boy died in metro project work: સુરત મેટ્રો પ્રોજેક્ટમાં ગંભીર બેદરકારી, લોખંડનો પિલર પડવાને કારણે 15 વર્ષના માસૂમનું મોત – 15 year old boy dies due to falling iron pillar in surat metro project

[ad_1]

હાઈલાઈટ્સ:

  • સુરતના કાદરશાની નાળ ખાતે મેટ્રો પ્રોજેક્ટની કામગીરીમાં ગંભીર બેદરકારી
  • મિત્રો સાથે રમવા આવેલાં 15 વર્ષીય માસૂમનું લોખંડનો પિલર પડતાં મોત
  • પુત્રના મોતની ખબર સાંભળી માતા-પિતા બેભાન થઈ ગયા

સુરતમાં મેટ્રો પ્રોજેક્ટને લઈને પૂરજોશમાં કામ ચાલી રહ્યું છે. પણ આ વચ્ચે કાદરશાની નાળ ખાતે મેટ્રો પ્રોજેક્ટની કામગીરી દરમિયાન ગંભીર દુર્ઘટના સર્જાઈ છે. મિત્રો સાથે રમવા આવેલાં 15 વર્ષના માસૂમ ઉપર લોખંડનો પિલર પડી જવાને કારણે તેનું ઘટનાસ્થળે જ મોત નિપજ્યું હતું. પુત્રના મોતની ખબર સાંભળીને માતા-પિતા બેભાન થઈ ગયા હતા. સ્થાનિકોએ મેટ્રો પ્રોજેક્ટની ગંભીર બેદરકારી સામે રોષ વ્યક્ત કર્યો હતો. જ્યારે અખ્તરના સંબંધીએ હવે મેટ્રો પ્રોજેક્ટનું કામ નહીં થવા દઈએ તેવી ચીમકી ઉચ્ચારી હતી.

મિત્રો સાથે મેટ્રો પ્રોજેક્ટ પર રમવા ગયો, લોખંડનો પિલર પડતાં મોત

સુરતના કાદરશાની નાળ વિસ્તારમાં રહેતો 15 વર્ષીય અખ્તર અફસર શેખ 3 ભાઈઓ અને બહેનોમાં સૌથી નાનો હતો. તેના પિતા સોફા બનાવતી દુકાનમાં મજૂરી કામ કરે છે. ત્યારે આજે સાંજના સમયે અખ્તર પોતાના મિત્રો સાથે મેટ્રો રેલની કામગીરી ચાલી રહી છે, ત્યાં રમવા માટે ગયો હતો. પણ અચાનક ત્યાં લોખંડનો પિલર અખ્તર પડતાં જ તેનું મોઢું છુંદાઈ ગયું હતું. અને ઘટનાસ્થળે જ તેનું મોત નિપજ્યું હતું.
ડેંગ્યુ થયા બાદ મલ્ટીપલ ઓર્ગન ફેલ થતાં ઊંઝાના ધારાસભ્ય ડો.આશા પટેલનું નિધન
દુર્ઘટના બાદ મેટ્રો પ્રોજેક્ટના કારીગરો ઘટનાસ્થળેથી ફરાર

ઘટનાની જાણ થતાં જ અખ્તરના માતા-પિતા સહિતનાં પરિવારજનો ઉપરાંત સ્થાનિકોનું ટોળું ભેગું થઈ ગયું હતું. અને અખ્તરને તાત્કાલિક 108 મારફતે હોસ્પિટલ ખસેડવામાં આવ્યો હતો. પણ ડોક્ટરોએ તેને મૃત જાહેર કર્યો હતો. સમગ્ર ઘટનાને પગલે સ્થાનિકોમાં ભારોભાર રોષ ફેલાઈ ગયો છે. બીજી બાજુ મેટ્રો પ્રોજેક્ટ માટે સ્ટેશનનું કામ કરનાર કારીગરો આ દુર્ઘટના બાદ ત્યાંથી ફરાર થઈ ગયા હતા.

પુત્રના મોતની ખબર સાંભળતા જ માતા-પિતા બેભાન

સ્થાનિકોએ આરોપ લગાવ્યો કે, મેટ્રો સ્ટેશનની કામગીરીમાં કોઈપણ પ્રકારની સેફ્ટી રાખવામાં આવતી નથી. બીજી બાજુ અખ્તરનો પરિવાર પણ સમગ્ર ઘટનાથી આઘાતમાં ગરકાવ થઈ ગયો છે. અખ્તરના મોતની ખબર સાંભળીને તેનાં માતા-પિતા બેભાન થઈ ગયા હતા. જ્યારે અખ્તરના કાકાએ હવે પછી મેટ્રો સ્ટેશનની કામગીરી નહીં કરવા દઈએ તેવી ચીમકી ઉચ્ચારી છે.

[ad_2]

Source link

Leave a Reply

Your email address will not be published. Required fields are marked *