[ad_1]
હાઈલાઈટ્સ:
- સાથી કર્મચારીને ન્યાય મળે તેવી માગ સાથે ડેરીના અન્ય કર્મચારીઓ હડતાળ પર ઉતર્યા હતા.
- કર્મચારીઓ કામ પર ના ચડતાં ડેરીમાં પોલીસ બંદોબસ્ત ગોઠવવાની ફરજ પડી હતી.
- પોલીસે આરોપી ડ્રાઈવરની ધરપકડ કરી છે.
9 મહિના બાદ સોનાનો ભાવ ₹51,000ની સપાટીએ પહોંચ્યો, ચાંદીની કિંમત પણ વધી
મહિધરપુરા પોલીસે જણાવ્યું કે, સુમુલ ડેરી સામે આવેલી મિલિન્દ્રનગર ઝૂંપડપટ્ટીમાં રહેતા સુનિલ સંતલાલ ગુપ્તા (30 વર્ષ)નો શુક્રવારે સાંજે સુમુલ ડેરીમાં પાર્કિંગ બાબતે રવિ નામના બીજા ટેન્કર ડ્રાઈવર સાથે ઝઘડો થયો હતો. ઝઘડા દરમિયાન રવિએ ચપ્પુ વડે સુનિલ પર હુમલો કર્યો હતો. રવિએ સુનિલની છાતીમાં ચપ્પુ ઘૂસાડી દેતાં તે ત્યાં જ ફસડાઈ પડ્યો હતો. સુમુલ ડેરીના કેમ્પસમાં થયેલી આ ઘટનાએ ચકચાર જગાવ્યો હતો.
ઘાયલ થયેલા ડ્રાઈવરને તાત્કાલિક કિરણ હોસ્પિટલમાં લઈ જવાયો હતો. જ્યાં તેનું મોત નિપજ્યું હતું. મહિધરપુરા પોલીસને જાણ કરવામાં આવતાં તે ઘટનાસ્થળે પહોંચી હતી અને હત્યાના આરોપી રવિ શુક્લાની ધરપકડ કરી હતી. મૃતકના પરિવારે જણાવ્યું હતું કે, સુનિલની હત્યાને લઈને ડેરીના કર્મચારીઓએ હડતાળ પાડી છે. ન્યાય મળે તે માટે લડત ચલાવી રહ્યા છે. એવામાં કોઈ અનિચ્છનીય ઘટના ના બને તે માટે પોલીસ બંદોબસ્ત ગોઠવાયો છે.
અમેરિકામાં ગુજરાતી મૂળના પોલીસ અધિકારીની ગોળી મારીને હત્યા કરાઈ
ઉલ્લેખનીય છે કે, હત્યાને લઈને ડેરીમાં ઘેરા પ્રત્યાઘાત પડ્યા છે. ડેરીના કેમ્પસમાં પાર્કિંગ મુદ્દે થયેલો સામાન્ય ઝઘડો હત્યા સુધી પહોંચ્યો હતો. હત્યાને પગલે સુમુલ ડેરીમાં કામ કરતાં કર્મચારીઓમાં પણ ફફડાટ જોવા મળી રહ્યો છે. સુમુલ ડેરીમાં ડ્રાઈવર હથિયાર સાથે આવતાં ભારે ચર્ચા થઈ રહી છે. ડેરીના ડ્રાઈવરોનું કામ દૂધની ડિલિવરી કરવાનું હોય છે પરંતુ ચપ્પુ લઈને ફરતાં આવા ડ્રાઈવરોનું પોલીસ વેરિફિકેશન થવું જોઈએ તેવી માગ પણ થઈ રહી છે.
[ad_2]
Source link
Leave a Reply