stock investment tips: નવા વર્ષમાં કમાણી કરવી હોય તો આ ત્રણ સેક્ટરોમાં રોકાણ કરવાનું ચુકશો નહીં – beat-the-market-in-2022-with-focused-investment-in-three-sectors

[ad_1]

હાઈલાઈટ્સ:

  • અમુક નફાને અત્યારે બૂક કરો અને તેને ફિક્સ્ડ ઇન્કમમાં રોકો. ગોલ્ડ ઇટીએફમાં રોકાણ કરી હેજિંગનો લાભ મેળવો
  • અમેરિકામાં અત્યારે હેજ ફંડ્સ પાસે જેટલા શેર છે તેના કરતા રિટેલ રોકાણકારો પાસે 12 ગણા વધુ શેર છે
  • નીચા વ્યાજદરના કારણે બાંધકામ સેક્ટરમાં વેગ આવ્યો છે. તેનાથી કન્સ્ટ્રક્શન કંપનીઓના શેર વધશે

2021માં રિટેલ રોકાણકારોની અભૂતપૂર્વ ભાગીદારી અને નીચા દરે મળેલા નાણાંના કારણે શેરબજારે વિક્રમજનક ઊંચાઈ નોંધાવી હતી. અમેરિકા જેવા મોટા બજારે ભારત જેવા ઉભરતા બજારો પર ભારે અસર કરી છે. પરંતુ નાના રોકાણકારોની હિસ્સેદારીના કારણે બજારની આગાહી કરવી અત્યંત મુશ્કેલ બની ગઈ છે.

અત્યાર સુધીના આંકડા પ્રમાણે 2021માં અમેરિકન રોકાણકારોએ 1.5 કરોડ ટ્રેડિંગ એપ્સ ડાઉનલોડ કર્યા હતા અને ઇક્વિટીમાં એક લાખ કરોડ રૂપિયાથી વધુ રોકાણ કર્યું હતું. અમેરિકામાં અત્યારે હેજ ફંડ્સ પાસે જેટલા શેર છે તેના કરતા રિટેલ રોકાણકારો પાસે 12 ગણા વધુ શેર છે. ચીપ મનીના કારણે તેઓ સ્ટોક્સમાં રોકાણ કરવા પ્રેરાયા છે.

2022માં કેવા રિટર્નની અપેક્ષા રાખવી

2022માં રિટર્ન પ્રમાણમાં નરમ હશે. તેથી રોકાણકારોએ એવા સેક્ટર અને સ્ટોક પસંદ કરવા જોઈએ જે બજારના રિટર્નને પછાડી શકે. બીજું, રોકાણકારોએ લાંબા ગાળા માટે રોકાણ કરવા પર ધ્યાન આપવું જોઈએ. કોરોના વાઈરસના નવા વેરિયન્ટ અને વ્યાજના દરમાં વધારો 2022માં પડકાર પેદા કરશે.

આ ત્રણ સેક્ટરમાં રોકાણ દ્વારા નફો મેળવો

2022માં આઇટી, ફાઇનાન્શિયલ્સ અને કન્સ્ટ્રક્શન આધારિત સેગમેન્ટ સારો દેખાવ કરે તેમ લાગે છે. એફઆઇઆઇના સળંગ વેચાણના કારણે ફાઇનાન્શિયલ કંપનીઓનું વેલ્યુએશન, ખાસ કરીને અગ્રણી બેન્કોના શેરોનો ભાવ આકર્ષક છે. આઇટીમાં મલ્ટિ-યર અપસાઈકલ ચાલે છે જેને વધતા ડિજિટાઇઝેશનથી વેગ મળ્યો છે. આઇટીનું વેલ્યુએશન ઊંચું છે પરંતુ અર્નિંગની વિઝિબિલિટી પણ સારી છે.

નીચા વ્યાજદરના કારણે બાંધકામ સેક્ટરમાં વેગ આવ્યો છે. તેનાથી કન્સ્ટ્રક્શન કંપનીઓના શેર વધશે. આ સેગમેન્ટમાં હાઇ ક્વોલિટી સ્ટોક્સ પર ફોકસ કરવાથી 2022માં બજાર કરતા વધુ વળતર મેળવી શકાય છે. તેમાં મ્યુચ્યુઅલ ફંડના એસઆઈપીનો ઉપયોગ કરીને મિડ અને સ્મોલ કેપમાં રોકાણ કરો.

સાવધાની તરીકે અમુક નફાને અત્યારે બૂક કરો અને તેને ફિક્સ્ડ ઇન્કમમાં રોકો. ગોલ્ડ ઇટીએફમાં રોકાણ કરવાથી વધતા ફુગાવા સામે સારું રક્ષણ પ્રાપ્ત થશે.

આ ઉપરાંત રૂપિયાના ઘસારા સામે રક્ષણ માટે પણ તે ઉપયોગી બની શકે છે. 2022થી આગળનો વિચાર કરો અને શેરબજારમાં લાંબા ગાળા માટે રોકાણ કરો. એસઆઈપી ચાલુ રાખો. માર્ચ 2020થી નિફ્ટીમાં જે કારણથી 135 ટકાનો વધારો થયો હતો તે તબક્કો પૂરો થયો છે. હવે મેરેથોન દોડ શરૂ થઈ છે જેના માટે ધીરજ રાખવી પડશે.

[ad_2]

Source link

Leave a Reply

Your email address will not be published. Required fields are marked *