bootlegger: મિનરલ વોટરના જગની આડમાં થતી દારૂની હેરાફેરી ઝડપાઈ, 56 બોટલ કબજે કરી – bootlegger caught with 56 bottles of whisky in surat

[ad_1]

Nilay Bhavsar | I am Gujarat | Updated: Dec 25, 2021, 6:46 PM

સુરત એસઓજીની ટીમે મિનરલ વોટરના જગમાં વ્હિસ્કીની હેરાફેરી કરનારને ઝડપી પાડ્યો હતો. જેમાં 8 જગમાંથી વ્હિસ્કીની કુલ 56 બોટલો મળી હતી.

હાઈલાઈટ્સ:

પોલીસને આ તલાશીમાં પાણીના જગમાંથી વ્હિસ્કીની બોટલો મળી આવી હતી.
કુલ 8 જગમાં સંતાડેલી દારૂની 56 બોટલો કબજે લઈ તેઓ બંનેની ધરપકડ કરાઇ હતી.
આ બંને ઈસમો મિનરલ વોટરના ટેમ્પોમાં મૂકેલા જગમાં દારૂની હેરાફેરી કરી રોકડી કરી લેતા હતા.

સુરત: પોલીસથી બચવા માટે બૂટલેગરો નવા-નવા આઈડિયાઓ અજમાવતા હોય છે. આ ઘટના સુરતની છે કે જ્યાં સ્પેશ્યિલ ઓપરેશન ગ્રુપના સૂત્રો પાસેથી મળતી માહિતી અનુસાર દારુની હેરાફેરી અંગે મળેલી બાતમીના આધારે સુરતના ગોડાદરા એસએમસી ગાર્ડન પાસે વૉચ ગોઠવીને એક ટેમ્પોને આંતરવામાં આવ્યો હતો. ત્યારે સુરત એસઓજીની ટીમે મિનરલ વોટરના જગમાં વ્હિસ્કીની હેરાફેરી કરનારને ઝડપી પાડ્યો હતો. જેમાં 8 જગમાંથી વ્હિસ્કીની કુલ 56 બોટલો મળી હતી. ત્યારબાદ જુદી જુદી ટીમો બનાવીને વ્હિસ્કી મગાવનાર અને મોકલનારને પણ ઝડપી પાડવામાં આવ્યા હોવાનું જાણવા મળે છે.

મળતી માહિતી મુજબ, સુરતમાં એસઓજીએ એક ટેમ્પોને આંતરીને મિનરલ વોટરના જગમાં દારૂની હેરાફેરીની નવી મોડ્સ ઓપરેન્ડી ખુલ્લી પાડી હતી. પોલીસે 29 હજાર રૂપિયાની કિંમતના દારૂની 56 બોટલ સાથે ડ્રાઇવરની અટકાયત કરીને આગળની તપાસ હાથ ધરી છે. SOG પોલીસે જણાવ્યું હતું કે દારૂની હેરાફેરી ઝડપી પાડવાનું ઓપરેશન બાતમીના આધારે સફળ બનાવાયું હતું. મિનરલ વોટરના જગ સપ્લાય કરતા ઈસમો બુટલેગરોની મદદથી દારૂની હેરાફેરી કરી રહ્યા હોવાની માહિતી મળતા પોલીસે ચોક્કસ લોકેશન ટ્રેસ કરીને વૉચ ગોઠવી હતી. એટલું જ નહીં આ ટેમ્પાને ઊભો રાખીને તપાસ કરતા પાણીના જગમાંથી વિદેશી દારૂની બોટલો મળી આવી હતી. પોલીસે ટેમ્પાચાલક અંબાલાલ અને દિનેશને અટકાયતમાં લઈને ટેમ્પોની તલાશી હાથ ધરવામાં આવી હતી.
ગાંધીનગરની કેનાલમાં ડૂબેલા મિત્રોના મૃતદેહ આજે મળી આવ્યા, બર્થડે માટે ભેગા થયા હતા
મળતી માહિતી મુજબ, તેઓ બંનેએ ટેમ્પોમાં મિનરલ વોટરના જગ હોવાનું કહીને પોલીસને ગેરમાર્ગે દોરવાનો પ્રયાસ કર્યો હતો. જો કે બાતમી પાક્કી હોવાથી પોલીસે આ પાણીના જગ ચેક કરવાનું શરૂ કર્યું હતું. પોલીસને આ તલાશીમાં પાણીના જગમાંથી વ્હિસ્કીની બોટલો મળી આવી હતી. કુલ 8 જગમાં સંતાડેલી દારૂની 56 બોટલો કબજે લઈ તેઓ બંનેની ધરપકડ કરાઇ હતી. આ બંને ઈસમો મિનરલ વોટરના ટેમ્પોમાં મૂકેલા જગમાં દારૂની હેરાફેરી કરી રોકડી કરી લેતા હતા. જગમાં મૂકેલી 29,120 રૂપિયાની કિંમતની 56 દારૂની બોટલ મળી આવી હતી.

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : bootlegger caught with 56 bottles of whisky in surat
Gujarati News from I Am Gujarat, TIL Network

[ad_2]

Source link