woman jumped out of moving car saputara: સાપુતારામાં બાળક અને પોતાનો જીવ બચાવવા મહિલાની ચાલુ કારે છલાંગ – a woman jumped out of a moving car to save her and her child’s life at hill station saputara video viral

[ad_1]

સાપુતારા: રાજ્યમાં અવારનવાર અકસ્માતની અનેક ઘટનાઓ બનતી હોય છે, પરંતુ સાપુતારામાં એવો વિચિત્ર અકસ્માત સામે આવ્યો છે, જેમાં પોતાનો અને બાળકનો જીવ બચાવવા માટે મહિલાએ ચાલુ કારમાંથી છલાંગ લગાવી પડી હતી. પ્રાપ્ત માહિતી અનુસાર રોડ પરથી પસાર થતાં એક વાહનચાલકે કાર રિવર્સ થવાથી લઈને મહિલાએ કારમાં છલાંગ લગાવી તેનો વિડીયો પોતાના મોબાઈલમાં કેદ કર્યો હતો. જો કે, હવે આ વિડીયો સોશિયલ મીડિયામાં વાયરલ થઈ રહ્યો છે.

મીડિયા રિપોર્ટ મુજબ ડાંગના સાપુતારા ટેબલ પોઇન્ટ નજીક એક કારને અકસ્માત નડ્યો હતો. જો કે આ સમગ્ર ઘટનામાં કોઇ જાનહાનિ થઈ નથી. સામે આવેલા વાયરલ વિડીયોમાં ફિલ્મી સ્ટાઈલના દ્રશ્યો સામે આવ્યા હતા. આ સમગ્ર ઘટનામાં ટેબલ પોઇન્ટ ઉપર ઢાળ ન ચઢી શકતા કાર રિવર્સ આવી હતી અને પાછળથી આવી રહેલા અનેક વાહનો ટક્કર મારી હતી. આ દરમિયાન મહિલાએ જીવ બચાવવા માટે બાળક સાથે ચાલુ કારમાંથી કૂદકો માર્યો હતો.

આ ઘટના બાદ કાર આગળ જઈને ડિવાઇડર સાથે અથડાઈ અને ત્યારબાદ અટકી ગઈ હતી. જેથી કારમાં થોડું નુકસાન થયું છે, પરંતુ સવાર પેસેન્જરના સદ્દનસીબે જીવ બચી ગયા હતા. અકસ્માતનો દિલધડક લાઇવ વિડીયો સમગ્ર રાજ્યમાં ખૂબ વાયરલ થઈ રહ્યો છે. ઉલ્લેખનીય છે કે, ગુજરાતના હિલ સ્ટેશન એવા સાપુતારાના અનેક રસ્તાઓ જોખમી છે. જેમાં ટેબલ પોઈન્ટ પરનો ઘાટ વધારો જોખમી કહેવાય છે. જેથી વાહનચાલકોએ આ રસ્તા પર ખાસ તકેદારી રાખવી જોઈએ.

મહીસાગરમાં રાજસ્થાનના પરિવારનો અકસ્માત
રાજ્યમાં અકસ્માતની વધુ એક ઘટના સામે આવી છે. જેમાં મહીસાગર જિલ્લામાં મૂળ રાજસ્થાનના બાસવાડાના પરિવારને અકસ્માત નડ્યો હતો. મીડિયા રિપોર્ટ મુજબ કાર અકસ્માતમાં પરિવારના 11 સભ્યોને ઈજાઓ થઈ હતી. ઘટના અંગે પ્રાપ્ત માહિતી મુજબ રાજસ્થાનના બાસવાડાનો પરિવાર વીરપુર ખાતે દર્શન કરવા આવ્યો હતો. જો કે, બાદમાં પરત ફરી રહેલા પરિવારનો મહિસાગર જિલ્લાના ખાનપુર-લીમડિયા હાઈવે પર ગમખ્વાર અકસ્માત સર્જાયો હતો.

[ad_2]

Source link