[ad_1]
હાઈલાઈટ્સ:
- 500 રૂપિયાની ઈસ્યુ પ્રાઈઝ ધરાવતો શેર BSE પર 436 રૂપિયા અને NSE પર 437 રૂપિયા પર લિસ્ટ થયો હતો
- રોકાણકારોમાં આ શેરને લઈને મિશ્ર પ્રતિક્રિયાઓ જોવા મળી હતી
- મોટા ભાગના નિષ્ણાતોએ લોંગ ટર્મ માટે હોલ્ડ કરવાની સલાહ આપી, પરંતુ નવી ખરીદી ટાળવાનું કહ્યું
નિરાશાજનક લિસ્ટિંગ બાદ કેટલાક રોકાણકારોએ લોઅર લેવલ પર ખરીદી કરી હતી જેના કારણે તે લિસ્ટિંગ પ્રાઈઝથી 10 ટકા વધ્યો હતો અને 450-475 રૂપિયાની રેન્જમાં ટ્રેડ થયો હતો. લિસ્ટિંગ બાદ મેટ્રો બ્રાન્ડને લઈને એનાલિસ્ટ્સમાં મિશ્ર પ્રતિક્રિયા જોવા મળી હતી. મોટા ભાગના એનાલિસ્ટ્સે આને લાંબા ગાળા માટે હોલ્ડ કરવાની ભલામણ કરી છે જ્યારે ઘણા નિષ્ણાતો રોકાણકારોને આ ઈસ્યુથી દૂર રહેવાનું કહી રહ્યા છે.
Expert’s advice: આગામી 4-5 વર્ષમાં કયા બ્લૂચીપ શેર્સના ભાવ ડબલ થઈ શકે?રિલાયન્સ સિક્યુરિટીઝના સિનિયર રિસર્ચ એનાલિસ્ટ વિકાસ જૈને રોકાણકારોને આ સ્ટોકથી દૂર રહેવાનું કહ્યું છે કેમ કે ઈસ્યુની કિંમત ઘણી વધારે હતી અને પ્રીમિયમ વેલ્યુએશન પર કમાન્ડ કરવા માટે કંપની પાસે કોઈ નોંધપાત્ર પ્રાઈઝિંગ પાવર નથી. તેમણે કહ્યું હતું કે કંપનીને શેર્સ ખરીદવા માટે રોકાણકારોએ ક્વાર્ટરલી રિઝલ્ટની રાહ જોવી જોઈએ. ત્યાં સુધી વેલ્યુએશનમાં કોઈ સુધારો નહીં થાય અને રોકાણકારોએ તેનાથી દૂર રહેવું જોઈએ.
મેટ્રો બ્રાન્ડ્સનો આઈપીઓ 10થી 14 ડિસેમ્બર દરમિયાન સબસ્ક્રિપ્શન માટે ઓપન થયો હતો. કંપનીએ 485-500 રૂપિયા પ્રતિ શેરની પ્રાઈઝ બેન્ડ રાખી હતી. રેલિગેર બ્રોકિંગના વીપી-રિસર્ચ અજીત મિશ્રાએ જણાવ્યું હતું કે, કોવિડના સમયગાળાને બાદ કરતા કંપનીનું ભૂતકાળનું પ્રદર્શન ઘણું સારું રહ્યું છે. વર્તમાન રોકાણકારોએ તેને લાંબા ગાળા માટે હોલ્ડ કરી રાખવા જોઈએ પરંતુ નવી ખરીદી માટે રોકાણકારોએ રાહ જોવી જોઈએ.
આ શેર્સમાં જોવા મળ્યો ગોલ્ડન ક્રોસઓવર, તેના પરથી કઈ રીતે કમાઈ શકાય તગડો નફો?સ્વસ્તિક ઈન્વેસ્ટમાર્ટના હેડ ઓફ રિસર્ચ સંતોષ મીનાએ કહ્યું હતું કે, કંપનીએ ડિસન્ટ ગ્રોથ, પ્રોફિટેબિલિટી અને ફાઈનાન્સિયલમાં સારું પ્રદર્શન કર્યું છે. લાંબા ગાળાના રોકાણકારોને હોલ્ડ કરવાની સલાહ આપવામાં આવે છે જ્યારે ટૂંકા ગાળાના રોકાણકારોએ 380નો સ્ટોપ લોસ રાખવો જોઈએ.
1955માં શરૂ થયેલી મેટ્રો બ્રાન્ડ્સ દેશની અગ્રણી ફૂટવેર બ્રાન્ડમાં સામેલ છે. કંપની પાસે ફૂટવેરની વિશાળ રેન્જ છે. તેની અન્ય કેટલીક બ્રાન્ડ્સમાં મેટ્રો, મોચી, વોકવે, દા વિન્ચી અને જે. ફોન્ટિનીનો સમાવેશ થાય છે. જ્યારે થર્ડ-પાર્ટી બ્રાન્ડ્સમાં ક્રોક્સ, સ્કેચર્સ, ક્લાર્ક્સ, ફ્લોરશેઈમ અને ફિટફ્લોપ સામેલ છે.
[ad_2]
Source link
Leave a Reply