[ad_1]
Manishkumar Kapadia | I am Gujarat | Updated: Sep 25, 2021, 10:14 PM
યુવતી ક્યાં ક્યાં જાય છે એ જાણવા યુવકે તેની સ્કૂટીમાં જીપીએસ લગાવ્યુ હતુ. તેનો પીછો કરીને પહોંચી ગયો અને બધાની વચ્ચે જ જાહેરમાં યુવતીને કિસ કરવા લાગ્યો અને બધા ભેગા થઈ ગયા

હાઈલાઈટ્સ:
- પાગલ પ્રેમીએ એક યુવતીની સ્કૂટીમાં લગાવી દીધુ જીપીએસ
- પીછો કરીને તેની પાસે પહોંચી જતો અને કિસ કરવા લાગ્યો
- બધા ભેગા થઈ જતા જીવ બચાવવા યુવક ભાગી છૂટ્યો, ભૂંડી દશા થઈ
ડુંગરા પોલીસ સ્ટેશનમાં થયેલી ફરિયાદ મુજબ, વાપીમાં રહેતી 22 વર્ષીય યુવતી એક કૉલેજમાં બીબીએના ત્રીજા વર્ષમાં અભ્યાસ કરે છે. થોડા સમય પહેલાં ઈન્સ્ટાગ્રામ પર તેની ઓળખ એક યુવક સાથે થઈ હતી. એ પછી બંને વચ્ચે મિત્રતા થઈ. મિત્રતા થયા બાદ યુવક તેની તરફ આકર્ષાયો હતો. તે અવાર નવાર યુવતીને ફોન કરતો હતો. એક દિવસ તેણે યુવતીને પ્રેમ માટે પ્રપોઝ કર્યુ. તો યુવતીએ તેને ના પાડી દીધી. એ પછી યુવક તેને આપઘાત કરી લેવાની ધમકી આપવા લાગ્યો. મજબૂરીમાં યુવતીએ તેને હા પાડી હતી.

એ પછી યુવતી થોડો સમય તેનાથી દૂર થઈ. તો આ સનકી પ્રેમીને જરાય ગમ્યુ નહીં. તે ફોન કરીને તેને હેરાન પરેશાન કરવા લાગ્યો. તેણે યુવતી ક્યાં ક્યાં જાય છે એ જાણવા તેની સ્કૂટીમાં જીપીએસ લગાવ્યું હતું. યુવકથી કંટાળીને તેના માતા-પિતાને આની જાણ કરવામાં આવી. તો તેઓએ યુવતી સાથે ઝઘડો કર્યો હતો. આ દરમિયાન યુવતી 20 સપ્ટેમ્બરે સેલવાસથી ભીલાડ થઈ વાપી જઈ રહી હતી. એ સમયે જીપીએસની મદદથી આ સનકી પ્રેમીએ તેનો પીછો કર્યો હતો.
પીછો કરીને પાગલ પ્રેમી યુવતી પાસે પહોંચી ગયો હતો. અહીં તેણે યુવતી સાથે બળજબરી કરી હતી. તેની સાથે શારીરિક છેડછાડ કરી હતી. એટલું જ નહીં તેણે જાહેરમાં બધાની વચ્ચે જ યુવતીને કિસ કરી દીધી હતી. આ જોઈને આસપાસના લોકો ભેગા થઈ ગયા હતા. યુવકને લાગ્યું કે હવે તેનું આવી બન્યું છે એટલે તે ત્યાંથી ફરાર થઈ ગયો હતો. બાદમાં યુવતી ઘરે પહોંચી હતી. તેણે આની જાણ માતા પિતાને કરી હતી. જે બાદ યુવતીએ ડુંગરા પોલીસ સ્ટેશનમાં ફરિયાદ નોંધાવી હતી. જે બાદ પોલીસે છરવાડાના સનરાઈઝ એપાર્ટમેન્ટમાં રહેતા અનુભવ વિનોદ જયસ્વાલ વિરૂદ્ધ ફરિયાદ નોંધી હતી. બાદમાં પોલીસે આરોપીને ઝડપી પાડીને આગળની કાર્યવાહી હાથ ધરી હતી.
જેક્લીન ફર્નાન્ડિઝે ગરીબ છોકરીની મદદ કરી, લોકોએ કર્યા વખાણ
આસપાસના શહેરોના સમાચાર
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ
Gujarati News from Iam Gujarat, TIL Network
[ad_2]
Source link
Leave a Reply