રાજ્યભરમાં ઘટ્યું લઘુત્તમ તાપમાન, અમદાવાદીઓને અનુભવાઈ ફુલગુલાબી ઠંડી – temperature dips in most parts of gujarat

[ad_1]

હાઈલાઈટ્સ:

  • રાજ્યના લગભગ તમામ ક્ષેત્રોમાં ઘટ્યું લઘુત્તમ તાપમાન.
  • અમદાવાદમાં લઘુત્તમ તાપમાન 17 ડિગ્રી પર સ્થિર થયું.
  • વહેલી સવારે થાય છે ફુલગુલાબી ઠંડીનો અનુભવ.

અમદાવાદ- પાછલા ઘણાં દિવસોથી ગુજરાતના લગભગ તમામ ક્ષેત્રોમાં લઘુતમ તાપમાનમાં સતત ફેરફાર જોવા મળી રહ્યો છે. ગુરુવારની સરખામણીમાં શુક્રવારના રોજ રાજ્યના મોટાભાગના શહેરોના લઘુત્તમ તાપમાનમાં એક-બે ડિગ્રી જેટલો ઘટાડો નોંધાયો હતો. આ ઘટાડાની સાથે રાજ્યભરમાં લોકોને ઠંડી અનુભવાઈ હતી. નલિયાની વાત કરીએ તો અહીં તાપમાન 13.2 ડિગ્રી સુધી પહોંચી જતા સવારે કડકડતી ઠંડીનો અનુભવ થયો હતો.

20 લાખ ડિસ્કાઉન્ટમાં મર્સિડિઝ કાર લેવાની લ્હાયમાં વેપારીએ 45 લાખ ગુમાવ્યા
અમદાવાદ શહેરની વાત કરવામાં આવે તો અહીં પણ બે દિવસમાં તાપમાન પાંચ ડિગ્રી જેટલું ઘટી ગયું છે, જેના કારણે વહેલી સવારે ફુલગુલાબી ઠંડીનો અનુભવ નાગરિકોને થઈ રહ્યો છે. હવામાન વિભાગની આગાહી અનુસાર, રાજ્યભરમાં આગામી દિવસોમાં ઠંડીનું પ્રમાણ વધી શકે છે. ઉલ્લેખનીય છે કે રાજ્યમાં વાતાવરણ પલટાયું ત્યારપથી તાપમાનમાં સતત વધારો નોંધાયો હતો. લોકો ગરમીને કારણે પરેશાન થઈ રહ્યા હતા. પરંતુ પાછલા 2-3 દિવસથી અમદાવાદ શહેરની સાથે સાથે રાજ્યના અન્ય વિસ્તારોમાં પણ તાપમાનમાં ઘટાડો નોંધાયો છે. જેના કારણે ગરમીથી ત્રસ્ત લોકોન રાહત મળી છે.

સોશિયલ મીડિયા પર મિત્રતા કરવી 45 વર્ષીય વ્યક્તિને ‌મોંઘી પડી, ગુમાવ્યા 75 હજાર રૂપિયા
ઉલ્લેખનીય છે કે મહત્તમ તાપમાન હજી પણ 32 ડિગ્રીની આસપાસ હોવાને કારણે બેવડી સીઝનનો અનુભવ થઈ રહ્યો છે. વહેલી સવારે ઠંડી અનુભવાય છે જ્યારે બપોરે હજી પણ ગરમી પડે છે. રાજ્યમાં ઉત્તર પૂર્વ દિશા તરફથી ઠંડા પવનો ફૂંકાઈ રહ્યા છે. આજે અમદાવાદનું લઘુત્તમ તાપમાન 17 હતું. અન્ય શહેરોની વાત કરીએ તો વડોદરાનું 17.8, સુરતનું 20.8, રાજકોટનું 19, દ્વારકાનું 21.6 છે. નલિયાની વાત કરીએ તો નલિયાનું લઘુત્તમ તાપમાન 15.6 નોંધાયુ છે.

[ad_2]

Source link

Leave a Reply

Your email address will not be published. Required fields are marked *