[ad_1]
હાઈલાઈટ્સ:
- પરિણીત પુરુષની લાલચમાં આવી દીકરી ભાગી ગઈ હોવાનો પિતાનો આક્ષેપ
- પરિણીત હોવા છતાં અગાઉ પણ કેટલીક છોકરીઓ સાથે ભાગી ગયો હતો શખ્સ
- સોશિયલ મીડિયા પર શેર કરેલી તસવીરોના આધારે છોકરીને શોધવાનો આદેશ
પરિણીત પુરુષ સાથે ભાગી ગયેલી છોકરીના પિતાએ વકીલ નીરવ સંઘવી મારફત હેબિયસ કોર્પસ પિટિશન દાખલ કરીને ગુજરાત હાઈકોર્ટનો દરવાજો ખખડાવ્યો હતો.
કોરોનાના કેસ વધ્યા: શું સ્કૂલો ફરીથી બંધ કરવી જોઈએ? શિક્ષણ વિભાગે માગ્યો વાલીઓનો અભિપ્રાય
અરજદારે ફરિયાદ કરી હતી કે, તેમની દીકરી પુખ્ત છે. જો કે તે વ્યક્તિ દ્વારા આપવામાં આવેલી લાલચમાં ફસાઈ ગઈ, જે પહેલાથી જ પરિણીત છે અને તેનો તેની પત્ની સાથે વિવાદ પણ ચાલી રહ્યો છે. તેમણે કોર્ટ સમક્ષ તે વ્યક્તિનો ઈતિહાસ પણ મૂક્યો હતો. જેમાં દર્શાવાયું હતું કે, તે પત્ની સાથે લગ્ન યથાવત્ હોવા છતાં તે અગાઉ પણ કેટલીક છોકરીઓ સાથે ભાગી ગયો હતો. અરજદારે કોર્ટ સમક્ષ રજૂઆત કરતાં કહ્યું હતું કે, તેઓ તેમની દીકરીના ભવિષ્યને લઈને ચિંતિત છે.
હાઈકોર્ટે અરજીની નોંધ લીધી હતી અને રાજકોટ પોલીસ પાસે જવાબ માગ્યો હતો. કોર્ટ સમક્ષ મૂકવામાં આવેલા રિપોર્ટમાં ખુલાસો થયો હતો કે, કપલ સોશિયલ મીડિયા પર તેમની તસવીરો શેર કરી રહ્યું છે.
દસ્તાવેજોની પ્રમાણિત નકલ મેળવવા માટેના ધક્કામાંથી મુક્તિ, પરંતુ ચૂકવવી પડશે બમણી ફી
અરજદારે એફિડેવિટ દાખલ કરી હતી અને ફરિયાદ કરી હતી કે, કપલ દ્વારા શેર કરવામાં આવેલી તસવીરો સ્પષ્ટપણે તેમના લોકેશનને પ્રતિબિંબિત કરે છે. પરંતુ પોલીસે તેમને શોધી કાઢવાની તસ્દી લીધી નથી.
આ રજૂઆતના કારણે હાઈકોર્ટે રાજકોટના ડેપ્યુટી પોલીસ કમિશનરને (પૂર્વ ડિવિઝન) કપલને હજી સુધી કેમ શોધી શકાયું નથી તે પૂછવા માટે બોલાવ્યા હતા. જો કે, ડીસીપી વિવિધ કારણોસર બે વખત કોર્ટમાં હાજર રહ્યા નહોતા. તેથી કોર્ટે નારાજગી વ્યક્તિ કરી હતી અને આગામી સુનાવણીમાં જો ગેરહાજર રહ્યા હતા જામીનપાત્ર વોરંટ જાહેર કરવામાં આવશે તેવી પોલીસ અધિકારીને ચેતવણી આપી હતી. શુક્રવારે સુનાવણી થઈ ત્યારે ડીસીપી હાજર રહ્યા હતા, જેમાં કોર્ટ દ્વારા છોકરીને શોધી કાઢવા અને તેને રજૂ કરવા માટેના પ્રયાસોને ઝડપી બનાવવાનો આદેશ આપવામાં આવ્યો હતો.
[ad_2]
Source link
Leave a Reply