a youth killed in accident in upleta: લગ્નમાં આવેલા રાજકોટના પરિવાની કારનો ઉપલેટામાં અકસ્માત, યુવાનનું કરૂણ મોત – a youth killed in car accident near upleta in rajkot

[ad_1]

Manishkumar Kapadia | I am Gujarat | Updated: Nov 27, 2021, 5:07 PM

રાજકોટ જિલ્લાના ઉપલેટા તાલુકાના ભાયાવદર પાસે મોડી રાતે આ ગમખ્વાર અકસ્માત સર્જાયો હતો. કાર રોડની સાઈડમા નીચે ઉતરીને ખાડામાં પટકાઈ હતી

હાઈલાઈટ્સ:

લગ્ન પ્રસંગમાં આવેલા પરિવારના સભ્યો સંબંધીન કારમાં મુકવા જઈ રહ્યા હતા
મોડી રાત્રે તેઓ ખારચીયા રોડ પર આવેલા રેલવે ફાટક પાસેથી પસાર થતા હતા
ત્યારે શ્વાન રસ્તામાં આવી જતા કાર ચાલકે સ્ટિયરિંગ પરનો કાબૂ ગુમાવ્યો હતો

રાજકોટઃ રાજકોટમાં એક જ દિવસમાં અકસ્માતની બે વિવિધ ઘટના સામે આવી છે. આ બંને અકસ્માતમાં એક મહિલા અને એક યુવાનનુ મોત થયુ હોવાના સમાચાર સામે આવ્યા છે. રાજકોટ જિલ્લાના ઉપલેટા તાલુકાના ભાયાવદર પાસે મોડી રાતે આ ગમખ્વાર અકસ્માત સર્જાયો હતો. કાર રોડની સાઈડમા નીચે ઉતરીને ખાડામાં પટકાઈ હતી. જે બાદ અકસ્માતમાં એક યુવાનનું કરુણ મોત નીપજ્યુ હતુ. તો આ અકસ્માતમાં અન્ય ત્રણ લોકો સદનસીબે બચી ગયા હતા.

બનાવની વિગત એવી છે કે, ભાયા વદરના ખારચીયા રોડ પર આવેલા રેલવે ફાટક નજીક આ અકસ્માત સર્જાયો હતો. રાજકોટના ધોરાજીમાં આવેલી મોટી વાવડીમાં રહેતો જીવાણી પરિવાર ધોરાજીના સુપેડી ગામ ખાતે લગ્ન પ્રસંગમાં આવ્યો હતો. એ સમયે કારમાં બેસીને કોઈ સંબંધીને ઉપલેટાના ખારચીયા ગામે મુકવા માટે નીકળ્યા હતા. ત્યારે મોડી રાત્રે રેલવે ફાટક નજીકથી તેઓ પસાર થઈ રહ્યા હતા.
ગોંડલ પાસે ટ્રક અને બાઈક વચ્ચે અકસ્માત, મહિલાનું ઘટના સ્થળે કરૂણ મોત
એ સમયે રોડ પરથી કાર રસ્તાની સાઈડમાંથી નીચે ખાડામાં ઉતરી ગઈ હતી. જેમાં કારમાંથી સવાર ચાર લોકોમાંથી એક યુવાનનું કરૂણ મોત નીપજ્યુ હતું. આ અકસ્માતમાં મોટી વાવડી ગામના અને રાજકોટાં રહેતા દીપકભાઈ નવીનભાઈ જીવાણી નામના યુવાનનું અકસ્માતમાં કરૂણ મોત નીપજ્યુ હતુ. જ્યારે કારમાં સવાર અન્ય લોકો સદનસીબે બચી ગયા હતા. તેઓને નાની મોટી ઈજાઓ પહોંચી હતી. જે બાદ તેઓને સારવાર માટે હોસ્પિટલ ખસેડવામાં આવ્યા હતા.
અકસ્માતમાં માવતર ગુમાવનાર સુરતની ત્રણ દીકરીઓ માટે દાનની સરવાણી ફૂટી
આ અકસ્માતમાં મૃત્યુ પામેલા મૃતકને ઉપલેટાની કોટેજ હોસ્પિટ ખાતે પોસ્ટ મોર્ટમ માટે ખસેડવામાં આવ્યો હતો. અકસ્માત થવાનું કારણ એવું જાણવા મળ્યું છે કે, રસ્તામાં શ્વાન વચ્ચે આવી ગયુ હતુ. જે બાદ શ્વાનને બચાવવા જતા કારના ચાલકે સ્ટિયરિંગ પરનો કબૂ ગુમાવ્યો હોત. જે બાદ આ અકસ્માત સર્જાયો હતો. તો આ મામલે પોલીસે અકસ્માતનો ગુનો નોંધીને આગળની કાર્યવાહી હાથ ધરી છે. ત્યારે અકસ્માતની આ ઘટના બાદ જીવાણી પરિવારમાં શોકનો માહોલ છવાયો હતો.

બોપલમાં વેચાતા આ ‘ઓરિયો ભજીયા’નો ટેસ્ટ તમે કર્યો કે નહીં?

આસપાસના શહેરોના સમાચાર

Gujarati News – I am Gujarat: ગુજરાત, દેશ, વિદેશ, શિક્ષણ, બિઝનેસ, મૂવી, જ્યોતિષ, ધર્મ, સ્પોર્ટ્સના લેટેસ્ટ સમાચાર ઉપરાંત વાયરલ ન્યૂઝ મેળવવા માટે ડાઉનલોડ કરો I am Gujaratની એપ

Web Title : a youth killed in car accident near upleta in rajkot
Gujarati News from I Am Gujarat, TIL Network

[ad_2]

Source link