Gandhinagar police: આ કેવી દારુબંધી? ગુજરાતના પાટનગર ગાંધીનગરમાં જ જાહેરમાં દારુ વેચતા બે પકડાયા – two caught for selling liquor openly in state capital gandhinagar

[ad_1]

Mitesh Purohit | I am Gujarat | Updated: Nov 22, 2021, 8:05 AM

ગાંધીનગર પોલીસે રાજ્યના પાટનગર વિસ્તારમાં વાવોલ રોડ પર જાહેરમાં દારુનું વેચાણ કરતાં બે યુવાનોની ધરપકડ કરી હતી. તેમની પાસેથી 18 દારુની બોટલો મળી આવી હતી.

હાઈલાઈટ્સ:

અડાલજ પોલીસ સ્ટેશનમાં નોંધાયેલી ફરિયાદ મુજબ આરોપીઓ પાસેથી સ્થળ પર રુ.9 હાજરની કિંમતનો દારુ મળ્યો હતો.
આરોપીઓ વાવોલ ઉવરસાદ રોડ પર રેઇનબો હોટેલ પાછળના મેદાનમાં બિંદાસ્તપણે દારુ વેચતા હતા.
આ દારુની બોટલો હરિયાણાથી લાવવામાં આવી છે ત્યારે કઈ રીતે ગુજરાત પહોંચી તે અંગે પણ પોલીસ તપાસ કરશે.

અમદાવાદ: ગાંધીનગર પોલીસે શનિવારે રાજ્યના પાટનગર વિસ્તારમાં ઉવરસાદ-વાવોલ રોડ પર જાહેરમાં દારૂનું વેચાણ કરતા ઉવરસાદ ગામના બે શખ્સોને પકડી પાડ્યા હતા. અડાલજ પોલીસે બંને આરોપીઓ પાસેથી રૂ.9 હજારની કિંમતની 18 દારૂની બોટલો કબજે કરી હતી.
સાપ્તાહિક લવ રાશિફળઃ નવેમ્બરનું છેલ્લું સપ્તાહ પ્રેમ મામલે 4 રાશિ માટે રહેશે વધુ રોમાન્ટિક
અડાલજ પોલીસમાં નોંધાયેલી એફઆઈઆર મુજબ, પોલીસને ઈનપુટ મળ્યા હતા કે વાવોલ-ઉવરસાદ રોડ પર રેઈનબો હોટલની પાછળના મેદાન પાસે બે વ્યક્તિઓ દારૂનું વેચાણ કરી રહ્યા છે. અડાલજ પોલીસ ઘટનાસ્થળે દોડી ગઈ હતી અને ઉવરસાદના લીલીવાડી વિસ્તાર પાસેના રાવલવાસના રહેવાસી મેહુલ રાવલ (21) અને અજય રાવલ (20) નામના બે વ્યક્તિઓને પકડી લીધા હતા. તેમની તલાશી લેતા પોલીસને બે પ્લાસ્ટિકની થેલીઓ મળી આવી હતી જેમાંથી તેમને 18 દારૂની બોટલો મળી આવી હતી જે તેમણે પોતાની પાસે દારૂ રાખવાની કોઈ પાસ અથવા પરમિટ વગર ગેરકાયદેસર રીતે રાખી હતી. બંને આરોપીઓએ પોલીસને જણાવ્યું કે તેઓ ઉવરસાદના ઘંટવાસમાં રહેતા વોન્ટેડ આરોપી અરવિંદજી ઠાકોર માટે કામ કરતાં હતા અને દારુ વેચવાનો પ્રયાસ કરી રહ્યા હતા.
સુરતમાં બિલ્ડરે લગ્નનું વચન આપી અનેકવાર હવસ સંતોષી, અંતે પોલ ખુલી પડતા ફસાયો
આ દારૂની બોટલો હરિયાણામાંથી સ્મગલિંગ કરવામાં આવી હતી. ત્યારે અન્ય રાજ્યોમાંથી કોણે દારૂની દાણચોરી કરી હતી તે અંગે પોલીસે તપાસ શરૂ કરી છે. પોલીસે ત્રણેય આરોપીઓ સામે પ્રોહિબિશન એક્ટ હેઠળ ગુનો દાખલ કરીને કેસની તપાસ શરૂ કરી છે. મહત્વનું છે કે ગાંધીના ગુજરાતમાં દારુબંધી માત્ર એક રુપકડો શબ્દ રહી ગયો છે. છાંટોપાણીના શોખીનો જાણે જ છે કે શહેરમાં તેમને ક્યાં અને કેવી રીતે જોઈએ તે બ્રાન્ડ મળી રહેશે. આ પહેલા હાલમાં જ ગાંધીનગરના ઇન્ફોસિટી વિસ્તારમાં પોલીસે કોબા સર્કલ પાસે એક્ટિવા પર જઈ રહેલા ત્રણ શંકાસ્પદ હિલચાલ ધરાવતા યુવકોને અટકાવીને તપાસ કરતાં તેમની પાસેથી 8 બિયરના કેન અને 1 દારુની બોટલ મળી આવી હતી. તેમજ ત્રણ પૈકી એક વ્યક્તિ પાસેથી સેમસંગનો ફોલ્ડ-3 ફોન જેની કિંમત અંદાજીત 1 લાખની આસપાસ છે જે મળી આવતાં પોલીસ ચોંકી ઉઠી હતી.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : two caught for selling liquor openly in state capital gandhinagar
Gujarati News from Iam Gujarat, TIL Network

[ad_2]

Source link