lost 45 lakh for buying a mercedes car: 20 લાખ ડિસ્કાઉન્ટમાં મર્સિડિઝ કાર લેવાની લ્હાયમાં વેપારીએ 45 લાખ ગુમાવ્યા – trader lost 45 lakh for buying a mercedes car at discount of rs 20 lakh

[ad_1]

Manishkumar Kapadia | I am Gujarat | Updated: Nov 26, 2021, 10:53 PM

આરોપીએ કંપનીમાંથી મર્સિડીઝ કાર 20 લાખના ડિસ્કાઉન્ટમાં અપાવવાની વાત કરીને ફરિયાદ પાસેથી રૂપિયા 45 લાખ મેળવી લઈને છેતરપિંડી આચરી હતી

હાઈલાઈટ્સ:

કંપનીમાંથી જ સીધી કાર ડિસ્કાઉન્ટમાં અપાવવાનું કહીને વેપારીને 45 લાખનો ચૂનો ચોપડ્યો
આરોપી ફરિયાદી પાસેથી રૂપિયા 45 લાખ લઈ ગયો અને પછી ફોન ઉપાડવાનુ પણ બંધ કરી નાખ્યું
આખરે ફરિયાદીએ અમદાવાદ ક્રાઈમ બ્રાંચમાં છેતરપિંડની ફરિયાદ નોંધાવી, પોલીસે તપાસ હાથ ધરી

અમદાવાદઃ કહેવાય છે કે, જ્યાં લોભિયો હોય ત્યાં ધૂતારો ભૂખ્યો ન મરે. ધૂતારાઓ આવો લોભિયાને શોધતા રહેતા હોય છે અને પોતાનો શિકાર બનાવતા હોય છે. ત્યારે આવો જ એક છેતરપિંડીનો ભોગ અમદાવાદનો એક વેપારી બન્યો હોવાનો કિસ્સો સામે આવ્યો છે. અમદાવાદના એક વેપારીને 20 લાખ ડિસ્કાઉન્ટમાં મર્સિડિઝ કાર લેવી મોંઘી પડી ગઈ છે. જામનગરનો એક ઠગિયો કંપનીમાંથી જ સીધી કાર ડિસ્કાઉન્ટમાં અપાવવાનું કહીને વેપારીને 45 લાખનો ચૂનો ચોપડી ગયો હતો. આ મામલે અમદાવાદ સાઈબર ક્રાઈમ બ્રાંચમાં ફરિયાદ નોંધાતા પોલીસે ગુનો નોંધીને આગળની કાર્યવાહી હાથ ધરી છે.

જામનગરનો દિલીપસીંહ નામનો આ ગઠિયો વેપારીને રૂપિયા પણ પરત કરતો નથી કે મર્સિડિઝ પણ આપતો નથી. બનાવની વિગત આવી છે કે, અમદાવાદના શીલજ વિસ્તારમાં આવેલા આર્યમાન બંગલોઝમાં રહેતા ભગવત વિઠ્ઠલભાઈ શાહ મશીનરી બનાવવાની ફેક્ટરી ધરાવે છે. તેમને મોટાભાઈ રાજેશ શાહ સાથે મર્સિડિઝ કાર ખરીદવી હતી. જેથી તેઓએ તેમના વકીલ મિત્રને આ વાતની જાણ કરી હતી. એ દરમિયાન હાઈકોર્ટ વકીલના ગ્રૂપમાં એક મેસેજ આવ્યો હતો કે, 20 લાખ ડિસ્કાઉન્ટથી મર્સિડિઝ કાર મળશે. જેની ઓનલાઈન રોડ પ્રાઈસ વિશે પણ ઉલ્લેખ કરવામાં આવ્યો હતો.
બે ગર્લફ્રેન્ડ પર ઉડાડતો હતો લાખો, આ રીતે કરી 100થી વધુ લૂંટ
મિત્ર વિશાલભાઈ અને સૌરનીભાઈએ આ વાતની જાણ ભગવતભાઈને કરી હતી. બાદમાં તેઓએ જે નંબરથી મેસેજ આવ્યો હતો તેનો સંપર્ક કર્યો હતો. એ પછી કીર્તન રાવની મધ્યસ્થીથી જામનગરના દિલીપસિંહ જાડેજા ઉર્ફે દિલીપ ભારાણીનો સંપર્ક કર્યો હતો. આરોપી દિલીપસિંહે ભગવત શાહને મર્સિડીઝ કાર કંપનીમાંથી જ અપાવી દેવાની વાત કરી હતી. જેની ઓન રોડ પ્રાઈઝ 7 લાખ હતી. આ પ્રાઈઝમાં 20 લાખ ડિસ્કાઉન્ટ કરી આપવાનું કહીને કાર 56 લાખમાં અપાવવાનું કહ્યું હતુ. એ પછી કાર ખરીદવાની વાત ફાઈનલ થઈ હતી.
નાઈઝિરીયન નાગરિક પાસેથી 106 કરોડનો હેરોઈનનો જથ્થો જપ્ત, આ રીતે કરતો હતો ધંધો
આરોપી દિલીપસિંહે ભગવતસિંહ પાસેથી કારની ખરીદી પેટે રૂપિયા 45 લાખ રુપિયા મેળવી લીધા હતા. ત્યારબાદ ટૂંક સમયમાં કાર મળી જશે એવી ખાતરી આપી હતી. એ પછી ભગવત શાહે આરોપી દિલીપસિંહનો કાર માટે સતત સંપર્ક કર્યો હતો. જો કે, દિલીપસિંહે ભગવત શાહનો ફોન રિસીવ કરવાનું બંધ કરી દીધુ હતું. ત્યારબાદ ભગવત શાહને લાગ્યું હતું કે પોતે છેતરાયા છે. ત્યારબાદ ભગવત શાહે 45 લાખની છેતરપિંડીની ફરિયાદ અમદાવાદ ક્રાઈમ બ્રાંચમાં નોંધાવી હતી. આ મામલે ઈન્સપેક્ટર ગામેતીએ ગુનો નોંધીને આગળની કાર્યવાહી હાથ ધરી હતી.

વાવના રામકથાકારે મુખ્યમંત્રી ભૂપેન્દ્ર પટેલને આપી ખૂલ્લી ધમકી

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : trader lost 45 lakh for buying a mercedes car at discount of rs 20 lakh
Gujarati News from I Am Gujarat, TIL Network

[ad_2]

Source link