vlcc: 2,000ની મૂડીથી શરું કરેલા બિઝનેસને વંદના લૂથરાએ કેવી રીતે પહોંચાડ્યો 18 દેશોમાં? – vlcc founder vandana luthra success story ipo of vlcc

[ad_1]

હાઈલાઈટ્સ:

1989માં શરું થનારી VLCC, એ સમયે ભારતનું પહેલુ ટ્રાન્સફોર્મેશન સેન્ટર હતું
‘જસ્સી’ના લોકપ્રિય પાત્રના બદલતાં રુપે મહિલાઓને ટ્રાન્સફોર્મેશન માટે પ્રેરિત કરી
આજે VLCC સાથે 39 દેશોના 6,000થી વધુ લોકો કાર્યરત છે

નવી દિલ્હીઃ બ્યુટી એન્ડ વેલનેસ સેક્ટરમાં બિઝનેસ વુમન વંદના લૂથરા બહુ જ જાણીતું નામ છે. દેશના પ્રતિષ્ઠિત ઉદ્યોગતપતિમાંથી એક વંદના લૂથરાની કંપની VLCC હેલ્થ કેર લિમિટેડ ટૂંક સમયમાં IPO લાવી રહી છે. આ માટે કંપનીએ શેર માર્કેટના રેગુલેટર સેબી (SEBI) પાસેથી મંજુરી પણ મેળવી લીધી છે અને ડિસેમ્બરના અંત સુધી કંપની પોતાનો IPO લાવી શકે છે. આ કંપની હાલમાં દુનિયાના અનેક દેશોમાં મજબૂત પાયો નાંખી ચૂકી છે. પરંતુ આ કંપનીને ઉભી કરવા માટે વંદના લૂથરાએ તનતોડ મહેનત કરી છે.

વર્ષ 1989માં દિલ્હી ખાતે પોતાની નાની બચતમાંથી વંદના લૂથરાએ VLCCની શરુઆત કરી હતી. એ સમયે VLCC ભારતનું પહેલુ ‘ટ્રાન્સફોર્મેશન સેન્ટર’ હતું. એ સમયે દેશનો વેલનેસ માર્કેટ પણ ઉભુ થઇ રહ્યું હતું. આ દરમિયાન TV પર આવેલી સીરિયલ ‘જસ્સી જેસી કોઇ નહીં’ના પ્રસિદ્ધ પાત્ર જસ્સીના બદલાતાં રુપે (ટ્રાન્સફોર્મેશન) પણ આ સેક્ટરની સફળતામાં મહત્વનો ફાળો આપ્યો છે.

વંદના લૂથરાનું કહેવું છે કે, અમે પહેલીવાર એ મેકઓવર ટીવી પર કર્યો હતો. જે પછી જસ્સીવાળો શો ખૂબ જ પોપ્યુલર થયો અને મહિલાઓ પોતાનો લુક બદલવા માટે ઘરની બહાર નીકળવા લાગી. આ એક ટર્નિંગ પોઇન્ટ હતો, અહીંથી અમે જાણ્યું કે છોકરીઓ પોતાને બદલવા માટે તૈયાર છે અને અમારે એમની થોડી મદદ કરવાની છે.

બિઝનેસ શરું કરવાના સમયે એમનો સામે સૌથી મોટો પડકાર ઓળખ ઉભી કરવાનો હતો. એ સમયે બ્યુટી પાર્લરથી લોકો પરિચિત હતા, પરંતુ ટ્રાન્સફોર્મેશન સેન્ટરનો આઇડિયા સૌ કોઇ માટે નવો હતો. એમાં પણ બિઝનેસમાં મહિલાઓની સફળતા માટે પણ લોકો હમેશાં નકારાત્મક વિચાર ધરાવતા હતા.

વર્તમાન સમયમાં ભારત સહિત શ્રીલંકા, નેપાળ, બાંગ્લાદેશ, મલેશિયા, સિંગાપુર, યુએઇ, ઓમાન, બહરીન, કતાર, કુવૈતસ સાઉદી આરબમાં VLCC બિઝનેસ કરી રહી છે. ભારત અને સિંગાપુરમાં કંપનીના પોતાના પ્લાન્ટ છે જેમાં સ્કિન કેર, હેર કેર અને બોડી કેર પ્રોડક્ટનું ઉત્પાદન થઇ રહ્યું છે. હાલમાં VLCCમાં દુનિયાના 39 દેશોના 6,000થી વધુ લોકો કામ કરી રહ્યા છે. જેમાં ડોક્ટર્સ, ન્યુટ્રીશિયન, સાઇકોલોજિસ્ટ, કોસ્મેટોજિસ્ટ, બ્યુટીશિયન, ફીઝિયોથેરાપિસ્ટ સામેલ છે.

હાલમાં VLCC એશિયાની સૌથી મોટી વેલનેસ કંપનીઓમાંથી એક છે અને ભારતમાં વેલનેસ સેક્ટરની સફળતા માટે મહત્વનું યોગદાન ધરાવે છે. વંદના લૂથરાની VLCCના સેન્ટર 18 દેશોના 125 શહેરોમાં 350થી વધુ સ્થળો પર કાર્યરત છે.
ટાટા-બિરલાને બેંક ચલાવવા નથી દેવા ઈચ્છતી આરબીઆઈ, આ મામલે કેમ કડક થઈ રહ્યા છે નિયમ?પબ્લિક અને પ્રાઈવેટ ક્રિપ્ટો કરન્સીમાં શું ફરક છે?Tarsons Products: લિસ્ટિંગ બાદ 20%ની અપર સર્કિટ, જાણો શું કહે છે નિષ્ણાતો?