CEAT Share Price: ટાયર બનાવતી કંપનીનો સ્ટોક 40 ટકા તૂટ્યો છે, શું હાલ તેમાં ખરીદી કરાય? – ceat share down 40 percent from 52-week high should you buy or not

[ad_1]

હાઈલાઈટ્સ:

ટાયરની કંપનીઓના શેર્સ શા માટે નીચે ગયા છે તેની પાછળ કેટલાક કારણો જવાબદાર માનવામાં આવી રહ્યા છે
વધતા ખર્ચ અને ઓછી માંગના કારણે ટુ-વ્હીલર અને થ્રી-વ્હીલર સેગમેન્ટને ખરાબ રીતે અસર કરી હોવાનું જણાય છે
ફેબ્રુઆરીમાં CEATનો શેર 52 સપ્તાહની સર્વોચ્ચ સપાટી પર હતો પરંતુ ત્યારથી તે અત્યાર સુધીમાં 40 ટકા જેટલો તૂટ્યો છે.

ચક્રની શોધ માનવજાતે કરેલી કેટલીક મહાન શોધોમાં સામેલ છે. ચક્રના કારણે માનવ સભ્યતાને વેગ અને ઝડપ મળી. પરંતુ દલાલ સ્ટ્રીટમાં ટાયર બનાવતી કંપનીઓ રોકાણકારોના પોર્ટફોલિયોને ગતિ સિવાય બધુ જ આપી રહ્યા છે. ટાયર બનાવતી કંપનીઓના શેર્સ નીચે જઈ રહ્યા છે. ટાયર મેકર્સના ભાવ 52 સપ્તાહના હાઈ લેવલથી 20-60 ટકા નીચે ગયા છે.

ટાયરની કંપનીઓના શેર્સ શા માટે નીચે ગયા છે તેની પાછળ કેટલાક કારણો જવાબદાર માનવામાં આવી રહ્યા છે. ઈલેક્ટ્રિક વ્હીકલ્સના કારણે સંભવિત સ્ટ્રક્ચરલ ફેરફારો, કાચા માલાની કિંમતોમાં વધારો, વ્હીકલ ઓનરશિપની કોસ્ટમાં વધારો, સેમિકન્ડક્ટરની તંગીના કારણે ઉત્પાદનમાં ઘટાડો, આવી બધા પડકારો આ કંપનીઓ સામે છે.

વેન્ચ્યુરા સિક્યુરિટીઝના એનાલિસ્ટે જણાવ્યું હતું કે, ટાયર બનાવતી તમામ કંપનીઓ આવા પડકારોનો સામનો કરી રહી નથી. વધતા ખર્ચ અને ઓછી માંગના કારણે ટુ-વ્હીલર અને થ્રી-વ્હીલર સેગમેન્ટને ખરાબ રીતે અસર કરી હોવાનું જણાય છે.
Bajaj Finance કે HDFC બેંક? કયો શેર આપી શકે છે વધારે સારું વળતર?સીએટ (CEAT) ટાયર્સ કંપનીના શેરની કિંમતમાં ભારે ઘટાડો જોવા મળ્યો છે. સીએટ પોતાની કુલ રેવન્યુમાંથી 30 ટકા બસો અને ટ્રકો માટે ટાયર વેચીને મેળવે છે અને તેવી જ રીતે ટુ-વ્હીલર અને થ્રી-વ્હીલર સેગ્મેન્ટનું છે. આ સિવાયની તેની બાકીની રેવન્યુ પેસેન્જર્સ વ્હીકલ્સ, ખેતી, અને લાઈટ કોમર્શિયલ વ્હીકલ્સમાંથી આવે છે. તેના પોર્ટફોલિયોની વિવિધતા તેના માટે ઈન્સ્યોરન્સનું કામ કરે છે કેમ કે કોઈ પણ સેગ્મેન્ટમાં મંદી આવે તો પણ તેની આવકમાં બહુ મોટો ફટકો પડતો નથી.

તેમ છતાં હાલમાં તેના શેરની કિંમતમાં ઘટાડો જોવા મળી રહ્યો છે. ફેબ્રુઆરીમાં તેનો શેર 52 સપ્તાહની સર્વોચ્ચ સપાટી પર હતો પરંતુ ત્યારથી તે અત્યાર સુધીમાં 40 ટકા જેટલો તૂટ્યો છે.

ઈલેક્ટ્રિક વ્હીકલ્સમાં રહી છે મોટી તક
આજે ટાયર બનાવતી કોઈ પણ કંપની માટે સૌથી મોટી તક અને પડકાર ઈલેક્ટ્રિક વ્હીકલ્સ (ઈવી) માર્કેટ છે. ઈલેક્ટ્રિક વ્હીકલ્સમાં પેટ્રોલ અને ડિઝલ વ્હીકલ્સમાં ઉપયોગમાં લેવામાં આવતા કરતા વધારે હેવી ટાયરની જરૂર હોય છે. ઈલેક્ટ્રિક વ્હીકલ્સ અવાજ કરતા નથી અને તેથી જ તેના ટાયર પણ નોઈસલેસ હોય તે જરૂરી છે.
Data Patterns listing: જેમને શેર નથી લાગ્યા તેમણે નવી ખરીદી ક્યારે કરવી?કંપનીને ટ્રેક કરનારા એનાલિસ્ટ્સનું કહેવું છે કે સીએટ ટુ-વ્હીલર અને ઈલેક્ટ્રિક વ્હીકલ્સના માર્કેટના 50 ટકા હિસ્સો ધરાવે છે અને જેમ જેમ ઈલેક્ટ્રિક વ્હીકલ્સનું માર્કેટ આગળ વધી રહ્યું છે તેમ તેમ તે પોતાનો આ પોર્ટફોલિયો પણ વિકસાવી રહી છે. વેન્ચ્યુરા સિક્યુરિટીઝે જણાવ્યું હતું કે, કંપની આગામી બે વર્ષમાં કુલ આવકની ટકાવારી તરીકે EVની આવક 10 ટકાથી ઓછી રહેવાની અપેક્ષા રાખે છે. પરંતુ થોડા લાંબા સમયની દ્રષ્ટી રાખવામાં આવે તો, કહો કે 5 વર્ષ, CEATનું મેનેજમેન્ટ કંપનીની આવકના 30-40 ટકા EVs બનાવવાની અપેક્ષા રાખે છે.

જેએમ ફાઈનાન્સિયલના નીતિન અગ્રવાલે જણાવ્યું હતું કે, અમારું વિશ્લેષણ સૂચવે છે કે સ્વસ્થ માર્જિન જાળવવા માટે, ટાયર કંપનીઓએ રિપ્લેસમેન્ટ સેગમેન્ટમાં ભાવમાં 3-5 ટકાનો વધારો કરવો પડશે. તેઓ અપેક્ષા રાખે છે કે H1FY23 સુધીમાં માર્જિન ટકાઉ સ્તરે પાછું રિકવર થશે કારણ કે રિપ્લેસમેન્ટ માર્કેટમાં મજબૂત અન્ડરલાઈંગ ડિમાન્ડ ટાયર કંપનીઓને આગામી મહિનાઓમાં જરૂરી કિંમતમાં વધારો કરવા માટે ટેકો આપે તેવી શક્યતા છે.

[ad_2]

Source link