ્થળોએ પાડ્યા દરોડા
ત્રણ માળની આ વિશાળકાય બોટની લંબાઈ 18 ફૂટ છે. આ શાહી બોટ દુબઈની એક રોયલ ફેમિલી માટે તૈયાર કરવામાં આવી હોવાનું કહેવામાં આવી રહ્યું છે. પ્રાપ્ત જાણકારી અનુસાર, દુબઈના એક શાહી પરિવારે પોતાના ફિશિંગના શોખને પૂરો કરવા માટે આ શાનદાર વહાણ તૈયાર કરાવ્યું છે. બોટ બનાવવાના કામના અનુભવી કારીગર ઈબ્રાહિમ મિસ્ત્રી જણાવે છે કે, અમને ઈબ્રાહિમ અબ્દુલ રઝાક ઉસ્તાદી તરફથી આ ફિશિંગ શિપ બનાવવાનો ઓર્ડર મળ્યો હતો. આ વિશાળકાય બોટ બનાવવા માટે અમને ત્રણ વર્ષનો સમય લાગ્યો અને 35 અન્ય કારીગરોની મદદ લેવામાં આવી. હવે બોટ લગભગ બનીને તૈયાર છે અને એક મહિનામાં તે દુબઈ જવા રવાના થઈ જશે. મને જાણવા મળ્યું છે કે જે લોકોએ ઓર્ડર આપ્યો છે તે દુબઈના શાહી પરિવારના લોકો છે.

આ બોટમાં આઠ અન્ય બોટનો સમાવેશ થઈ શકે છે. બોટ બનાવવા માટે મલેશિયા અને ઈન્ડોનેશિયાથી લગભગ 23,000 ક્યુબીક મીટર ઈમ્પોર્ટેડ લાકડાનો ઉપયોગ કરવામાં આવ્યો છે. બોટની અંદર 9 રુમ છે જેમાં એસી પણ મૂકવામાં આવ્યા છે. આ ઓરડાઓમાં લગભગ 32 લોકો રહી શકે છે. જે માછલી પકડવામાં આવે તેને ફ્રેશ રાખવા માટે સ્ટોરરુમની પણ વ્યવસ્થા કરવામાં આવી છે.

રાજ્યમાં શરુ થશે એર એમ્બ્યુલન્સ, સી-પ્લેન માટે પણ છ સ્થળોની પસંદગી કરાઈ
લાકડાની આ વિશાળકાય બોટ દુબઈ પહોંચી જશે પછી તેમાં એન્જિન ગોઠવવામાં આવશે, જે ડીઝલથી ચાલશે. શરુઆતમાં આ બોટ બનાવાવનો ખર્ચ 6.5 કરોડ રુપિયા હતો, પરંતુ માલિકે તેમાં અન્ય વસ્તુઓ ઉમેરવાનું કહેતા વધુ 3.5 કરોડ રુપિયા ખર્ચ થઈ ગયો હતો. ઉલ્લેખનીય છે કે કચ્છના માંડવીમાં આ કળા લગભગ 16મી સદીથી ચાલતી આવે છે. સદીઓથી અહીંના લોકો શ્રેષ્ઠ વહાણ તૈયાર કરે છે જેને ઢો તરીકે પણ ઓળખવામાં આવે છે. મોટાભાગે કાર્ગોમાં ઉપયોગમાં લેવામાં આવતી નાવડીઓ અહીં તૈયાર કરવામાં આવે છે.

ઈબ્રાહિમ મિસ્ત્રી જણાવે છે કે, પહેલી વાર એવુ બન્યું છે કે ફિશિંગ બોટનો ઓર્ડર મળ્યો છે. એક મોટા જહાજમાં આ બોટને તેના મુકામ પર પહોંચાડવામાં આવશે જેમાં 15-20 દિવસનો સમય લાગી શકે છે. માંડવી શિપ બિલ્ડિંગ ઈન્ડસ્ટ્રીના એક આગળ પડતા વેપારી હાજી જુંજા જણાવે છે કે, આવા ઓર્ડર ભાગ્યે જ મળતા હોય છે. સામાન્યપણે અમને કાર્ગો શિપ બનાવવાના ઓર્ડર મળે છે. ગલ્ફના એક શાહી પરિવાર તરફથી આ ઓર્ડર મળ્યો છે જેમને માછીમારીનો શોખ છે.

[ad_2]

Source link