[ad_1]
હાઈલાઈટ્સ:
- કલોલમાં ચેઈન સ્નેચિંગમાં બનાવ વધતા ગાંધીનગર એલસીબીએ પેટ્રોલિંગ શરૂ કર્યું હતું
- 30 ડિસેમ્બરે નંબર પ્લેટ વગરની બાઈક પર જતાં બે શખ્સને પોલીસે ઝડપી પાડ્યા હતા
- સોનાની ચેઈન અને મંગળસૂત્ર મળતા પોલીસે કડકાઈથી પૂછપરછ કરતા બંનેની કબૂલાત
- ગાંધીનગર LCBએ 17 ગોલ્ડ ચેઈન, બાઈક સહિત 15.50 લાખનો મુદ્દામાલ કબજે કર્યો
પોલીસ પાસેથી પ્રાપ્ત માહિતી અનુસાર બંને શખ્સોએ અમદાવાદ શહેરમાં-10, અમદાવાદ ગ્રામ્યમાં 6 અને ગાંધીનગર જિલ્લામાં 4 સ્નેચિંગને અંજામ આપ્યો છે. છેલ્લા ઘણા સમયથી કલોલમાં ચેઈન સ્નેચિંગના ગુનાઓ વધતાં પોલીસે આરોપીઓને પકડવા માટે પ્લાન બનાવ્યો હતો. ગુરુવારે પોલીસે બાતમીના આધારે કલોલમાં પેટ્રોલિંગ દરમિયાન કલોલ સ્ટેશન રોડ તરફ નંબર પ્લેટ વગરની બાઈક પર જતાં બે શખ્સને ઝડપી પાડ્યા હતા. પોલીસે બંનેની પૂછપરછ કરતા બંને સલાઉદ્દીન સરકુદ્દીન સૈયદ (રહે. શાહપુર, અમદાવાદ) અને મઝહર અકબરભાઈ વોરા (રહે. શાહપુર, અમદાવાદ) હોવાનું સામે આવ્યું હતું.
પ્રાપ્ત માહિતી અનુસાર બંનેની ધરપકડ બાદ પોલીસને બાઈક પર એક સફેદ કલરની પ્લાસ્ટિકની કોથળી મળી આવી હતી, જેમાં તપાસ કરતા સોનાની 17 ચેઈન તથા મંગળસૂત્ર મળી આવ્યા હતા. આ અંગે પૂછપરછ કરતા સંતોષકારક જવાબ ન મળતા પોલીસે કડક પૂછપરછ શરૂ કરતાં બંને ભાંગી પડ્યા હતા અને તેઓએ સાથે મળીને બાઈક ઉપર રસ્તામાં આવતી જતી મહિલા તથા પુરુષોને ટાર્ગેટ કરીને ચેઈન સ્નેચિંગના ગુનાઓ આચર્યા હોવાની કબૂલાત કરી હતી.
પોલીસ પૂછપરછમાં બંનેએ 20 ગુનાને અંજામ આપ્યો હોવાનું સામે આવ્યું છે. જેમાં પાલડી, કલોલ, ઘુમા, ઓઢવ, વસ્ત્રાપુર, રાણીપ, આનંદનગર, તપોવન સર્કલ, ઘુમા, રાણીપ, વાડજ, નારોલ, સાઉથ બોપલ, કલોલ, બોપલ, ચાંદખેડા, સોલા, કલોલ, ગોતા અને સોલામાં રસ્તામાં આવતા-જતા રાહદારીઓને ટાર્ગેટ કરતા હોવાનું સામે આવ્યું છે. આ અંગે સંબંધિત પોલીસ સ્ટેશનમાં વિવિધ કલમો હેઠળ ગુના પણ નોંધાયા છે. મોડસ ઓપરેન્ડીની વાત કરીએ તો બંને બાઈક પર રાહદારીઓની નજીક જઈને ગળામાં પહેરેલ સોનાની ચોઈન તોડીને ભાગી જતાં હતા.
[ad_2]
Source link
