gautam adani: મુકેશ અંબાણીને પાછળ છોડી ગૌતમ અદાણી બન્યા એશિયાની સૌથી અમીર વ્યક્તિ – gautam adani becomes asia’s richest person, surpasses mukesh ambani

[ad_1]

હાઈલાઈટ્સ:

ગ્રુપ માર્કેટ કેપના આધારે મુકેશ અંબાણીને પાછળ છોડી ગૌતમ અદાણી એશિયાની સૌથી અમીર વ્યક્તિ બન્યા.
મુકેશ અંબાણી જૂન 2015થી એશિયાના સૌથી અમીર ભારતીયના પદ પર હતા.
રિપોર્ટ મુજબ, ગત 20 મહિનામાં ગૌતમ અદાણીની કુલ સંપત્તિમાં 1808 ટકા એટલે કે 8389 કરોડ યુએસ ડોલરથી વધુનો વધારો થયો છે.

મુંબઈ: અદાણી ગ્રુપના ચેરમેન ગૌતમ અદાણી રિલાયન્સ ઈન્ડસ્ટ્રીઝના ચેરમેન મુકેશ અંબાણીને પાછળ છોડી એશિયાની સૌથી અમીર વ્યક્તિ બની ગયા છે. તેઓ ગ્રુપ માર્કેટ કેપના આધારે મુકેશ અંબાણીને પાછળ છોડતાં સૌથી અમીર વ્યક્તિ બની ગયા છે.

રિલાયન્સ ઈન્ડસ્ટ્રીઝના ચેરમેન મુકેશ અંબાણી જૂન 2015થી સૌથી અમીર ભારતીયના પદ પર હતા. બુધવારે શેરબજારમાં અદાણી ગ્રુપના શેર્સમાં શાનદાર તેજી અને રિલાયન્સ ઈન્ડસ્ટ્રીઝના શેરમાં ઘટાડાને પગલે ગૌતમ અદાણી એશિયાના નંબર વન અમીર બની ગયા છે.
નોએલ ટાટાએ ટાટા ગ્રુપમાં છોડ્યા તમામ એક્ઝિક્યુટિવ રોલ, ઉદાહરણરૂપ છે આ પરંપરા
બ્લૂમબર્ગ બિલિયનેયર્સ ઈન્ડેક્સ મુજબ, મંગળવાર (23 નવેમ્બર) સુધી મુકેશ અંબાણીની કુલ સંપત્તિ 9100 કરોડ ડોલર હતી, જ્યારે અદાણીની કુલ સંપત્તિ 8880 કરોડ ડોલર હતી, જે અંબાણી કરતા 2.4 ટકા ઓછી હતી. જોકે, બુધવારે આરઆઈએલના શેર્સમાં 1.72 ટકાનો ઘટાડો આવ્યો, જ્યારે અદાણી ગ્રુપની મોટાભાગની કંપનીઓના શેરમાં તેજી આવી, જેથી ગૌતમ અદાણી ટોચ પર પહોંચી ગયા.

અદાણી એન્ટરપ્રાઈઝીસના શેરમાં 2.34 ટકા, અદાણી પોર્ટસ અને સ્પેશયલ ઈકોનોમિક ઝોનના શેર્સમાં 4 ટકાની તેજી આવી. આજના વધારા સાથે આ બંને કંપનીઓનું માર્કેટ કેપ લગભગ 3.5 લાખ કરોડ રૂપિયા છે.
મોટાભાગની ક્રિપ્ટોકરન્સી આવનારા સમયમાં અદ્રશ્ય થઈ જશે: રઘુરામ રાજન
રિપોર્ટ મુજબ, ગત 20 મહિનામાં ગૌતમ અદાણીની કુલ સંપત્તિમાં 1808 ટકા એટલે કે 8389 કરોડ યુએસ ડોલરથી વધુનો વધારો થયો છે. આ ગાળામાં મુકેશ અંબાણીની કુલ સંપત્તિમાં 250 ટકા એટલે કે 54.7 અબજ ડોલરનો વધારો થયો.