bihar panchayat elections: પંચાયતની ચૂંટણીમાં વહુની હાર થઈ, આઘાત લાગતાં સાસુનું મોત – brother in law lost the panchayat election, mother in law died in shock

[ad_1]

હાઈલાઈટ્સ:

  • બિહારમાં પંચાયત ચૂંટણી દરમિયાન સનસનીખેજ કિસ્સો સામે આવ્યો
  • ચૂંટણીમાં વહુની હાર થતાં જ આઘાતમાં સાસુનું મોત નિપજ્યું
  • સાસુના મોત બાદ સમગ્ર પરિવારમાં દુઃખની લાગણી છવાઈ

સાસુ અને વહુના ઝઘડાઓ અંગે તો તમે અનેક વખત વાંચ્યું હશે, અને સાસુ તેમજ વહુ વચ્ચે દીકરી અને માતા જેવા સંબંધ હોય તેવી સ્ટોરી ખુબ જ ઓછી વાંચી હશે. તેવામાં બિહારમાંથી એક એવી ઘટના સામે આવી છે કે, જેને સાંભળીને તમને પહેલાં તો વિશ્વાસ નહીં થાય. પંચાયતની ચૂંટણીમાં વહુની હાર થતાં સાસુ આ આઘાત સહન કરી શક્યા ન હતા અને તેઓનું મોત નિપજ્યું હતું, જે બાદ સમગ્ર પંથકમાં દુઃખની લાગણી છવાઈ ગઈ હતી.

17 વોટથી વહુની હાર થઈ, આઘાતમાં સાસુનું મોત

બિહારમાં હાલ પંચાયચની ચૂંટણીઓ ચાલી રહી છે. આ દરમિયાન ગોપાલગંજ જિલ્લાના માંઝાના કર્ણપુરા ગામમાં પંચાયતની ચૂંટણી માટે 24 નવેમ્બરના રોજ મતદાન કરવામાં આવ્યું હતું, અને 26 નવેમ્બર શુક્રવારના રોજ પરિણામ જાહેર કરવામાં આવ્યું હતું. પંચાયતની ચૂંટણીમાં ઉમેદવાર માલા દેવીની 17 વોટોથી હાર થઈ હતી. આ વાતની જાણ માલા દેવીની સાસુ કૈલાશો દેવીને થઈ તો તેઓને ભારે આઘાત લાગતાં તેમનું મોત નિપજ્યું હતું. જે બાદ સમગ્ર પરિવારમાં માતમ છવાઈ ગયું હતું.

સાસુ અને વહુ વચ્ચે મા-દીકરી જેવો સંબંધ હતો

વહુની હાર થયા બાદ સાસુના મોતના સમાચાર સાંભળીને સમગ્ર પંથકમાં ચકચાર મચી જવા પામી હતી. તો પરિવારજનોના આક્રંદથી વાતાવરણમાં ગમગીની છવાઈ ગઈ હતી. પરિવારજનોએ કહ્યું કે, કૈલાશો દેવી અને માલા દેવી ભલે સાસુ અને વહુ હતા, પણ તેમના વચ્ચેનો સંબંધ એક માતા અને દીકરી તરીકેનો હતો. અને ચૂંટણીમાં વહુની હાર થવાનો આઘાત સાસુ સહન કરી શક્યા ન હતા. અને તેઓએ વહુની હારના સમાચાર સાંભળતાં જ દમ તોડી દીધો હતો.

સતત ચાર ટર્મથી પંચાયતમાં કર્યું રાજ, આ વખતે હારનો સામનો કરવો પડ્યો

આ સમગ્ર ઘટના અંગે ગ્રામજનોએ જણાવ્યું કે કૈલાશો દેવીનો પરિવાર સતત ચાર વર્ષથી કર્ણપુરા પંચાયતની ચૂંટણી જીતતા આવ્યા છે. કૈલાશો દેવીના પુત્ર સતત બે વખત ચૂંટણી જીત્યા છે, પણ બાદમાં આ સીટ મહિલાઓ માટે આરક્ષિત રહેતાં પુત્રવધૂ માલા દેવીને ચૂંટણીમાં ઉભા રાખવામાં આવ્યા હતા. તેઓ પણ સતત બે વખતથી ચૂંટણી જીતતાં આવ્યા હતા. પણ આ વખતે તેઓને હારનો સામનો કરવો પડ્યો હતો.

[ad_2]

Source link

Leave a Reply

Your email address will not be published. Required fields are marked *