[ad_1]
Manishkumar Kapadia | I am Gujarat | Updated: Nov 20, 2021, 10:26 PM
પતિએ પત્નીને ફોન કરીને કહ્યું કે, પૂનમ હોવાથી દર્શન કરવા માટે ગીયોડ જવાનું છે, એટલે તે નોકરીમાંથી રાજા રાખે. પત્નીએ જવાબ આપ્યો કે નોકરીમાંથી રજા મળી શકે એમ નથી. પછી આખો વિવાદ શરૂ થયો
હાઈલાઈટ્સ:
- કુબેરનગર વિસ્તારમાં રહેતી મહિલા પાલડી ખાતે બ્યૂટીપાર્લરમાં નોકરી કરે છે
- પૂનમના દિવસે દર્શન કરવા જવાનું હોવાથી પતિએ ફોન કરીને રજા રાખવા કહ્યું હતું
- નોકરીમાંથી રજા મળી શકે એમ ન હોવાનું પત્નીએ કહેતા પતિ ઉશ્કેરાઈ ગયો હતો
બનાવની વિગત એવી છે કે, અમદાવાદના કુબેરનગર વિસ્તારમાં 25 વર્ષીય સોનિયા તેના પતિ રાજેશ ગજરા, બાળકો અને સાસુ-સસરા સાથે રહે છે. સોનિયા પરિવારને આર્થિક ટેકો કરવા માટે એક બ્યૂટી પાર્લરમાં નોકરી કરે છે. સોનિયા પાલડી વિસ્તારમાં આવેલા ઈનોસ્કટ બ્યૂટી પાર્લરમાં છેલ્લાં દોઢ મહિનાથી નોકરી કરે છે. જેથી તે પરિવારને આર્થિક રીતે મદદ કરી શકે. ગઈ 19 નવેમ્બરના રોજ સોનિયાના પતિ રાજેશે તેને ફોન કર્યો હતો. રાજેશે ફોન કરીને સોનિયાને કહ્યું કે, પૂનમ હોવાથી ગીયોડ ખાતે દર્શન કરવા જવાનું છે. એટલે તે નોકરી પરથી રજા લઈ લે. 
સુરત પોલીસે દારુની જે બોટલો પર ‘બુલડોઝર’ ફેરવ્યું તે જેલમાંથી સહીસલામત મળી!
ત્યારે સોનિયાએ પતિ રાજેશને જણાવ્યું કે, નોકરી પરથી રજા મળી શકે એમ નથી. પછી વાત આટલે અટકી ગઈ હતી. બાદમાં પતિ-પત્ની ઘરે આવ્યા હતા. ત્યારે નોકરીમાંથી રજા લેવાની બાબતમાં બંને વચ્ચે બોલાચાલી થઈ હતી. આ બોલાચાલીએ ઉગ્ર રૂપ લીધુ હતુ. ઉગ્ર બોલાચાલી બાદ પતિ રાજેશ ઉશ્કેરાઈ ગયો હતો અને તેણે પત્ની સોનિયા સાથે માથાકૂટ કરી હતી. જે બાદ ઉશ્કેરાઈ ગયેલા રાજેશે સોનિયાને અપશબ્દો પણ કહ્યા હતા. જેથી સોનિયાએ અપશબ્દો ન બોલવા માટે તેને કહ્યું હતું. 
વડોદરા ગેંગ રેપમાં નવો ખુલાસોઃ યુવતીએ મેસેજમાં કહ્યું હતું, મારૂ કિડનેપ થયું છે, મને મારી નાખશે, પ્લીઝ બચાવી લો
આ દરમિયાન પતિ રાજેશ ભાન ભૂલી ગયો અને લાકડી લઈને આવ્યો. બાદમાં રાજેશે લાકડીથી સોનિયાને સખત માર માર્યો હતો. સખત માર મારતા સોનિયાને ભારે ઈજાઓ પહોંચી હતી. આ દરમિયાન પતિ રાજેશ ત્યાંથી ફરાર થઈ ગયો હતો. સોનિયા ઈજાગ્રસ્ત થતા 108ને જાણ કરવામાં આવી હતી. થોડી વારમાં 108 પહોંચી હતી અને સોનિયાને સારવાર માટે સિવિલ હોસ્પિટલ ખસેડવામાં આવી હતી. બાદમાં ઘટનાની જાણ પોલીસને થઈ હતી. જે બાદ પોલીસ પહોંચી હતી. પોલીસે ઈજાગ્રસ્ત સોનિયાનું નિવેદન નોંધ્યું હતું. સોનિયાએ આ મામલે સરદાર નગર પોલીસ સ્ટેશનમાં ફરિયાદ નોંધાવી હતી. જે બાદ પોલીસે ગુનો નોંધીને આગળની કાર્યવાહી હાથ ધરી હતી.
Video: બાઈક સ્લીપ થતાં રોડ પર પટકાયેલા યુવક પર ટ્રક ફરી વળતાં મોત
આસપાસના શહેરોના સમાચાર
Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ
Gujarati News from Iam Gujarat, TIL Network
[ad_2]
Source link
Leave a Reply