[ad_1]
હાઈલાઈટ્સ:
- પીયૂષ જૈન બાદ હવે IT ટીમ સપા MLC પુષ્પરાજ જૈનના સ્થાને દરોડા પાડી રહી છે
- અત્તર વેપારી પુષ્પરાજ જૈન ઉર્ફે પમ્પીની જગ્યા પર શુક્રવારે સવારથી કાર્યવાહી ચાલુ
- પુષ્પરાજ જૈને લખનૌમાં સપાના કાર્યાલયમાં સમાજવાદી પરફ્યુમનું વિતરણ કર્યું હતું
હાથરસના હસયાન કોતવાલી વિસ્તારમાં આવેલા સિક્તરા રોડ પર પમ્મી જૈનની કોઠી અને ફેક્ટરી આવેલી છે. કાનપુરના એક્સપ્રેસ રોડ પર સ્થિત પ્રગતિ એરોમા કોમ્પ્લેક્સમાં પણ આવકવેરા વિભાગની ટીમ હાજર છે. મુંબઈમાં સ્થિત એમએલસીના બે સ્થળો પર પણ આઈટીના દરોડા ચાલુ છે. આ સાથે પુષ્પરાજ જૈનનું નામ ચર્ચામાં આવ્યું છે.
અત્તરના વેપારીની સાથે રિયલ એસ્ટેટ પેઢીના માલિક પણ
ઉલ્લેખનીય છે કે, SP MLC પુષ્પરાજ જૈન પાર્ટી અધ્યક્ષ અખિલેશ યાદવના નજીકના માનવામાં આવે છે. તાજેતરમાં તેમણે લખનૌ સ્થિત સમાજવાદી પાર્ટીના કાર્યાલયમાં સમાજવાદી પરફ્યુમનું વિતરણ કર્યું હતું. પુષ્પરાજ જૈન ઉર્ફે પમ્મી જૈનના પિતા સ્વ.સવાઈલાલ જૈન છે. 64 વર્ષીય પુષ્પરાજ જૈન પરફ્યુમના વેપારીની સાથે-સાથે અન્ય વ્યવસાય પણ ધરાવે છે.
પુષ્પરાજ જૈન કોલ્ડ સ્ટોરેજ અને પેટ્રોલ પંપના માલિક હોવાનું પણ કહેવાય છે. પ્રગતિ એરોમા, પ્રશસ્તિ એગ્રો ફાર્મ પ્રાઈવેટ લિમિટેડ, પ્રશસ્તિ કન્સ્ટ્રક્શન પ્રાઈવેટ લિમિટેડ, પ્રશસ્તિ પ્રોપર્ટીઝ રિયલ્ટર્સ પ્રાઈવેટ લિમિટેડ અને લવલી ફ્રેગ્રેન્સ પ્રાઈવેટ લિમિટેડ આ તમામ તેમની રજિસ્ટર્ડ ફર્મ છે
12થી વધુ દેશોમાં બિઝનેસ
પુષ્પરાજ જૈન 2016માં ઇટાવા-ફર્રુખાબાદથી એસપી એમએલસી તરીકે ચૂંટાયા હતા, જેનો કાર્યકાળ માર્ચ 2022માં સમાપ્ત થાય છે. તે પ્રગતિ એરોમા ઓઈલ ડિસ્ટિલર્સ પ્રાઈવેટ લિમિટેડના સહ-માલિક છે. તેમના પિતાએ આ બિઝનેસ 1950માં શરૂ કર્યો હતો. પુષ્પરાજ જૈનનો પરફ્યુમનો મોટો બિઝનેસ 12થી વધુ દેશોમાં ફેલાયેલો છે. 2016માં ફાઈલ કરાયેલ ચૂંટણી એફિડેવિટ મુજબ પુષ્પરાજ અને તેમના પરિવાર પાસે 37.15 કરોડ રૂપિયાની જંગમ સંપત્તિ અને 10.10 કરોડ રૂપિયાની સ્થાવર સંપત્તિ છે.
સમર્થકોમાં પરોપકારી છબી
સમાજવાદી પાર્ટીના MLC પુષ્પરાજ જૈનનો કોઈ ગુનાહિત રેકોર્ડ નથી. તેમણે કન્નૌજની સ્વરૂપ નારાયણ ઇન્ટરમીડિયેટ કોલેજમાંથી 1978માં જ 12 સુધી અભ્યાસ કર્યો હતો. તેમના સમર્થકોમાં તેમની એક પરોપકારી તરીકેની છબી છે.
[ad_2]
Source link
