double murder case: બ્લાઉઝના લેબલના આધારે અરવલ્લી પોલીસે ઉકેલ્યો ડબલ મર્ડરનો ગુનો – aravalli police arrested two accused over woman murder case by blouse label

[ad_1]

Harshal Makwana | I am Gujarat | Updated: Nov 28, 2021, 6:09 PM

અરવલ્લીમાં મહિલા અને તેના પુત્રની હત્યાનો ભેદ પોલીસે ઉકેલી દીધો છે. મહિલના બ્લાઉઝના આધારે પોલીસ બે હત્યારાઓ સુધી પહોંચી હતી. આ હત્યારો મહિલાનો પ્રેમી જ હતો.

હાઈલાઈટ્સ:

અરવલ્લીમાં મહિલા અને તેના પુત્રની કરપીણ હત્યા
મહિલાના બ્લાઉઝના લેબલના આધારે પોલીસે 2 આરોપીઓને ઝડપ્યા
મહિલાનો પ્રેમી જ તેનો હત્યારો નીકળ્યો

અરવલ્લી પોલીસ દ્વારા ડબલ મર્ડરની મિસ્ટ્રી ઉકેલી નાખીને બે લોકોની ધરપકડ કરી લીધી છે. અરવલ્લીના બાયડ તાલુકાના ખારી ગામે 50 વર્ષીય મહિલા અને તેના 12 વર્ષના પુત્રની હત્યા કરાયેલી લાશ મળી આવી હતી. અને શનિવારે મહિલાના બ્લાઉઝના લેબલ પરથી પોલીસે હત્યારાઓને ઝડપી પાડીને જેલના સળિયા પાછળ ધકેલી દીધા છે. ચોંકાવનારી વાત એ છે કે, મહિલાનો હત્યારો અન્ય કોઈ નહીં પણ તેનો પ્રેમી હતો. હાલ પોલીસે પ્રેમીની ધરપકડ કરીને આગળની કાર્યવાહી હાથ ધરી છે.

બ્લાઉઝ પરથી પોલીસે મહિલાની ઓળખ કરી

તાપી જિલ્લાના મોટી ખોરવણ ગામના જમના ગામિત અને તેમના પુત્ર આલોક ગામિતની મંગળવારે હત્યા કરવામાં આવી હતી. અને તેઓની લાશ અરવલ્લી જિલ્લાના હાથીપુરાના ખારી ગામ પાસેથી મળી આવી હતી. મહિલા અને તેના પુત્રના બે હત્યારાઓમાંથી એક હત્યારો મહિલા જમનાનો પ્રેમી સુરેશ રાઘવ મેર હતો, અને બીજો તેનો મિત્ર હતો. બંને જણા જૂનાગઢના મેવાસા જિલ્લાના રહેવાસી છે. પોલીસના જણાવ્યા અનુસાર, મહિલા તેના પતિથી જૂદી થઈ ગઈ હતી અને પુત્રની સાથે તે પોતાના પ્રેમી સાથે રહેતી હતી.
શામળાજીના PSIને ગાડી નીચે કચડી મારવાના કેસમાં આરોપીઓ નિર્દોષ છૂટ્યા
જમનાના મોબાઈલ ફોનની તપાસ બાદ મહિલાના પ્રેમી અંગે જાણ થઈ

પોલીસે જણાવ્યું હતું કે, આરોપીઓ પાસેથી 3 લાખ રૂપિયા રોકડા અને 59 હજારના દાગીના જપ્ત કરવામાં આવ્યા છે, કે જે હત્યારાઓએ મહિલાની હત્યા કર્યાં બાદ લૂંટ્યા હતા. શરૂઆતમાં અમને હત્યારાઓ અંગે કોઈ મહત્વની કડી મળી ન હતી, અને આ કેસ એક કોયડા સમાન હતો. જો કે, મહિલાના બ્લાઉઝ પરના લેબલે અમને હત્યારાઓ સુધી પહોંચાડ્યા હતા. મહિલાના બ્લાઉઝના લેબલ પરથી જાણવા મળ્યું હતું કે, મહિલા તાપી જિલ્લાના મોટી કોરવાણા જિલ્લાની હતી. અને ત્યાં તપાસ કર્યાં બાદ જાણવા મળ્યું હતું કે, જમના મેર સાથે રિલેશનશિપમાં હતી. અને જમનાના મોબાઈલ ફોનની તપાસ બાદ આ માહિતી સામે આવી હતી.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : aravalli police arrested two accused over woman murder case by blouse label
Gujarati News from I Am Gujarat, TIL Network

[ad_2]

Source link