[ad_1]
રાજકોટ: ઉપલેટા નજીક કાર ચાલકે પગપાળા જતી 3 મહિલાઓને અડફેટે લીધી હતી, જેમાંથી બેના ઘટનાસ્થળે જ મોત નીપજ્યા હતા જ્યારે એકને ગંભીર ઈજાઓ થતાં સારવાર માટે હોસ્પિટલ ખસેડવામાં આવી હોવાનું જાણવા મળ્યું છે. મીડિયા રિપોર્ટ મુજબ મૃતક બંને મહિલાની લાશને પોસ્ટમોર્ટમ માટે કોટેજ હોસ્પિટલ ખસેડીને પોલીસે આગળની વધુ તપાસ હાથ ધરી છે. એવુ કહેવાઈ રહ્યું છે કે, ઉપલેટા ડુમિયાણી વચ્ચે આ અકસ્માત સર્જાયો હતો.
પ્રાપ્ત અહેવાલો અનુસાર મહિલાઓ અને પુરુષો પગપાળા કરીને દ્વારકા દ્વારકાધીશના દર્શન કરવા જતા હતા. દરમિયાન ઉપલેટા અને ડુમીયાણી વચ્ચે પહોંચ્યા અને પાછળથી આવતી કારે ત્રણ મહિલાઓને ટક્કર મારી હતી. મનોકામનાઓ પૂર્ણ થતા વડોદરાના પાદરાથી આખો સંઘ વડોદરાના પાદરાથી દ્વારકાધીશના પગપાળા દર્શન માટે નીકળ્યો હતો. જો કે, સંઘ દ્વારકાધીશ દ્વારકા પહોંચે તે પહેલા અકસ્માતમાં બે મહિલાઓના મોતથી સંઘના લોકોમાં દુઃખની લાગણી પ્રસરી ગઈ છે. હાલ સમગ્ર મામલે ઉપલેટા પોલીસ દ્વારા વધુ કાર્યવાહી હાથ ધરવામાં આવી છે.
મીડિયા રિપોર્ટ મુજબ પાદરાથી નીકળેલા પગપાળા સંઘમાં 90 પુરુષ અને કેટલીક મહિલાઓ સામેલ હતી. ગતરાત્રિના રોજ પગપાળા સંઘ ધોરાજી તાલુકાના સુપેડી પહોંચ્યો હતો. સુપેડી ગામે રાતવાસો કર્યા બાદ સવારે સંઘ પગપાળા આગળ ચાલતો થયો હતો. ત્યારબાદ સંઘ ઉપલેટા પોરબંદર હાઈવે પર મોજ નદીના કાંઠે પુલ પાસે આવેલા કારેશ્વર મહાદેવના મંદિર સામે પહોંચ્યો ત્યારે કારના ચાલકે કાબુ ગુમાવતા મહિલાઓને અડફેટે લીધી હતી.
પ્રાપ્ત માહિતી અનુસાર આ અકસ્માતમાં બે મહિલાઓના કમકમાટીભર્યા મોત થયા છે. મૃતક મહિલાઓ ઘરકામ કરીને પરિવારનુ ગુજરાન ચલાવતા હતા. બનાવની જાણ થતાં ઉપલેટા પોલીસ ઘટના સ્થળે પહોંચી બંને મૃતદેહોને પોસ્ટમોર્ટમ માટે કોટેજ હોસ્પિટલ ખસેડવામાં આવ્યા હતા. તેમજ અમદાવાદથી પોરબંદર જઈ રહેલા કાર ચાલકની અટકાયત કરીને પોલીસે વધુ તપાસ હાથ ધરી હોવાનું જાણવા મળ્યું છે.
[ad_2]
Source link
Leave a Reply