udhampur durg express: ઉધમપુર-દુર્ગ એક્સપ્રેસ ટ્રેનના AC કોચમાં લાગી ભીષણ આગ, જુઓ Video – in an unfortunate incident, udhampur durg express caught fire on friday 2 bogies gutted

[ad_1]

હાઈલાઈટ્સ:

ફાયર બ્રિગેડની ટીમે ટ્રેનમાં લાગેલી આગ પર કાબૂ મેળવવાનો પ્રયાસ શરૂ કરી દીધો છે.
આગ લાગવાની ઘટના બનતા જ ટ્રેનના જુદા-જુદા કોચમાં સવાર પેસેન્જર્સે ટ્રેનમાંથી કૂદીને પોતાનો જીવ બચાવ્યો હતો.
જમ્મુ-કાશ્મીરના ઉધમપુરથી લઈને છત્તીસગઢના દુર્ગ તરફ જઇ રહેલી આ ટ્રેનના AC કોચ A1 અને A2માં ભીષણ આગ લાગી હતી.

મુરૈના, મધ્યપ્રદેશ: મધ્યપ્રદેશમાં આવેલા મુરૈનાના હેતમપુર સ્ટેશન પર દુર્ગ ઉધમપુર એક્સપ્રેસ ટ્રેનના ચાર કોચમાં અચાનક ભીષણ આગ લાગવાની ઘટના બની છે. ટ્રેનમાં આગ લાગવાની ઘટનાના કારણે ભાગદોડ મચી ગઈ હતી અને આ ઘટનાની જાણકારી મળતાં જ ફાયર બ્રિગેડની ગાડીઓ ઘટનાસ્થળે પહોંચી ગઈ હતી. ફાયર બ્રિગેડની ટીમે ટ્રેનમાં લાગેલી આગ પર કાબૂ મેળવવાનો પ્રયાસ શરૂ કરી દીધો છે.

મળતી માહિતી મુજબ, દુર્ગ ઉધમપુર એક્સપ્રેસ ટ્રેન શુક્રવારે મધ્યપ્રદેશના મુરૈનાના હેતમપુર સ્ટેશન પર પહોંચી હતી ત્યારે અચાનક તેમાં આગ લાગવાની ઘટના બની હતી. થોડી જ વારમાં આ ટ્રેનના ચારેય કોચ આગની જ્વાળાઓની લપેટમાં આવી ગયા હતા. જોતજોતામાં ટ્રેનમાં આગ લાગી ગઈ હતી. આગ લાગવાની ઘટના બનતા જ ટ્રેનના જુદા-જુદા કોચમાં સવાર પેસેન્જર્સે ટ્રેનમાંથી કૂદીને પોતાનો જીવ બચાવ્યો હતો.

ટ્રેનમાં આગ લાગવાની ઘટનાની જાણ તાત્કાલિક ફાયર બ્રિગેડને કરવામાં આવી હતી. જાણકારી મળતા જ ફાયર બ્રિગેડની ગાડીઓ ઘટનાસ્થળે પહોંચી હતી અને આગ પર કાબૂ મેળવવાના તમામ પ્રયાસો હાથ ધર્યા હતા. ટ્રેનના તમામ પેસેન્જર્સ સમયસર ટ્રેનમાંથી બહાર નીકળી ગયા હતા અને કોઈ ઈજાગ્રસ્ત થયું હોય તેવા સમાચાર હજુ સુધી જાણવા મળ્યા નથી.
બ્લેક ફ્રાઈડે: સેન્સેક્સમાં 1687 પોઈન્ટ્સનો કડાકો, રોકાણકારોએ હવે શું કરવું?
વધુ મળતી જાણકારી અનુસાર, જમ્મુ-કાશ્મીરના ઉધમપુરથી લઈને છત્તીસગઢના દુર્ગ તરફ જઇ રહેલી આ ટ્રેનના AC કોચ A1 અને A2માં ભીષણ આગ લાગી હતી. ટ્રેનમાં વૈષ્ણોદેવીથી પરત ફરી રહેલા યાત્રીઓ સામેલ હતા. ઘટનાસ્થળે હાજર લોકોના કહેવા અનુસાર, અનેક યાત્રીઓએ ટ્રેનમાંથી કૂદીને પોતાનો જીવ બચાવ્યો હતો. અહીં નોંધનીય છે કે મુસાફરોના જણાવ્યા અનુસાર, ટ્રેનના A1 કોચમાં લાગેલી આગે થોડી વારમાં જ અન્ય કોચને પણ લપેટમાં લઈ લીધો હતો અને કોચ ધુમાડાથી સળગવા લાગ્યો હતો. સદનસીબે આગની જાણ થતા જ સમયસર ટ્રેનને રોકી દેવામાં આવી હતી અને ત્યાં સુધીમાં તો મુસાફરો પણ તેમના ડબ્બામાંથી બહાર કૂદી પડ્યા હતા.