data patterns india: Data Patterns Listing: ડેટા પેટર્ન્સનો ધમાકેદાર દેખાવઃ 48 ટકા પ્રીમિયમે લિસ્ટિંગ – data-patterns-shares-list-at-strong-premium-on-stock-market

[ad_1]

હાઈલાઈટ્સ:

  • બીએસઈ પર શેર રૂ. 864ના ભાવે લિસ્ટ થયો, એનએસઈ પર ડેટા પેટર્ન્સ રૂ. 856.05ના ભાવે ખુલ્યો
  • લિસ્ટિંગના એક દિવસ અગાઉ ગ્રે માર્કેટમાં રૂ.320થી 325 પ્રતિ શેરના પ્રીમિયમે સોદા થતા હતા
  • આઇપીઓ દરમિયાન કંપનીએ રૂ.555થી 585 પ્રતિ શેરના ભાવે વેચાણ કરીને રૂ. 588.22 કરોડ એકઠા કર્યા હતા

ડેટા પેટર્ન્સ (ઇન્ડિયા)ના (Data Patterns India) શેરે આજે બજારમાં જોરદાર દેખાવ કર્યો હતો. ડિફેન્સ સેક્ટરની આ કંપનીનું દલાલ સ્ટ્રીટ પર લગભગ 48 ટકા પ્રીમિયમે લિસ્ટિંગ થયું હતું. BSE પર આ શેર રૂ. 864 પર લિસ્ટ થયો હતો જ્યારે નેશનલ સ્ટોક એક્સ્ચેન્જ (NSE) પર ડેટા પેટર્ન્સ રૂ. 856.05ના ભાવે ખુલ્યો હતો.

શેરબજારમાં લિસ્ટિંગના એક દિવસ અગાઉ ગ્રે માર્કેટમાં રૂ.320થી 325 પ્રતિ શેરના પ્રીમિયમે સોદા થતા હતા. તેના પરથી મજબૂત લિસ્ટિંગનો અંદાજ મળી ગયો હતો.

ડેટા પેટર્ન્સનો આઇપીઓ 14થી 16 ડિસેમ્બર દરમિયાન ખુલ્લો હતો. કંપનીએ રૂ.555થી 585 પ્રતિ શેરના ભાવે વેચાણ કરીને રૂ. 588.22 કરોડ એકઠા કર્યા હતા.

રોકાણકારો તરફથી આ ઇશ્યૂને જોરદાર રિસ્પોન્સ મળ્યો હતો અને તે 120 ગણો છલકાયો હતો. સંસ્થાકીય બિડર્સનો ક્વોટા 191 ગણો ભરાયો હતો જ્યારે એચએનઆઈનો હિસ્સો 254 ગણો ભરાયો હતો. રિટેલ હિસ્સો પણ 23 ગણો છલકાયો હતો.

ડેટા પેટર્ન્સ એ ડિફેન્સ અને એરોસ્પેસ ઇલેક્ટ્રોનિક્સ સોલ્યુશન પ્રોવાઈડર છે તથા ડિફેન્સ ઇલેક્ટ્રોનિક્સ અને સિસ્ટમ્સમાં મજબૂત સ્પર્ધાત્મક ક્ષમતા ધરાવે છે. તેના પાસે મોટા પ્રોજેક્ટની એક મજબૂત પાઈપલાઈન છે જેના કારણે તેના અર્નિંગ્સને ટેકો મળશે.

ચેન્નાઈ સ્થિત કંપની સ્પેસ, એર, જમીન અને સમુદ્ર સહિતના ક્ષેત્રોમાં પ્રોડક્ટ ઓફર કરે છે.

ડેટા પેટર્ન્સએ નાણાકીય વર્ષ 2020 અને 2021 વચ્ચે તેના ચોખ્ખા નફામાં 164 ટકાનો વધારો કર્યો હતો. તે ડિફેન્સ અને એરોસ્પેસ ઇલેક્ટ્રોનિક્સ સેક્ટરમાં ભારતની સૌથી વધુ ઝડપથી વૃદ્ધિ કરતી કંપની છે. તેનું માર્જિન અને રિટર્ન રેશિયો ઘણો સારો છે.

કંપનીની ઓર્ડર બૂક નાણાકીય વર્ષ 2018માં 40 ટકાના સીએજીઆર દરે વધી હતી. કંપનીએ નાણાકીય વર્ષ 2022ના પ્રથમ છ મહિનામાં 31 ટકાના સીએજીઆર દરે રેવન્યુ ગ્રોથ નોંધાવ્યો હતો. જ્યારે તેનો પ્રોફીટ ગ્રોથ 169 ટકા હતો. કંપનીના ઓપરેટિંગ પ્રોફીટમાં 90 ટકાના દરે વૃદ્ધિ થઈ હતી.

ડિફેન્સ સેક્ટરની આ સર્વિસ પ્રોવાઈડર કંપની માટે એનાલિસ્ટ્સ પહેલેથી બુલિશ હતા.

ડેટા પેટર્ન્સના પબ્લિક ઇશ્યૂમાં રૂ. 240 કરોડના નવા શેર અને પ્રમોટર્સ તથા શેરહોલ્ડર્સ દ્વારા 59.52 લાખ ઇક્વિટી શેરની ઓફર ફોર સેલ (ઓએફએસ)નો સમાવેશ થતો હતો. ડેટા પેટર્ન્સે આ ઇશ્યૂ અગાઉ એન્કર રોકાણકારો પાસેથી રૂ. 176 કરોડ એકઠા કર્યા હતા.

20થી વધુ સેક્ટર્સની એક્સક્લુઝિવ અને ઊંડાણપૂર્વકની માહિતી મેળવવા માટે વાંચો ઈકોનોમિક ટાઈમ્સ. સબસ્ક્રાઈબ કરવા માટે ક્લિક કરો.

[ad_2]

Source link

Leave a Reply

Your email address will not be published. Required fields are marked *