[ad_1]
હાઈલાઈટ્સ:
- દમણ, દાદરાનગર હવેલી, સુરત, ડાંગ, તાપી વગેરે વિસ્તારોમાં આજે વરસાદ પડી શકે છે.
- અરબી સમુદ્રમાં સર્જાયેલા લો પ્રેશરના કારણે વાતાવરણમાં પલટો આવ્યો છે.
- ગત અઠવાડિયાથી વાતાવરણમાં પલટો આવ્યા બાદ બેવડી ઋતુનો અનુભવ.
હવામાન વિભાગના જણાવ્યા અનુસાર, અરબી સમુદ્રમાં સર્જાયેલા લો પ્રેશર અને તેના પગલે ગુજરાતના દરિયાકાંઠા સુધી ટ્રોફના પગલે શિયાળામાં ઠંડી પડવાને બદલે માવઠું થઈ રહ્યું છે. સોમવારે પણ વલસાડના કપરાડામાં દોઢ ઈંચ અને ડાંગમાં 8 મિમિ વરસાદ ખાબક્યો હતો. આ સાથે જ સૌરાષ્ટ્રના અમરેલીના ખાંભા તાલુકાના લાસા ગામમાં ધોધમાર 2 ઈંચ વરસાદ વરસ્યો હોવાના અહેવાલ છે.
બે દિવસ દરમિયાન અમુક વિસ્તારને બાદ કરતાં અન્ય વિસ્તારોમાં વાતાવરણ સૂકું રહેવાની તેમજ ભેજ હોવાથી લઘુત્તમ તાપમાનમાં ઘટાડો થવાની શક્યતા નહિવત્ છે. બે દિવસ બાદ રાજ્યમાં ઠંડી અનુભવાઈ શકે છે અને લઘુત્તમ તાપમાનમાં ત્રણથી પાંચ ડિગ્રીનો ઘટાડો થઈ શકે છે.
સમગ્ર રાજ્યમાં ઠંડીની શરૂઆત બાદ ગત અઠવાડિયે વાતાવરણમાં પલટો આવ્યો હતો અને વરસાદી માહોલ છવાયો હતો. ત્યારથી સતત મહત્તમ અને લઘુત્તમ તાપમાનમાં વધારો થઈ રહ્યો છે. જેના કારણે મહત્તમ તાપમાન 34 ડિગ્રી સુધી પહોંચી જતાં બપોરે ગરમીનો અહેસાસ થઈ રહ્યો છે. હજુ લઘુત્તમ તાપમાન 22 ડિગ્રીની આસપાસ રહેતાં સવારે ઠંડક વર્તાઈ રહી છે. આમ બેવડી ઋતુનો અહેસાસ થઈ રહ્યો છે. બેવડી ઋતુના લીધે વૃદ્ધો અને બાળકોમાં રોગોનું પ્રમાણ વધી રહ્યું છે.
વિવિધ વિસ્તારોના લઘુત્તમ તાપમાનની વાત કરીએ તો, મંગળવારે અમદાવાદમાં 21 ડિગ્રી, અમરેલી 21 ડિગ્રી, વડોદરામાં 22 ડિગ્રી, ભાવનગરમાં 23 ડિગ્રી, ભૂજમાં 19 ડિગ્રી, નલિયામાં 13 ડિગ્રી, દમણમાં 25 ડિગ્રી, ડીસામાં 18 ડિગ્રી, દ્વારકામાં 21 ડિગ્રી, ઓખામાં 24 ડિગ્રી, સુરતમાં 25 ડિગ્રી પોરબંદરમાં 21 ડિગ્રી, રાજકોટમાં 21 ડિગ્રી, ગાંધીનગરમાં 19 ડિગ્રી, વેરાવળમાં 25 ડિગ્રી તાપમાન નોંધાયું હતું.
[ad_2]
Source link
Leave a Reply