[ad_1]
હાઈલાઈટ્સ:
- 56 વર્ષીય મહિલા વકીલ અમદાવાદના વાસણા વિસ્તારમાં રહે છે
- 45 વર્ષીય આધેડ છેલ્લા પાંચ મહિનાથી મહિલાનો પીછો કરતો હતો
- રાત્રિના સમયે ઘરમાં ઘૂસ્યા બાદ મહિલા વકીલે આધેડનો પીછો કરી તેને ઝડપી લીધો
ઘરમાં ઘૂસી આધેડે મહિલા વિરુદ્ધ અભદ્ર ટિપ્પણીઓ કરી
અમદાવાદના વાસણા વિસ્તારમાં રહેતી 56 વર્ષીય મહિલા રાજ્ય સરકારની પેનલમાં વકીલ છે. બુધવારની રાત્રે જ્યારે મહિલા પોતાના ઘરે કામ કરી રહી હતી, ત્યારે તો તેણે અને તેના પતિએ કોઈ અવાજ સાંભળ્યો, જે બાદ તેઓને લાગ્યું કે, તેમના ઘરમાં કોઈએ પ્રવેશ કર્યો છે. જે બાદ દંપત્તિ અવાજ તરફ આગળ વધ્યું હતું. અને તેમને જોયું કે, 45 વર્ષનો એક આધેડ મહિલા વકીલ વિરુદ્ધ અભદ્ર ટિપ્પણી કરી રહ્યો હતો. જે બાદ મહિલાના પતિએ લાકડી લઈને આધેડનો પીછો કરતાં તે ભાગી ગયો હતો.
મહિલા વકીલ અને સ્થાનિકોએ આધેડનો પીછો કર્યો
જો કે, મહિલા વકીલ આ સમયે આધેડને છોડવા માગતી ન હતી. મહિલાએ પોતાનું સ્કૂટર નીકાળી આધેડનો પીછો કર્યો હતો. આ ઉપરાંત સોસાયટીના સિક્યુરિટી ગાર્ડ સહિત સ્થાનિકો પણ આધેડની પાછળ દોડ્યા હતા. અને વાસણાના ચામુંડાનગર પાસે મહિલાએ સ્થાનિકોને આધેડ અંગે પુછપરછ કર્યાં બાદ આધેડને ઝડપી લીધો હતો.
આધેડે સૌ પ્રથમ મહિલા વકીલ અને સ્થાનિકોને જણાવ્યું કે, તેનું નામ રમેશ છે અને તે ફક્ત એમ જ ફરી રહ્યો હતો. જો કે, મહિલા વકીલે આધેડનો ચહેરો બરાબર ઓળખી લીધો હતો. જુલાઈ મહિનામાં પણ આધેડ વકીલના ઘરે આવ્યો હતો. જે બાદ મહિલાએ તાત્કાલિક પોલીસ કંટ્રોલ રૂમમાં ફોન કર્યો હતો. પોલીસ કંટ્રોલ રૂમ દ્વારા આધેડ સાથે પણ વાત કરવામાં આવી હતી. મહિલાએ એફઆઈઆરમાં જણાવ્યું હતું કે, જ્યારે આધેડને પુછવામાં આવ્યું કે પોલીસવાળાએ શું કહ્યું, તો તેણે જણાવ્યું કે, પોલીસે એવું કહ્યું કે, તે જતો રહે અને મહિલાએ તેની સામે ફરિયાદ નોંધાવવી ન જોઈએ.
અડધો કલાકે પીસીઆર વાન આવ્યા બાદ આધેડને પોલીસને હવાલે કર્યો
જો કે, મહિલા અને સ્થાનિકો અડધો કલાક સુધી આધેડને ઝડપી રાખ્યો હતો અને અડધો કલાક બાદ જ્યારે પીસીઆર વાન આવી ત્યારે આધેડને પોલીસને હવાલે સોંપી દીધો હતો. વાસણા પોલીસે તેને કસ્ટડીમાં લઈ પુછપરછ શરૂ કરી હતી. જે બાદ સામે આવ્યું કે, તેનું નામ સંજય બારૈયા છે અને તે વેજલપુરનો રહેવાસી છે. મહિલાએ પોલીસ ફરિયાદમાં લખાવ્યું છે કે, જુલાઈ મહિનામાં પણ રાત્રિના સમયે આધેડ તેના ઘરે આવ્યો હતો અને તેના શરીર અંગે અભદ્ર ટિપ્પણીઓ કરીને ગંદા ઈશારા કરતો હતો.
[ad_2]
Source link
Leave a Reply