[ad_1]
Mitesh Purohit | I am Gujarat | Updated: Nov 22, 2021, 4:04 PM
પતિને ખબર પડી કે પત્નીનું તો તેના મિત્ર સાથે જ ચક્કર ચાલું છે. તો મિત્રને સમજાવ્યો પરંતુ તેણે કહ્યું તારી પત્ની મારી જૂની પ્રેમિકા છે જે બાદ વાત વણસી ગઈ.

હાઈલાઈટ્સ:
- સુરતના પલસાણાના બગુમરા ગામે શેરડી કટિંગનું કામ કરતા યુવકની હત્યા કરવામાં આવી હતી
- મિત્રોએ જ યુવક પર હુમલો કર્યો હતો અને ત્યારબાદ લોહીલુહાણ હાલતમાં પિતાને સોંપી બંને મિત્રો ભાગી છુટ્યા
- પોલીસે ફરિયાદ નોંધીને બંને મિત્રોની ધરપકડ કરી ત્યારે સઘળી હકીકત સામે આવી હતી.
બનાવની વિગત મુજબ મૂળ મહારાષ્ટ્રના અને છેલ્લા બે માસથી પલાસણા તાલુકાના બગુમરા ગામે રહેતા અને સુગર ફેક્ટરીમાં શેરડીનું કટીંગ કરી પરિવારનું ગુજરાન ચલાવતા અશોક બારકીયાભાઇ માવચી, તેમના 5 સંતાન અને પરિવાર સાથે રહે છે અને તમામ શેરડી કાપવાનું કામ કરે છે ગત શનિવારે સાંજના 5 વાગ્યાના અરસામાં અશોકભાઈનો દીકરો શૈલેષ અશોકભાઇ માવચી (26) તેમના વિસ્તારમાં જ રહેતા સોનુ પુનીયા ગામીત સાથે તેની મોટરસાઇકલ પર આ જ વિસ્તારમાં રહેતા અ્ન્ય એક ઇસમ યોહાન નાકીયા ઉર્ફે નકુ મુળજી માવચી સાથે બહાર ગયો હતો.
જે બાદ સાંજના 7:30 વાગ્યાના અરસામાં અશોકભાઇ તેના ઘર નજીક હાજર હતા ત્યારે આ બન્ને ઇસમો લોહીલુહાણ શૈલેશને બાઇક પર બેસાડીને પડાવમાં લાવ્યા હતા. અશોકભાઈ પોતાના દીકરાની હાલત અંગે પૂછતાં તેમણે કોઈ જવાબ આપ્યો ન હતો. જે બાદ અશોકભાઈએ બુમાબુમ કરી પરિવારના સભ્યોને બોલાવ્યા હતા. તેમણે જોયું કે દીકારા શૈલેષને માથાના ભાગે તીક્ષ્ણ હથીયાર વડે ઇજા થઇ હોવાથી લોહી નીકળતું હતુ અને લોહીલુહાણ હાલતમાં જ હતો પરીવારના સભ્યોએ તેને બાઇક પરથી ઉતારી પડાવમાં પડેલ ટ્રેકટરમાં મુકી નજીકના ખાનગી દવાખાને લઇ ગયા હતા જ્યાં ફરજ પરના ડોક્ટરે શૈલેષને મૃત જાહેર કર્યો હતા.
યોહાનની પત્ની સાથે શૈલેષનું અફેર હતું
મૃતક શૈલેષને બાઇક પર લઈ જનાર અને બાદમાં લોહીલુહાણ હાલતમાં મુકી જનાર સોનુ ગામિત અને યોહન માવચી સામે મૃતકના પિતા અશોક માવચીએ પલસાણા પોલીસ મથકમાં ફરિયાદ નોંધાવી હતી. યોહનની પત્નીનું શૈલેષ માવચી સાથે અફેર હોવાની જાણ થતા આ અંગે સમજાવવા માટે શૈલેષને બાઇક પર બેસાડી યોહન અને તેનો મિત્ર નજીકના રેલવે ટ્રેક પર લઈ ગયા હતા. જ્યાં યોહને શૈલેષને પત્ની સાથેના અફેર અંગે સમજાવતા શૈલેષ “એ મારી જૂની પ્રેમિકા છે” એેમ કહેતા શૈલેષને માથામાં સળિયો માર્યો હતો. પોલિસે હાલ બને આરોપીને ઝડપી પૂછપરછ શરૂ કરી હોવાનું જાણવા મળેલ છે મૃતક શૈલેષ, યોહન અને સોનુ ગામીત આ ત્રણેય નાની મોટી ચોરી કરતા હોવાનું પણ જાણવા મળ્યું હતું.
આસપાસના શહેરોના સમાચાર
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ
Gujarati News from Iam Gujarat, TIL Network
[ad_2]
Source link
Leave a Reply