vadodara gang rape and suicide case: વડોદરા ગેંગરેપ-આપઘાત કેસ: મૃતક યુવતી સુરતમાં નોકરી શોધી રહી હતી – vadodara alleged gangrape case victim was searching job in surat

[ad_1]

હાઈલાઈટ્સ:

18 વર્ષની યુવતીની નોકરીની શોધમાં હોવાનું પોલીસ તપાસમાં બહાર આવ્યું
મૃતક યુવતી વડોદરામાં આવેલી ઓએસિસ સંસ્થામાં ઈન્ટર્નશિપ કરતી હતી
કોલ રેકોર્ડમાં ખબર પડી કે, નોકરી માટે તેણીએ એક વ્યક્તિનો સંપર્ક કર્યો હતો

સુરત: વડોદરામાં વેક્સિન ઇન્સ્ટિટ્યૂટ ગ્રાઉન્ડમાં રિક્ષાચાલક અને તેના સાથી દ્વારા ગેંગરેપ કર્યા બાદ કથિત રીતે આત્મહત્યા કરીને જીવનનો અંત આણનાર 18 વર્ષની યુવતી નોકરીની શોધમાં હોવાનું પોલીસ તપાસમાં બહાર આવ્યું છે.
નવસારી યુવતી આપઘાત કેસ: સુરતમાં પીડિતાનો પીછો કરનારને પોલીસે શોધી કાઢ્યો
પોલીસ તપાસમાં યુવતની નોકરીની શોધમાં હોવાનું સામે આવ્યું
યુવતી વડોદરાની ઓએસિસ સંસ્થામાં ઇન્ટર્નશિપ કરી રહી હતી. પીડિતાના મોબાઈલ ફોનના કોલ રેકોર્ડ્સ તપાસ્યા પછી પોલીસને ખબર પડી કે નોકરીની શોધમાં તેણે એક વ્યક્તિનો સંપર્ક કર્યો હતો. આ વ્યક્તિ સુરતમાં મોબાઈલ ફોનનો ધંધો કરે છે અને તેણે અખબારોમાં નોકરીની શરૂઆતની જાહેરાત આપી હતી. પીડિતાએ નોકરી માટે પિઝા આઉટલેટનો પણ સંપર્ક કર્યો હતો, એમ સૂત્રોએ જણાવ્યું હતું.
નવસારી આપઘાત કેસ: પોલીસે કહ્યું- યુવતીની ડાયરીમાંથી કેટલાક પાના ગુમ
પોલીસ હવે એક સુરક્ષા ગાર્ડની કરી રહી છે તપાસ
સૂત્રોએ એમ પણ જણાવ્યું હતું કે પોલીસ હવે એક સુરક્ષા ગાર્ડની શોધ કરી રહી છે જે વેક્સિન ઇન્સ્ટિટ્યૂટ ગ્રાઉન્ડ પર હાજર હતો જ્યારે બસ ડ્રાઇવરે પીડિતાને બચાવી હતી. પોલીસ ગાર્ડને શોધવા માટે નજીકની રહેણાંક સોસાયટીઓનું સ્કેનિંગ કરી રહી છે. છેલ્લા કેટલાક દિવસોથી કોઇ સિક્યોરિટી ગાર્ડ ફરજ પરથી ગેરહાજર રહ્યો છે કે કેમ તેની પણ પોલીસ દ્વારા તપાસ કરવામાં આવી રહી છે.

યુવતીની સાઈકલ હજી સુધી મળી નથી
સિક્યુરિટી ગાર્ડની શોધમાં પોલીસે અત્યાર સુધીમાં લગભગ 20 રહેણાંક સોસાયટીઓની તપાસ કરી છે. ઉપરાંત જ્યારે પીડિતા પર હુમલો કરવામાં આવ્યો ત્યારે તે જે સાયકલ પર સવાર હતી તે હજુ સુધી મળી નથી.
આપઘાત કરનારી નવસારીની યુવતીના પોસ્ટમોર્ટમમાં દુષ્કર્મ અંગે મોટો ખુલાસો
ઉલ્લેખનીય છે કે, 3 નવેમ્બરના રોજ 18 વર્ષીય યુવતી સાથે ગેંગરેપ થયા બાદ વલસાડ રેલવે સ્ટેશન પર ગુજરાત ક્વીન એક્સપ્રેસ ટ્રેનના કોચમાં તેનો કથિત રીતે આપઘાત કરેલી હાલતમાં મૃતદેહ મળી આવ્યો હતો. જો કે, પોલીસ હજી સુધી યુવતી પર સામુહિક બળાત્કાર ગુજારનારા નરાધમો સુધી પહોંચી શકી નથી!