best smallcap stocks: બમ્પર વળતરઃ 2021માં Smallcap શેર્સે 100%થી લઈને 2750% સુધી રિટર્ન આપ્યું – multibagger-stocks-2021-up-to-2750-return-221-smallcaps-doubled-money

[ad_1]

હાઈલાઈટ્સ:

કેલેન્ડર વર્ષ 2021માં સેન્સેક્સ 18 ટકા વધ્યો જ્યારે સ્મોલકેપ ઇન્ડેક્સ 55 ટકા ઊંચકાયો
સ્મોલકેપ ઇન્ડેક્સના 707 શેરોમાંથી 221 શેરોએ રોકાણકારોની સંપત્તિ અનેકગણી વધારી દીધી
એડ-ટેક કંપની બ્રાઇટકોન, ટાટા ટેલિસર્વિસિસમાં રોકાણકારોને ધુમ કમાણી

ભારતીય બજારમાં સ્મોલકેપ શેરોએ અભૂતપૂર્વ સારો દેખાવ કર્યો છે. કેલેન્ડર વર્ષ 2021માં બીએસઈ સ્મોલકેપ ઇન્ડેક્સે 55 ટકા જેટલું નક્કર વળતર આપ્યું હતું. સેન્સેક્સના 18 ટકાના વળતર સામે સ્મોલકેપ્સે લગભગ ત્રણ ગણું વળતર આપ્યું છે. સ્મોલકેપ શેરોએ સળંગ બીજા વર્ષે વળતર આપવામાં લાર્જ કેપ્સને પાછળ રાખી દીધા છે.

સ્મોલકેપ ઇન્ડેક્સના 707 શેરોમાંથી 221 શેરો એવા હતા જેમણે રોકાણકારોની સંપત્તિ અનેકગણી કરી દીધી હતી. એટલું જ નહીં અમુક શેરોએ 2755 ટકા સુધીનું જંગી વળતર આપ્યું છે.

એડ-ટેક કંપની બ્રાઇટકોન ગ્રૂપના ક્લાયન્ટમાં એરટેલ, બ્રિટિશ એરવેઝ, કોકા-કોલા વગેરે સામેલ છે. આ કંપનીનો શેર ડિસેમ્બર 2020ના અંતમાં માત્ર રૂ. 6.84 પર હતો, જે એક વર્ષમાં 2755 ટકા વધીને અત્યારે રૂ. 195ની આસપાસ ચાલે છે. 31 ડિસેમ્બર 2020ના રોજ આ કંપનીની માર્કેટ કેપ રૂ.434 હતી જે હવે વધીને રૂ. 20,343 કરોડે પહોંચી છે.

ટાટા ગ્રૂપની ટાટા ટેલિસર્વિસિસ (મહારાષ્ટ્ર)નો શેર પણ એક વર્ષમાં 1839 ટકા જેટલો વધ્યો છે. 2020ના અંતમાં આ શેરનો ભાવ રૂ. 7.97 હતો જે હવે વધીને રૂ. 154.6 થયો છે.

કંપની સળંગ 10 ક્વાર્ટરથી ખોટ નોંધાવી રહી હોવા છતાં તેનો શેર ઉછળ્યો છે.

આવી જ અન્ય એક કંપની છે જીઆરએમ ઓવરસિઝ. બાસમતી ચોખાની નિકાસ કરતી કંપનીના શેરે એક વર્ષમાં 1280 ટકા વળતર આપ્યું છે. તેનું બજારમૂલ્ય રૂ.200 કરોડથી વધીને રૂ. 3000 કરોડે પહોંચ્યું છે.

ઓરોમ પ્રોપ્ટેક (934 કરોડ), રતનઇન્ડિયા એન્ટરપ્રાઇઝિસ (651 કરોડ), ગણેશ હાઉસિંગ કોર્પોરેશન એક વર્ષના ગાળામાં 900 ટકા સુધી વધ્યા છે. સારેગામા ઇન્ડિયા, પીટીસી ઇન્ડસ્ટ્રીઝ, ઓલેક્ટ્રા ગ્રીનટેક, શેર ઇન્ડિયા સિક્યોરિટીઝ, ટ્રાઇડન્ટ, ટિપ્સ ઇન્ડસ્ટ્રીઝ અને પૂનાવાલા ફિનકોર્પમાં 2021માં 400થી 500 ટકા જેટલો વધારો થયો છે.

ઓછામાં ઓછા 48 શેર્સમાં 200 ટકાથી 300 ટકા જેટલો વધારો થયો છે. તેમાં ગુજરાત ફ્લોરોકેમિકલ્સ, એવરેસ્ટ કેન્ટો સિલિન્ડર, ગ્લોબસ સ્પિરિટ્સ, જેબીએમ ઓટોનો સમાવેશ થાય છે.

તેવી જ રીતે વિષ્ણુ કેમિકલ્સ, રામ્કી ઇન્ફ્રાસ્ટ્રક્ચર, રિલાયન્સ પાવર અને જિંદાલ વર્લ્ડવાઈડના શેરમાં પણ સારો એવો વધારો થયો છે.

પીજી ઇલેક્ટ્રોપ્લાસ્ટ, રાજરતન ગ્લોબલ વાયર, એક્રિસિલ, મેન ઇન્ફ્રાકન્સ્ટ્રક્શન અને એલિકોન એન્જિનિયરિંગ કંપનીના શેરમાં એક વર્ષના સમયગાળાની અંદર 300થી 400 ટકા સુધી વધારો થયો છે.

આ યાદીના કેટલાક અગ્રણી શેરો આ મુજબ છેઃ