[ad_1]
સચિવ, ગ્રામ વિકાસ અને ગ્રામ વિકાસ કમિશનર સોનલ મિશ્રાની આગેવાનીમાં યોજાયેલા આ કાર્યક્રમમાં ગુજરાતમાં મૂડીરોકાણની તકો તથા સહાયકારી નીતિઓ, ભવિષ્યલક્ષી માળખાકિય સુવિધાઓ અને રાજ્યના સક્રિય શાસન જેવા પાસા દર્શાવીને જર્મન અને ડચ કંપનીઓને મૂડીરોકાણ માટે ધોલેરા એક યોગ્ય સ્થળ હોવાની માહિતી આપવામાં આવી હતી.
આ અંગે ધોલેરા ઈન્ડસ્ટ્રિયલ સિટી ડેવલોપમેન્ટ લિમિટેડના જનરલ મેનેજર દિલીપ બ્રહ્મભટ્ટે જણાવ્યું હતું કે, ધોલેરા જંગી ઔદ્યોગિક વિકાસ માટેની તકો અને પડકારો માટે કટિબદ્ધ છે. તેમણે જર્મની અને નેધરલેન્ડ્સની કંપનીઓને ધોલેરામાં મૂડીરોકાણ કઈ રીતે વિકસી રહ્યું છે તે સમજવા માટે રૂબરૂ આવવા આમંત્રણ પણ પાઠવ્યું હતું.
ભારતીય એલચી કચેરીના ચીફ ઓફ મિશન રચિતા ભંડારીએ જર્મનીને ભારતના મહત્વના ટ્રેડિંગ પાર્ટનર્સમાંના એક તરીકે ગણાવ્યું હતું. તેમણે વાયબ્રન્ટ ગુજરાત ગ્લોબલ સમિટ-2022ના પાર્ટનર તરીકે નેધરલેન્ડનો ખાસ ઉલ્લેખ કર્યો હતો. ઈન્વેસ્ટ ઈન્ડિયાના આસિસ્ટન્ટ વાઈસ પ્રેસિડેન્ટ જયંત સિંઘે મેક ઈન ઈન્ડિયા અંગે જાણકારી આપી હતી અને તેના 25 ફોકસ કેન્દ્રો અંગે જણાવીને ભારતમાં મૂડીરોકાણ અંગેની માહિતી આપી હતી.
[ad_2]
Source link
Leave a Reply