[ad_1]
હાઈલાઈટ્સ:
- વલસાડ રેલવે સ્ટેશન પરથી ટ્રેનના કોચમાંથી મળ્યો હતો યુવતીનો મૃતદેહ
- વડોદરાના વેક્સિન ઈન્સ્ટિટ્યૂટમાં યુવતી સાથે થયો હતો બળાત્કાર
- યુવતીની ડાયરીના આધારે પોલીસ તપાસમાં થયો હતો ખુલાસો
- પોલીસને સુરત રેલવે સ્ટેશનના સીસીટીવીમાં યુવતી નજરે પડી
વડોદરામાં રહેતી 18 વર્ષીય યુવતી સાથે દુષ્કર્મ આચરવામાં આવ્યું હતું. યુવતીની ડાયરીમાંથી આ વાત બહાર આવી હતી. વડોદરાના વેક્સિન ઈન્સ્ટિટ્યૂટના ગ્રાઉન્ડમાં નવસારીની આ યુવતી સાથે દુષ્કર્મ આચરવામાં આવ્યું હતું. જે બાદ અમદાવાદ ક્રાઈમ બ્રાંચ, એફએસએલ, ડોગ સ્ક્વોડ, રેલવે પોલીસ સહિતની ટીમે વેક્સિન ગ્રાઉન્ડ પહોંચીને તપાસ હાથ ધરી હતી. રેલવેના આઈજી સુભાષ ત્રિવેદી સહિતના ઉચ્ચ અધિકારીઓએ ઘટના સ્થળે જઈ તપાસ હાથ ધરી હતી. 
પ્રેમિકાના પતિની હત્યા કરવાના કેસમાં આરોપી પ્રેમીની જામીન અરજી રદ
મહત્વના સીસીટીવી ફૂટેજ મળ્યા
આ કેસમાં પોલીસને મહત્વના સીસીટીવી ફૂટેજ પણ હાથમાં લાગ્યા છે. આ સીસીટીવી ફૂટેજમાં આપઘાત પહેલાં યુવતી નજરે પડી હતી. સીસીટીવી ફૂટેજમાં યુવતી સુરત રેલવે સ્ટેશનની અંદર અને બહાર જતી નજરે પડી હતી. ત્યારે પોલીસે આ સીસીટીવી ફૂટેજ કબજે કર્યા છે. આ સિવાય પોલીસ અન્ય સીસીટીવી ફૂટેજ પણ ચકાસી રહી છે. આ યુવતી કોને મળવા અને કેમ સુરત ગઈ હતી એ દિશામાં પણ પોલીસે તપાસ હાથ ધરી છે.
પોલીસે કબજે કરેલા સીસીટીવીમાં દેખાય છે કે, સુરત રેલવે સ્ટેશન પર યુવતી નજરે પડી રહી છે. યુવતીનો કોઈ પીછો કરી રહ્યો હોય એવી પણ શંકા છે. યુવતીએ ખભે બેગ પણ ભરાવેલી છે. પોલીસ તપાસમાં એવું પણ સામે આવ્યું કે, યુવતી ઘરેથી એવું કહીને નીકળી હતી કે તે મરોલી જઈ રહી છે. તો પછી સુરત રેલવે સ્ટેશને કેમ આવી અને ત્યાંથી ક્યાં ગઈ એ પણ સવાલ પોલીસને સતાવી રહ્યો છે. મહત્વનું છે, યુવતી છેલ્લાં બે વર્ષથી વડોદરાની કૉલેજમાં અભ્યાસ કરતી હતી. તેણે વલસાડમાં ગુજરાત ક્વિન એક્સપ્રેસના ડબ્બામાં આત્મહત્યા કરી હતી. તેની ડાયરીના આધારે ખુલાસો થયો હતો કે, વડોદરાના વેક્સિન ઈન્સ્ટિટ્યૂટના મેદાનમાં તેની સાથે દુષ્કર્મ આચરવામાં આવ્યું હતું.
આ હતી ઘટના
18 વર્ષીય યુવતી અભ્યાસની સાથે એક સામાજિક સંસ્થામાં પણ કામ કરતી હતી. દિવાળીના આગલા દિવસે તેણે માતાને કહ્યું કે, સંસ્થાના કામથી મરોલી જવાનું છે. બીજા દિવસે યુવતીનો મૃતદેહ ગુજરાત ક્વિનના કોચમાંથી મળી આવ્યો હતો. આ ટ્રેન મોડી રાત્રે વલસાડ રેલવે સ્ટેશન પર ખાલી થઈ હતી. સવારે સફાઈ કામદારોને તેનો મૃતદેહ મળી આવ્યો હતો. બાદમાં આ ઘટનાની જાણ પોલીસને કરવામાં આવી હતી. 
કોરોનાએ ફરી માથું ઉંચક્યું: સુરતમાં એક જ પરિવારના 5 સભ્યો પોઝિટિવ
બે રીક્ષાચાલકોએ યુવતી પર આચર્યુ કુકર્મ
આ કેસમાં તપાસ કરી રહેલી ટીમને યુવતીની એક ડાયરી મળી આવી હતી. જે બાદ સામે આવ્યું કે, આત્મહત્યાના બે દિવસ અગાઉ તે સાયકલ લઈને પસાર થઈ રહી ત્યારે વડોદરાના રિક્ષાચાલકે તેને ટક્કર મારી હતી. બાદમાં બે શખ્સો તેને બળજબરીપૂર્વક રિક્ષામાં બેસાડીને વેક્સિન ઈન્સ્ટિટ્યૂટના ગ્રાઉન્ડની ઝાડીઓમાં લઈ ગયા હતા. જ્યાં તેના પર કુકર્મ આચરવામાં આવ્યું હતું. એ સમયે એક બસ ચાલક પાર્ક કરવા જતા બંને આરોપીઓ ત્યાંથી ભાગી છૂટ્યા હતા. ત્યારે આ કેસમાં ગોત્રી પોલીસ પણ જોડાઈ છે.
યુવતીએ મિત્ર પાસે માગી હતી મદદ
યુવતી સંસ્થામાંથી કામ કરીને ઘરે પરત ફરી રહી હતી. તે સમયે આ ઘટના બની હતી. ત્યારે તેણે સંસ્થામાં કામ કરતા મિત્રને વોટ્સએપ મેસેજ કરીને મદદ માગી હતી. કોઈ તેનો પીછો કરતો હોવાનો મેસેજ તેણે કર્યો હતો. જો કે, તેના મિત્રએ આ મેસેજ મોડો જોયો હતો. બાદમાં તેણે સંસ્થાને પણ આ વાતની જાણ કરી હતી. પણ સંસ્થાએ પોલીસને આ વાતની જાણ કરી નહોતી. ત્યારે યુવતીનો પીછો કોણ કરતુ હતુ અને કયા કારણોસર કરતુ હતુ એ પણ એક રહસ્ય છે. હવે પોલીસની ટીમ આ મામલે નિવેદનો લઈને આગળની કાર્યવાહી કરી રહી છે.
આ 5 બેન્કના શેર્સ 1 વર્ષમાં આપી શકે છે સારું એવું વળતર
[ad_2]
Source link
Leave a Reply